المساعد الشخصي الرقمي

مشاهدة النسخة كاملة : هالمرض وراي

حبوبوه
14-05-2015, 05:27 PM
السلام عليكم
شحالكم شباب؟
أمس نقلت طيوري الدرة والنيبالي من غرفتي إلى الحوش داخل قفص كبير ولكن اليوم حصلتهم كلهم مزكمين :(
ليش زكموا :mad:
وشو الحل وياهم؟
وهل خلطة الثوم بالليمون بتفيدهم؟ خايف أخسرهم مو ناقص الصراحة:(
مليت من البيطريين :mad:
عطوني حل نهائي
مجنون فلته
15-05-2015, 12:00 AM
السلام عليكم
مايصير لازم فيه سبب يا ان كان معاهم طير مريض

او القفص الخارجي لم يتم تنظيفه جيدا وكان فيه طير مريض

وشنهو عوارض الطيور حاليا هل هناك اسهال او خمول او الأنف يفرز مخاط؟؟
AVOCADO
15-05-2015, 09:25 AM
يمكن جاهم غبار وصارت عندهم حساسيه وزكمو عند اخراجهم للحوش

اظن الي عندك فروخ

الفروخ يحتاجون عنايه دقيقه

عندك التايلان
فعال مره لمثل هذه الامراض

المهم الالتزام بالجرعه


واحتمال ان نقلهم من مكان الى مكان اخر مختلف في درجه الحراره او سرعة الرياح يسببلهم هذه المشاكل

لذلك دائما يفضل وضعهم دائما في مكان ثابت في المنزل

كان الله في عونك
وشفاهم



ولا يضيق صدرك , اذا كان عندك طيور خصوصا فروخ لازم تطول بالك وتصبر

ومافي علاج سحري يعالجهم بيوم وليليه

الأهم الان نقلهم لغرفه نظيفه بعيد عن التيارات الهوائيه ودافئه
وبعدها استخدم العلاج

والي كاتبه الله بيصير
بوسلمان
15-05-2015, 09:44 AM
ممكن اختلاف الجو اثر عليهم لا اكثر
وطيور الدرة ماشاء الله عليها تتحمل الحر والبرد بدرجة كبيرة
ويفضل يكون بجانب القفص مروحة وفي الظل علشان يلطف لهم الجو
Osama1984
15-05-2015, 06:20 PM
السلام عليكم
اخي الكريم انا حصلت معي هلأمور وايد
لو تبي نصيحتي سوي الأتي
اعزل كل الطيور عن بعضها وخلهم بمكان دافئ
ونظف القفص كل يوم مرتين
وحطلهم فيتامين بلماي وابعد عن اليمون والثوم
ولو عندك عسل خلهم يلحسو العسل من ايدك
والله يشفيلك ياهم حبيبي
حبوبوه
18-05-2015, 06:50 PM
الله يعطيكم العافية شباب ما قصرتوا
الطيور هم فروح عمر شهرين وشوي كان مخاط ينزل من الأنف وواحد صوته فيه فرقعة وكان فيهم إسهال ونشاطهم ما شاء الله طبيعي وحتى شهيتهم زينة والحمدلله خذيتهم للبيطري وعطاهم حبوب بس يقول لي قوية حبة كاملة أذوبها بأربع ملي ماي وأعطي كل واحد ملي فقط لمدة أربع أيام في الفترة الصباحية وفيتامين في الفترة المسائية حاليا الحمدلله ما شيء مخاط والي عنده فرقعة بعده ما راح عنه باقي يومين بس وينتهي العلاج عساهم يتعافوا نهائي ولا يرجع لهم
بخبركم شو التطورات ^^
AVOCADO
20-05-2015, 09:33 AM
الله يشافيهم
حبوبوه
22-05-2015, 04:27 PM
الله يشافيهم

آمين يا رب
الطيور لحد الآن مزكمين وما شاء الله عليهم ياكلوا لو أخليهم في هالحال بيتحسنوا ؟
AVOCADO
23-05-2015, 09:29 AM
اكيد راح يتعافو اذا التزمت بالنظافه اليوميه
وابعادهم عن التيارات الهوائيه البارده
وجنبتهم عن التغذيه البارده والماء البارد واعطاءهم غذاء دافئ وماء معتدل ان كانو يتناولو سيرلاك

ولو تستخدم تايلان بجرعات خفيفه , بما ان الزكمه طولت عندهم يكون افضل