طيوري الدره والكوكتيل ..

[Nanoo]

السلام عليكم ورحمة الله ..
انا عضوه جديده بالمنتدى ومن جد يعني قاعده استفيد منها واشوف اخوان مو مقصرين من خبراتهم وتجاربهم جهود يشكرون عليها يمكن تاخذ من خبرتهم افضل من انك تروح طبيب بيطري ماعنده سالفه
وياليت تساعدوني بكون شاكره لكم مره،
خلص من عندي سيريلاك الطيور وواحد اشتريت منه الكوكتيل مامدح شركة السيريلاك كان اسمها كيك يقول انه تجاري وماراح يفيد الطيور اعطيه سيريلاك الاطفال بالفواكه واعطيتهم لي فتره ومن بعدها احس طيوري حالتهم ماتسر هزيلين وباطنيتهم احتمال تعبانه لان برازهم وانتم بكرامه مرات يصير سهال كم يوم ومرات يرجع وصحتهم متقلبه ، ابي مساعدتكم وخبرتكم من هالمواضيع ايش ممكن اسوي ؟
ايش نوع سيريلاك الطيور الكويس ويغذيهم ويقويهم ووين ممكن احصله بالرياض ؟
وكيف انظف باطنيتهم من تراكم السيريلاك لان سمعت مايهضمونه ويتراكم بالمعده لين يموت ؟
ومتى يفطم الدره والكوكتيل باي عمر ؟وكيف طريقة فطامه ؟
صراحه صارلي فتره اروح لدكتور بيطري في محل عيش سفاري وكل مااجيه يقول عادي مافيهم شي وبالاخير تأزمت حالة طير اختي الكوكتيل ومات ، يعني بدل مايقول ماعندي فكره او خبره افضل من انه يضيع وقتنا معه :(
وشكرا :shy:

[روجيادا]

مكان البيع يفيدوك اهل الرياض
وسيريلاك الاطفال ماجالي شفت مكوناته بس اعتقد فيه لاكتوز فهذا سبب مرض طيورك ( استنتاجي) اهل الخبره يفيدوك اكثر
انا مثلك ايام فروخ الكوكتيل ماكان موجود سيريلاك الفروخ ف كنت اسلق خضار وبقوليات واهرسها واحط قطرات من زيت كبد الحوت واغرهم بها
اما كلمه باطنيتهم مافهمتها صراحه
اذا قصدك بقايا الاكل المتيبس ع الريش جيبي قطعه قماش مبلوله بماي دافي وامسحيهم ت تطلع بقايا الاكل
اما اذا قصدك اللي داخل الحوصله خليهم بدون اكل ت ينهضم ويختفي من الحوصله وبعدها غريهم باللي خبرتك به

[AVOCADO]

عليكم السلام ورحمه الله

وحياكي الله بين اخوانك واهلك

واي استفسار لا تتردي بطرحه


بالنسبة لتساؤلك عن السيرلاك
هناك انواع كثيره وجميعها مناسبه وجيده
وسأذكر منها البعض :

1 Handmix
2 kiki pro
3 bevo baby mix
4 nutrbird
5 kaytee exact
وهناك الكثير ...

يجب عليك الحذر ان بعض انواع السيرلاك يكون غذاء كامل للفروخ الذين لا يأكلون غير السيرلاك لانه يحتوي على نسب عاليه ومنوعه من الغذاء لايصال كل ما يحتاجه الفرخ من عناصر مهمه لنموه وتغذيته

والبعض الأخر يكون مكمل فقط للفرخ ويحتوي على نسب بسيطه من العناصر الغذائيه , وهي تعطى للفروخ الذين يتناولون اغذيه مختلفه اضافه الى السيرلاك , ولا ينفع ان يكون غذاء كامل لفرخ لا يتغذى الا على السيرلاك

لذلك وجب التنويه


وستجدينهم بأذن الله بكثره في سوق الحمام بمدينة الرياض في حي العزيزيه بجانب اسواق المواشي والاغنام


وبالنسبه لطيورك

الأفضل بشكل مبدئي الأهتمام بتغذيتهم وبعدها التفكير في فطمهم

وبشكل سريع شراء لهم السيرلاك المناسب المخصص للفروخ

وتقديمه لهم وهو دافئ ويكون ذلك بخلطه بماء دافئ

وبشكل جرعات متكرره وبسيطه على اقل تقدير 6 مرات باليوم وحسب اعمارهم
كل ما زاد عمرهم تخفف لهم المرات وتزداد الجرعه



كل التوفيق والشفاء لهم

[Nanoo]

مشكور اخوي افوكادو ولكن طيوري الكوكتيل عمره شهر واسبوع تقريبا والدره تقريبا الثلاث شهور واحتمال اسبوعين او ثلاث ايش تنصح اعطيهم سيريلاك فروخ كامل العناصر ؟
ولا مكمل غذائي مع التنويع في اطعامهم ؟
صراحه عندي الكوكتيل مايستصغر عمره حاط عمره كبير ماياكل سيريلاك كثير يحب ياكل بيض بالبقسماد وحبة البركه او رز مسلوق بدون اضافات اي اي شي اقدمه له من انواع الحبوب ماشاء الله يتقبله بسرعه ان شاء الله قريب ويفطم
اما بالنسبه للدره حاطه نفسها لساتها نونو وماتبي تاكل شي غير الرز رالبيض بالبقسماد وحبة البركه والسيريلاك شي ثاني حب بجنون العشق المشبوه المهم ماعلينا كثرنا وصف
فما ادري ايش اسوي اي نوع سيريلاك اخذلهم ����

[النسر عمر محمد]

هذا الفيديو سيفيدك إن شاء الله https://www.youtube.com/watch?v=pz68o8qcpsc

[Nanoo]

يعطيك العافيه اخوي نسر الله يوفقك والاخوان الي تعاونوا معي والله يرزقكم الي تتمنون

[بوسلمان]

بالنسبةلي اختي انا سنين واستخدم kaytee exact وماشاء الله الفروخ كلها ماصابهم اي مضاعفات وصحتهم زي الفل كانت

[Nanoo]

يعطيكم العافيه ومشكورين على مروركم ومنكم نستفيد

[AVOCADO]

انتي بالرياض

توجهي الى سوق الحمام بالرياض

وفي محلات بداخل السوق نظيفه ومتخصصه ببيع اغذية الببغاوات واخبريهم انك تريدي غذاء لفرخ ببغاء

وستجدين كل الانواع

وافادك بو سلمان من واقع خبره وتجربه الله يعطيه العافيه
kaytee exact ممتاز

وانا بشكل شخصي انوع دائما بالسيرلاك

ولكن الاغلب استخدم nutrbird من شركة فيرسل لاقا A21 غذاء كامل للفروخ الصغيره
ويجي منه مكمل للفروخ الكبيره والتي لا تعتمد اعتماد كلي على السيرلاك استخدمته وجيد ايضا

وكلها موجوده في سوق الحمام


---

وبالنسبه للفروخ الي عندك
طبعا من الافضل تعطيهم سيرلاك كامل مع التنويع الغذائي
مفيد جدا راح يقويهم ويجعلهم يستعيدون صحتهم ونشاطهم

ولكن الاهم تقديمه دافئ لهم
ولا تنسى وضع وعاء صغير به ماء وتعليقه بشكل دائم عندهم وتعويدهم على شرب الماء ولو بشكل قطرات

[مجنون فلته]

السلام عليكم

بالنسبه الى الدرة المفروض يكون مفطوم بهذا العمر وان يكون معتمد على نفسه

والشباب ماقصرو بالتوفيق

[Nanoo]

يعطيك العافيه افوكادو صراحه كفيت ووفيت نصايح بحطها نصب عيني ماكنت ادري انه لازم دافي بس من شهر صرت اقدمه دافي والحمدلله بعد ماقريت انه لازم يكون دافي ان شاء الله احاول اروح لسوق الحمام على انه بعيد عني بس ربي ييسر
ومشكور مره ثانيه على تجاوبك لتساؤلاتي واستفساراتي
بالنسبه للاخ الكريم مجنون فلته انا حاولت كذا مره افطمه ومو راضي كنت اعطيه مرتين سيريلاك اول مااصحى وقبل ماانام وباقي الوقت احط عنده اكل ويتركه مايقرب منه واحاول اذوقه ومايعجبه او ياكل خفيف مره وماييأس يجلس جوعان لين يجي وقت السيريلاك وهكذا وهالشي اثر على صحته وذبل وصار نحيف مره الله يهديه معند وقتها خفت عليه ورجعته للسيريلاك قريت انه مو زين اجبره على الفطام وكمان قريت ان الببغاءات تفطم على عمر 6 الى 8 شهور
اما اللحين الحمدلله لمن يشوف الكوكتيل ماشاء الله بدى يفطم ومو معتمد ع السيريلاك يحب ياكل اي شي لدرجه احيانا يرفض السيريلاك
صار يسوي مثله وياكل والحمدلله بدى يحب ياكل الرز لمن اسوي لهم وياكل الخيار وبسكوت شاي في ماء وبيض مسلوق بالبقسماد
واما الحبوب على خفيف مره اما بالنسبه للذره مو حابينها ولا ياكلونها كذا مره اسويها لهم واحطها عندهم ولا يقربون منها اليوم سويت لهم سندوتش في ماء ولا اكلوها ماعجبتهم
هو ان شاء الله بيفطم عمره وانا ماني مستعجله عليه مسكين تتعب نفسيته وشكرا ع النصيحه