غر الببغاء

[البخيتان]

السلام عليكم ورحمة الله وبركاته

عندي فرخ كاسكو عمره شهرين وعندي ابرة الغر 20مل
طبعا الامور تمام ولله الحمد
بس حبيت اسأل ب الضبط كم مل اغره في المرة الواحدة وفي كم العمر المناسب
لتدريبه على الشقلبة (حركة النوم على الظهر)
وحركة السلام بالقدم

[تووتـي0510]

وعليكم السلام ورحمة الله وبركاتة

انا بعد عندي طير صار له اسبوع عندي
وعمره شهرين ونص

انا الابره اللي موجوده عندي كبيره 60ml واغره يومياً ثلاث وجبات كل 6 ساعات
في كل وجبه اغره من 40ml الي 50ml في كل وجبه
وطبعاً لازم تحاول تخليه يجرب ياكل الحبوب والفواكه كل مره شوي شوي لانه يتعلم وحط له بعد في القفس حصن ماء وصحن اكل اهو مو اكيد راح ياكل راح يجرب وراح تذوق بس اهم شي تحافظ على الوجبات الثلاث وعلى توفير الدفئ

بخصوص الشقلبه يتعلمها من الصغر لاكن كم العمر بالضبط ما اعرف بس انا جربتها الحين مع طيري
تقبلها لاكن كان يحاول يمسك برجوله اصابع ايدي عشانه خايف بس يجلس على ظهره ثواني وبعدها اوقفه مايحب يطول على هالحركه

وبالتوفيق لك يارب واتمنى اني افدتك حتى لو شوي لاني مبتدئه في تربية الببغاء الافريقي الرمادي

[muadh1993]

السلام عليكم ورحمة الله وبركاته

عندي فرخ كاسكو عمره شهرين وعندي ابرة الغر 20مل
طبعا الامور تمام ولله الحمد
بس حبيت اسأل ب الضبط كم مل اغره في المرة الواحدة وفي كم العمر المناسب
لتدريبه على الشقلبة (حركة النوم على الظهر)
وحركة السلام بالقدم

40 - 60 مل 3 مرات في اليوم يكفي و تاكد الاكل دافئ مو بارد, و لما يوصل عمر 4 شهور توقف تدريجيا عشان يعتمد على نفسه.

و تدريبة على الشقلبة يفضل انك تنتظر شوي :rolleyes: لان الببغاء بعده صغير و ما عنده توازن

[البخيتان]

يعطيكم ألف عافية ...