سؤال عن تدريب الكاسكو

[hema18]

السلام عليكم

اخواني عندي سؤال لأهل الخبره
انا عندي كاسكو عمره تقريبا 7-8 شهور

هو كان عندي من عمره 4 شهور

المهم هل فتره بديت احاول ادربه انه يصعد فوق يدي

الطير يصعد فوق يدي من داخل القفص بس اذا طلعته م يرضى
واذا حاولت اجبره يطير !

و المشكله الثانيه احس انه م يعرف يطير ، لازم اذا طار يصدم بالجدار و لا اي شي علشان يوقف

وش تنصحوني فيه ؟ اقص جنحانه علشان اخذ راحتي في التدريب
ولا استمر الين الله يهديه !

اسف على الاطاله

[رآبت]

قص جناحه

[ابوووفهد]

نصيحتي لك كون علاقه قويه معه بحسن التعامل وافهم مزاجه ليه يطير ويهرب ولاتقص جناحه الجناح نعمه .

[hema18]

نصيحتي لك كون علاقه قويه معه بحسن التعامل وافهم مزاجه ليه يطير ويهرب ولاتقص جناحه الجناح نعمه .

علاقتي معه جداً ممتازه ، من اجيه ينزل لي راسه ودايم يناديني اذا شافني من بعيد

بس مشكلتي معه في اذا بغيته يصعد ع يدي يحاول يهرب واذا حشرته يطير

[ابوووفهد]

ماشاء الله تبارك الله تأكد في شيء يخوفه ممكن سرعة يدك او حاجه ثانيه عليك بمواضيع الاستاذ حمزه ( سكر ) جداً ممتازة في فهم تصرفات الببغاء انا استفدت من خبرته كثير وأكيد باقي الأعضاء ما يقصرون

[AVOCADO]

طلعه من القفص وخله على ايدك وروح انت وهو غرفه ثانيه , او أي مكان جديد عليه

وهو على ايدك امسح على راسه او جسمه
واذا طاح قدمله ايدك وشيله مره ثانيه وثالثه الين يثبت ولا يطير

وشتت تركيزه لا تعطيه فرصه يحاول يطير

وكل يوم نفس الطريقه الى يبدا يثق فيك وما يطير من ايدك

[بوسلمان]

دام هو اليف معاك ويهرب فقط لما تمد ايدك

فاحتمال تكون لابس ساعه او خاتم ويخاف منه ويهرب

لانه الكاسكو عندي مايجي على يدي اللي فيها الساعه ولما انزع الساعه يجي عليها على طول

[hema18]

طلعه من القفص وخله على ايدك وروح انت وهو غرفه ثانيه , او أي مكان جديد عليه

وهو على ايدك امسح على راسه او جسمه
واذا طاح قدمله ايدك وشيله مره ثانيه وثالثه الين يثبت ولا يطير

وشتت تركيزه لا تعطيه فرصه يحاول يطير

وكل يوم نفس الطريقه الى يبدا يثق فيك وما يطير من ايدك

شكراً لك على النصايح بحاول اطبقها

[hema18]

دام هو اليف معاك ويهرب فقط لما تمد ايدك

فاحتمال تكون لابس ساعه او خاتم ويخاف منه ويهرب

لانه الكاسكو عندي مايجي على يدي اللي فيها الساعه ولما انزع الساعه يجي عليها على طول



لا انا م البس لا ساعه ولا خاتم