استفسار بخصوص الكاسكو؟

[love hamster]

السلام عليكم ورحمة الله وبركاته
اسعد الله اوقاتكم بكل خير ، عندي استفسار بالنسبة للبغاوات وبشكل خاص الكاسكو
وهو هل يتحمل السفر في السيارة مسافة طويلة مثل 17 ساعة؟؟؟
وهل يأثر ع صحته وياليت اللي عنده خلفية عن شحن الطيور طيران يفيدنا
شاكر لكم مقدماً

[hassan-55]

انا عن نفسي قد نقلت طير من مكه الى الرياض بالسياره و مره من الشرقيه الى الرياض
لكن كنت مشغل المكيف و اراقبه طبعاً من ناحية الاكل عادي واحتمال ما يأكل كثير مو مشكله
الاكل موجود عنده لا جاع ياكل
الاهم الماء و مثل ماذكرت لك يكون الجو داخل السياره مناسب وابعده عن الشمس
لازم تكون السياره مضلله او اقل شي تحط شماسه عشان الشمس ما تأثر عليه

[Cockatoo]

اهم شي لا يكون هواء المكيف مركز عليه او يكون في تيار هوائي موجه عليه و الافضل انك تغطيه

[فآأإرس]

غطي القفص والمكيف ترا هم راس بلا كل الطيور واذا ماتشغل المكيف لا تفتح الشباك وتخلي الهوا يصفقه
غطي القفص بشرشف وتقدر تشحنه روح اي مطار قسم الشحن الجوي وقول برسل حيوان اليف ١٥٠ من الرياض للطايف الاهم تكون غرفه التخزين مزوده باكسجين
كل الطيارات فيها شحن بس بعض الطيارات مافيها غرف مزوده باكسجين موفق وما تحتاج لا ورق ولا شي روح بس كذا

[-Fahad]

ياساتر. ١٧. ساعه. ههههههههه. وين رايح. واحد ملقوف ��