عراك بين 2 اوسكار طولهم 7سم

[abdelruhman*]

السﻻم عليكم
اﻻن بعد مجبت ال2 اوسكار الصغار بردو رجع موضوع السيطره ولكن قلت اتركهم لكنى ﻻحظت شده اﻻذى الذى الحقة اﻻوسكار المسيطر فى الضعيف ففصلت بفاصل زجاجى فلقيت الضعيف نايم على اﻻرض فنزعت الفاصل فقولت اجرب اجيب سمكة كوى يمكن ينشغل بيها ولكن برضو بيئذى الضعيف والعجيب مش بيئذى الكوى اﻻنعندى حوض اللى هو الصينى البﻻستيك 30طول 20 عرض وارتفاعه 30 فأملئة من ماء الحوض اﻻساسى واحط فيه اﻻوسكار القوى؟علشان لما يرجع للحوض اﻻساسى يحث انو جديد ؟ فأعمل اى ؟؟؟
واسف على اﻻطاله لكن حبيت اشرح اللى بيحصل بالتفصيل
وارجو الرد قبل الحاق اﻻذى اكثر
وشكرا

[agh]

جرب انك تحتطه في الحوض الصغير فترة و بعدين رجعوا فيحس انه جديد فكرة جميلة
بس ممكن يكون الحوض الاساسي صغير على الاوسكار علشان كده في مشاكل

[abdelruhman*]

طيب هل املئ الحوض الجديد كلو من ماء الحوض اﻻساسى ام املئ نصفه فقط والباقى ماء مركون علشان الدوره البيلوجية؟
والحوض الجديد به فلتر مركب فيه هل هذا الفلتر جيد؟وهترك المسيطر فى الحوض الجديد حتى ترجع قشور اﻻوسكار كما كانت ام اتركه فى الحوض الجديد مده قصيرة؟
والحوض بالفعل صغير 50طول و 40 ارتفاع و 30 عرض وهكبرو لمتر وشويه لما اﻻوسكار يكبر لطول 15سم وعندى استفسار صغير صحبى عايز يربى سمك فخيرته بين المسالم والمفترس فأختار المفترس فنصحتو بحوض 100طول و45 عرض و 45 ارتفاع فهل عدد لتراته 202.500 لتر؟
واجيبلو فلتر باورهيد كام لتر يكون مناسب ؟ وعايز يربى 6اسماك فى الحوض ف4 اوسكار و 2 باروت من حجم صغير او 15 سم مناسب؟؟
واسف على اﻻطالة

[abdelruhman*]

انا ملئت الحوض الصغير من ماء الحوض اﻻساسى تبقى فقط 10 بالمئه كملتهم من ماء مركون وحطيط قطعة خشب متحجر علشان ال ph
ونقلت اﻻوسكار للحوض الصغير فأرجعو للحوض اﻻساسى بعد اد اى ؟ وبالنسبه لدرجة الحراره الحوض الصغير فيه فلتر مركب فيه وماتور اكسجين ﻻكن يوجد سخان وﻻكن توجد لمبه مركبة فى الغطا وعمله بعض السخونية ودرجة الحراره فى الترمومتر 24 فهل توجد مشكلة فى الحراره؟واسف على اﻻطاله
وشكرا

[abdelruhman*]

اسف اقصد ﻻيوجد سخان

[agh]

الفلتر ان شاء الله كويس بس انت داوم على تغيير الماء و سيب الاوسكار في الحوض يمكن اسبوع او 10 ايام كفاية
حوضك الاساسي صغير و طبيعي ان يحصل فيه مشاكل بين اي نوع من السيكلد و كمان به ازيد بشوية من 50 لتر (كمية الماء في الحوض مش بضرب الطول في العرض في الارتفاع بل في ارتفاع الماء لانك طبيعي سايب مسافة مش مليانة ) طبعا دي كمية قليلة للاوسكار و بالنسبة لصديقك فالاسماك المفترسة بداية كبيرة عليه انا لو مكانك كنت نصحتوا بالجولد في حدود من 6 الى 8 اسماك
و هيكون الحوض جميل جدا و لكن البداية بالاوسكار او السيكلد عموما صعبة و هتواجهه مشاكل كبيرة واذا اصر فان 2 اوسكار و 2 باروت كفاية لان الحوض في احسن الاحوال به 180 لتر و في كلتا الحالتين سيحتاج لفلتر قوي حوالي 1800 ل 2000 لتر من نوع كويس اما اذا لم يجد الا صيني فلا يشتري الا بويو عن تجربة
اعتقد الحرارة مفيهاش مشاكل

[abdelruhman*]

عندما ارجع اﻻوسكار للحوض وحصلت مشاكل عندها هجيب 2 اوسكار بنفس الحجم ﻻن قرأت اﻻفضل يبدأو من ( 4، 6، 8)ﻻنه اذا كانو اربعة مينفعش سمكتين يتفقوا على سمكتين ﻻنى قرأت موضوعات كثيره عن العراك والناس احواضها كبيره وبتحصل مشاكل ﻻن عندهم 2 اوسكار وانا هعمل حوض متر بس اﻻوسكار يكبر على اﻻقل ل 12سم

[agh]

حاول ان الحوض يكون اكبر لان حتى 12 سم غلط لان الاسماك المصابة بالتقزم بيكون عمرها اقل

[abdelruhman*]

السﻻم عليكم
انا ارجعت اﻻوسكار للحوض اﻻساسى ﻻنى كنت نازل من البيت ورأيت تسريب فأرجعت اﻻوسكار وفضيت الحوض ورجعت اليوم باردو عدوانيه من اللى كان معزول فهل مده عزله لم تكن كافيه؟المده كانت 6 ايام فهل ارجع اعزله تانى وﻻ اتركهم ﻻنه احيانا عنف واحيانا بيعومو مع بعض واضفت فخار كبير كمخبأ فهل سيغير من تركيبة الماء؟ مع العلم ان يوجد فى الحوض قطعتين خشب متحجر

[agh]

لا ان شاء الله لن يغير من تركيبة الماء

[abdelruhman*]

وبالنسبه للعراك هل اقوم بعزل الذكر المسيطر مره اخرة ﻻنى ﻻحظت شده الضرر اللى الحقو اﻻوسكار القوى بالضعيف مع العلم انى حجزتو ست ايام وبرضو حصل عراك وهل يوجد اى حل اخر؟:(:(:(
وشكرا

[abdelruhman*]

انا فكرت ان اتخلى عن اوسكار واترك واحد فى الحوض واريد ان اعرف ما الذى يعيش مع اﻻوسكار الصغير بدون مشاكل وهل الكﻻريس مناسب ؟
وهل يمكن تحديد جنس اﻻوسكار وهو صغير بالعنف؟ حتى لو يمكن وبأحتماﻻت بسيطة ﻻن لما عزلت اﻻوسكار القوى كان الضعيف فى الحوض اﻻساسى ومعاه سمكة الكوى ومكنش بيئذيها وﻻكن لما رجع القوى بهدل السمكة
وشكرا وارجو منكم الرد