كلبي رجع دم

[sweetkoki2007]

انا مش عرفة هل بسأل ولا بفضفض معاكم. كلبي شيكو 10 شهور كان كويس جدا وفوق الممتاز بعد ما خف من مرضه الاولاني لكن مكانش متعود علي النزول في الشارع ولا حتي برة باب الشقة حاولنا مرة من شهر اننا نزله من علي السلة دور واحد بس فمن كتر الخناق جه بعدها قعد يرفع رجله وقل اكل ولعب خالص وديناه للمستشفي وعملوا اشعة طلع عنده كسر في الكوع والاستشاري اللي كان موجود في الوحدة ساعتها قال هنديله دوا يمشي عليه اسبوع ولو مخفش هنعمل عملية. اخد remedyle قرص كل يوم بعد الاكل وحقن فيتامين ب. بعد الاسبوع بكام يوم كان اتحسن وبقي يلعب وبقي تمام. رجع تعب تاني. اكل قليل ومحاولة للترجيع كتير وبعضها ينجح انه يرجع زي سائل ابيض شفاف كمية صغيرةة. وديناه المستشفي تاني قالوا ده من تأثير الدوا عشان تقيل علي المعدة. ياكل مسلوق وياخد مضاد حيوي وزانتاك مدة 5 ايام. المشكلة انه انهردة الصبح اكلناه سيريلاك بالعافية بالسرنجة في بقه بعد ما شيلنا الابرة بعدها بكام ساعة لقيته رجع اللي اكله ومعاه دم وكتل دم حمرا. انا مش عرفة اتصرف ازاي ولا اعمل ايه

[lacoste]

انا من رأي ان تغير الطبيب البيطري وبأسرع وقت بدون انتظار ردود الاعضاء ....

[mina assad]

الكلب جالة قرحة فى المعدة من دوا العظم.
1) zantac amp يوميا عضل لمدة 5 ايام
2) mucogel
5سم كل 8 ساعات
3) Omipak or any powerful proton pomp inhibitor cap
كبسولة يوميا لمدة اسبوعان
و خير باذن اللة

[الهولي]

ان شاءالله هي فتره وتعدي

لكن اذا امتنع عن الاكل او في اسهال او ترجيع بكثره عليك الذهاب به فوراً للعيادة البيطرية

[sweetkoki2007]

اشكركم علي اهتمامكم جدا. Mina assad الكلب فعلا جاله قرحة من دوا العظم الاقراص واديناله حقن بريم برام وزانتاك ومضاد حيوي وقعد حوالي يوم ونص في ترجيع الدم ده لكنه وقف الحمد لله ودلوقتي في كحة جامدة بس. الهولي هو اللي كان مديني الامل في الشفا انه كان نفسه ياكل عضم فراخ من ايدينا بس طبعا مكناش بنديله وكان بياكل بسيط جدا وكان بيشرب مياه بس الرغبة في الاكل كانت موجودة. Lacoste انا مش بروح عيادة انا بروح مستشفي ودي احسن حاجة بيطري موجودة في مصر بتكون همها صحة الحيوان مش الربح المادي ويمكن قليل لما تلاقي ده في مصر بالذات. عموما هو دلوقتي القرحة خفت لكن الكحة شغالة وفي التهاب في عينه وودنه. اخد العلاج وعينه اتحسنت لكن ودانه مش قابل اني انضفها.
حاسة انه الكلب زي ما يكون اتنظر. اللي يقولك يااااااه دول صرفوا الفين جنيه في كلب تبقي فلوسهم زي الرز مش عارفين يودوها فين واللي يقولك ياسلااااام شوف الولدة بتاعت الكلب هتتباع بكام وهيكسبوا كام ده غير كام واحد عمالين يكلمونا علي ولدة من الكلب حاطين عينهم عليها وببلاش طبعا. ليه الناس متسبش الناس في حالها. ربنا عالم احنا حوشنا تمنه ازاي عشان خاطر يبقي اخ لبنتي الصغيرة لغايت ما اقدر اخلف تاني.
الاخ هولي ارجو عدم المضايقة وغلق الموضوع انا زي ما قولتلك الموضوع مضايقني وبفضفض معاكم بس

[الهولي]

العفو

بريم برام ممتاز جداً لترجيع والزنتاك برضو كويس كمضاد حيوي

لكن الافضل يكون الاكل نوع واحد ومافي شي اسمه حليب ولبن او بيض كل هذا لاينفع كلبك

افضل الاكل دراي فود من شركة معروفة ونوع واحد فقط يعني لاتشكل له وانتبه من اي عظم دجاج او غيره خطر على كلبك

واشكرك على اهتمامك وان شاءالله يتحسن الى الافضل

:Dوموضوع الفضفضه خليه على الخاص فقط افضل لي وليك :p

[الماسيــــــــــه]

ﻻزم توديه للبيطري