عصفوري في حاجة خطرة :(

[المعلم zezo]

السلام عليكم ورحمة الله

عندي نتاية عنيفة لدرجة لا توصف

وضربت الذكر ضربتين

واحدة بين اظفره والتانية في انفه

من ساعتها الذكر مش بيتحرك من مكانه ولا بياكل

اعمل ايه والنبي عصفوري بيموت ساعدونننننننننننننننننننننننني

[kapos]

اعزل العصفورين و ياريت صور للذكر والانثي لأن غالبا الذكر سنه صغير والانثي كبيره

[المعلم zezo]

في الحقيقة هو العكس الذكر كبير والنتاية صغيرة وانا متأكد تماما

وشكرا وهرفع الصور لحضرتك

[المعلم zezo]

الصورة

اسف لانها كبيرة جدا

http://store1.up-00.com/2015-05/1432571551041.jpg (http://www.up-00.com/)

[المعلم zezo]

حضرتك انا مش عارف اصغرالصورة و تحت مرخيره هتلاقي حتة متعورة

[حاتم موافي]

أعتقد إن الذكر صغير في السن لسة وعموماً لازم تفصلهم عن بعض

[المعلم zezo]

شكرا يا برنس تلسم ايديك شكرا ربنا يكرمك

[kapos]

الصوره دي انثي في سن الشباب علي وشك الجهوزيه ... ياريت صوره اخري للتأكد

[المعلم zezo]

حضرتك ازاي انثي

حصل تزواج بين الذكر ده وانثي قديمة وخلفت

ازاي ؟؟

[kapos]

الكير واضح في الصوره لونه بيج او بني خفيف
عشان كدا طلبت صوره اخري للتأكد

هل لما خلفوا طلع فروخ ولا باضت فقط ؟؟

[المعلم zezo]

اه يا برنس طلع فروخ وعلي الفكرة لون الكير بنفسجي

وعندي سؤال الذكر مش بياكل خالص اعمل ايه

[المعلم zezo]

يا جدعان حد يرد

[kapos]

مش بياكل خالص ازاي ؟
يعني شهيته قليله ؟ عموما ف الحر ده العصافير مبتاكلش غير كميات قليله

[المعلم zezo]

لا يا برنس انا اكتشفت ان فمه متعور خالص خالص ومش بياكل خالص بيشرب بس انا حتي برشهم بمياه مش بياكل


اعمل ايه

[kapos]

ياريت لو تطلع اقرب دكتور بيطري هيقيم الحاله افضل مننا ...

[nossa]

السلام عليكم
ألف سلامة لطائرك
أولا العزل ضروري لسلامة الطائر
ثانيا :طهر المناطق المصابة بالبيتادين
ثالثا : بالنسبة للاكل لو تطعمه بالسرنجة ويكون الاكل لين يعني مميه لكي تساعده على بلعه
والاحسن لو تأخذه لبيطري يكون الامر أفضل
ألف سلامة عليه مرة أخرىولا ترجعه للانثى مرة أخرى

[المعلم zezo]

شكرا جزيلا لضحرتك بس الطائر بيخاف جدا ومش هعرف امسكه علشان احطه بتادين ولا حتي اطعمه بالسرنجة ولا قريب مني طبيب بيطري اعمل ايه ؟؟ احاول امسكه ؟؟

[روجيادا]

اخوي جيب منشفه وامسك الطير ونظف جرحه وغره تراه بادجي مش نسر
اذا انت يميني امسكه بيدك اليسار تكون راحه يدك اليسرى ع ظهره وراسه بين اصابعك السبابه والوسطى عظمه الفك السفلي اليسار يكون تحتها المفصل الاخير من اصبعك الوسطى وعظمه الفك السفلي اليمنى يكون تحتها مفصل اصبعك السبابه وابهامك تكون تحت منقاره السفلي
اوحسب ماتشوف المهم الغرض من هالحركه انك ماتخليه يحرك راسه ت يعضك من اليمين ولا اليسار ولا من تحت بس لاتمسكه بقوه ولا ترجع راسه لوار واجد اذا اصابعك ماكفتهم المسافه بين الرقبه والفك
او امسكه بالمنشفه وخليها مرتفعه من عند راسه بس لاتغطيه من قدام عشان مايختنق وعشان انت تريد تفحصه وتغره

[المعلم zezo]

شكرا جزيلا :)

[المعلم zezo]

طب ازاي احط الاكل في سرنجه يا جدعان

وبعدين العصفور مش بينطق بيعمل صوت غريب

مش عارف ايه الحل :(

ساعدوني والنبي

بفكر اوديه للراجل بتاع العصافير ماشي ولا ايه ؟

[kapos]

روح للراجل بتاع العصافير و بدل الفرد بفرد اخر و ادفع له فرق ، او شوف هينصحك ب ايه

[nossa]

السلام عليكم
أخي ضع البيض مع القليل من الماء أو إطحن أي نوع من الحبوب أو الخس وضف له الماء وضعه في السرنجة وبعدين أكله يعني مثل ما نغر الفراخ .لكن هل انت متأكد ان سبب عدم أكله هو الإصابة فقط يعني لا يكون به مرض او شيء
أما بخصوص الذهاب به للبائع إن كان على خبرة بالطيور فلا باس ممكن يفيدك أكثر خصوصا انو الطير راح يكون امام عينه ويفحصو .
إن شاء الله يشفى عن قريب

[المعلم zezo]

شكرا ليكي اه والله متعور جامد جدا في فمه ومش بيطلع اي صوت بس شكرا علي الافادة

وبخصوص الانثي اعملها ايه ؟؟

[nossa]

ألف سلامة عليه .هذي سفاحة مو أنثى بادجي .شو عملت بالراجل ههههههههه
بالنسبة للانثى أحضر لها ذكر آخر لكن لا تضعه معها مباشرة ضعه في قفص منفرد وبجوارها وبعد أسبوع أدخل الأنثى عليه إن توالفت معه يعني لم يحدث شجار قوي فلابأس لكن إن حدث شجار فهي إذا أنثى عدوانية جدا والواجب تغييرها.
بالشفاء له .والأنثى الله يهديها هههه

[المعلم zezo]

هههههههههه فعلا والله العصفور مش بينطق بساببها العصفور مش بيصفر خالص وبيطلع فقاقيع كدة من فمه ومش بياكل خالص لاسف :( علي العموم بكرة هروح للراجل بأذن الله وهقولكم النتائج

[nossa]

الف لا باس عليه
هذي ماخلت فيه شيء المسكين
لكن هذه الحالة جاءته من الإصابة فقط .يعني انت لاحظت انو مصاب داخل فمه ؟يعني هل لاحظت إحمرار باللسان أو داخل الفم ؟
إن شاء الله يتحسن ومايكون به شيء.لكن يجب ان تغره لا تخليه هيك .يموت حرام

[المعلم zezo]

لحظةةةةةةةةةةة !!!!!!!

انا اكتشفت شئ حالا العصفور مش بياكل لانه في اكل واقف في زوره

انا حالا لسه بمسكه علشان اشوفه وسبته لقيته تف الاكل من زوره

يا جدعان ساعدوني انا عرفت ليه هو بيشرب كتير علشان يطلع الاكل اللي واقف في زوره

ساعدوني اعمل ايه ؟؟؟

[nossa]

هل انت متاكد من الامر
ضع في فمه قطرات من زيت الزيتون .فممكن تنفع
لكن لاحظ الفم تفحصه جيدا هل به مثلا حبوب ورائحة الفم كيف هي ؟ المهم إفحص الطير جيدا فممكن ما يكون طعام بزوره ويكون مرض الكنكر (القلاع) تكون حبيبات صفراء بحلق الطائر وفي الفم ورائحة الفم كريهة .لذلك يجب تشخيص حالة الطائر لطرح العلاج المناسب له.

[المعلم zezo]

لاسف مات الطائر الصبح وكل ده بسبب الحبوبو اللي كانت في زوره علي الهموم شكرا للمساعدة :(:(:(:(

[nossa]

لاحول ولا قوة إلا بالله
قدر الله وماشاء فعل
الله يعوضك خير اخي الكريم
لكن ماذا تقصد بالحبوب في فمه .هل الحبيبات الصفراء ام الاكل ام ماذا؟
في إنتظار الرد

[المعلم zezo]

اه كان الاكل محشور في فمه بسبب ان في مياه وقعه علي الاكل فبلت الاكل وهو كله فاتحشر في زوره ولاسف ملحقتش انقذه :( بس شكرا علي العموم لكم شكرا لتعبكم معايا

[nossa]

عوضك الله خيرا أخي الكريم وصبرك
العفو .نحن هنا لخدمة بعضنا
بالتوفيق في هوايتك