استفسار بخصوص طيور الروز

[الصاعقة]

السلام عليكم

اخواني الاعزاء

عندي جوز روز اشتريتهم قبل 10 ايام وصاحبهم قال لي انهم جاهزين

المهم اخذتهم وبيضت الأنثى بيضة وبعد يومين شفت بيضتين المهم معاد فتحت عليهم عشان مايخافون المهم الان الأثنى جالسة مع الذكر برى وما اشوفها تجلس على البيض ايش السبب وماهي الطريقة الي اسويها الان ؟

[hani 66]

قد يكون السبب انهم جدد ع المكان

وفر لهم الهدوء والامان وان شاء الله ترجع تحضن

[الصاعقة]

تسلم اخوي هاني

الان مدري اشيل البيض وارميه واخليهم يبيضون مرة ثانية ولا كيف نظامهم

مدري دائما اشوفها برى القفص ولها الان 5 ايام من اول بيضة

[hani 66]

افحص العش ان كان عندها اكثر من بيضتان فعليك الانتظار يومان اخران

في الغالب متوسط البيوض لدى الروز 4 بيضات وتصل الى 6

عليك ان تحسب من اخر بيضه كم يوم ماحضنت الانثى _ ايضا لوكانت الغرفه جوها مناسب فلن يفسد البيض بسرعه اصبر كم يوم في حال لم تحضن بامكانك رمي البيض

[الصاعقة]

الله يجزاك خير

اجل بإذن الله ننتظر واشوف اليوم هل البيض مثل ماهو او زاد

امس لقيتهم الإثنين يطلعون اصوات ويفرشون اجنحتهم الإثنين بطريقة غريبة نفس الرابط المرفق

https://www.youtube.com/watch?v=YLf_NYrAO9w

[hani 66]

بالرابط الانثى تطلب التزاوج ويفترض بالذكر تكبيس الانثى

على كل حال في عدم وجود بيض جديد وعدم تحضين الانثى للبيض

بامكانك رميه وانتظار وضع بيض جديد

بالتوفيق

[الصاعقة]

وجدت ثلاث بيضات يالغالي

وحدة بعيدة في الزاوية وبيضتين بجنب بعض

بس يا اخي مدري امس بالليل لقيت واحد فيهم برى والثاني داخل بس مدري هو راجن او لا

واليوم الصباح لقيتهم كلهم برى

كيف اعرف هل هي راجنة او لا المشكلة الطير اول مايشوفني يدخل البياضة يخاف

[hani 66]

مادام الانثى تطلب التزاوج ممكن تكون البيضه الثالثه حديثه

انتظر كم يوم وتاكد هل في بيض جديد او لا

اذا لم تجد بيض جديد ارمي البيض وارفع العش اسبوع ثم ارجعه مع مواد تعشيش جديده

وقدم لهم الخضروات والفواكه ووفر الهدوء

بالتوفيق

[الصاعقة]

اخوي هاني بصراحة اشكرك جزيل الشكر

وبارك الله فيك ويجزاك ربي الجنة

[hani 66]

العفووو اخوي بالخدمه