ببغائي تعبني

[المغموض]

كيف حالكم جميعا
عندي ببغاء بلوفرنتد له معي تقريبا ست اشهر
اولا مشكلته باقي يعض ثانيا انا اطلعه من القفص كل يوم بس مااقدر اطلعه الا بااني اجيب سقف القفص وافكه وهو يركب واشيله واطلعه بعدها كيف الطريقه معه مع اني ااكله يوميا من يدي ويطير هو يجي يجلس بيننا وحنا جالسين
وش الحل

[رآبت]

بسيطه ..

بس اول شي تغلب على مشكلة العظ بانك تاكله كل يوم من ايدك اشياء يحبها نوع بين الفواكة والفول السوداني والرز .. وهذي الاشياء اللي يحبها اي ببغاء

وامسح على راسه وظهره بثقة !! مو كأنك تبينله انك خايف منه يعضك !!

بعد فترة من اسبوعين الى 3 اسابيع راح تتخلص من مشكلة العظ

ثانيا مشكلة الطلوع من القفص مسالة بسيطة

بعد ماتتخلص من مشكلة العظ

حط ايدك داخل القفص عند جسمه وبيصعد على ايدك وطلعه فوق عادي ..

بعد فترة سكر القفص من فوق وافتح الباب العادي وحط ايدك وطلعه !!

لكن لازم الببغاء يكون متعود على الطلوع يعني يعرف فتح الباب = طلوع من القفص وتغيير جو

وهذا طبعا يجي مع التكرار

اضافة : اتخذ الببغاء صديق لك .. هو ليس بمجبور انه ينفذ الاشياء اللي تبيها انته !!
لاتتعب منه .. اصبر عليه .. اعتبره مثل صديق .. حبه وصدقني راح يحبك ويسوي اللي تبيه

دمت

[المغموض]

شكرا لك على ذي النصايح وفيت وكفيت وان شاء الله يبين اثرها مع الوقت
بالنسبه الان عندي الببغاء يموت في شي اسمه الريحان ياكله بشكل عجيب تحس تجيه حاله هستيريه اذا شافه طبعا في البدايه طب عليه بالغلط عبر احد المزهريات والان ماادري اعطيه او ممكن يكون مضر

[رآبت]

الريحان من الخضروات والخضروات مفيدة طبعا للبغاء .. دامه يحب الريحان اتخذه وسيله تساعدك بالترويض وتستطيع استمالة الطير لك بسهولة ..

بالمناسبة الريحان مفيد ولكن يكفي ورقة او ورقتين بس باليوم لان فيه نسبة عالية من الدهون

دمت