ارجو المساعده الكاكسو وريشه

[عذايب قطر]

مرحبا جميعا
ارجو المساعده والنصيحة منكم لانكم خبره في هالمجال
الكاسكو الرمادي الافريقي من فتره لاحظنا عليه يكسر ريش ذيله ابن خلص الذيل كله يعني الحين ماعنده ذيل الريس الاحمر كله نتنف
طبعا وديناه البيطري وما عنده غير حاله نفسيه واحنا نلعب معاه وايد ومعانا
ومافي فايده واستلم الكاسكو ريش الظهر لين طلع الجلد تبعه
واليوم اشوف القفص كله ريش
واستلم الشيخ ريش الرقبه


حتى هو هادي هالايام وايد
وليحين ما يتكلم بس يصفر وبعض الاصوات الغريبه


شو الحل اهاوشها وله شنو
شو الحل شو الحل

[AVOCADO]

لا يشترط ان يكون سبب نتف الببغاء لريشه هو قلة اللعب معه

الأسباب كثيره التي تدعوه لنتف ريشه , فربما تغير نمط معين لديه او وضعه بغرفه اخرى وغيره الكثير ,,,

تأكد في بداية الأمر انه لا يوجد حشرات بجلده او عنده حساسيه


وان كانت فعلا حاله نفسيه :

1 بخاخ no pick

http://store1.up-00.com/2015-06/1434722708161.png

وان ما جاب نتيجه / طوق الرقبه

http://store2.up-00.com/2015-06/1434722967551.jpg

[عذايب قطر]

اشلون اطوقها

ماظن فيه حشرات

[مجنون فلته]

السلام عليكم

اسباب كثيره تخلي الطير ينتف ريشه

ومنها جهوزيته لتزاوج

او الأستمتاع بالنتف لأن لايوجد مايشغل فراغه مثل العاب الي تتعلق بالقفص

منها الحشرات التي تعشعش بالريش

واشياء كثيره

اعملي مثل ماقال اخوي افكادو

مع ترويش الطائر وتركه يتشمس بس مو الشمس القويه لمدة نص ساعه

ووضع العاب له بالقفص لينشغل عن نتف الريش

[عذايب قطر]

مشكلته انه ماخذ راحته يتمشى ع كيفه
والترويش نرشه بالماي والبيطري عطانا مثل محلول نحطه في الماي بس ما شوف جاب نتيجه
وكان يعطيه حبوب
والحين بدى ينتف في رقبته
شكلي بحط له زيت زيتون
وعن التطويق اشلون اعمله
انا قريت قي الانترنت عن هالشي
وهو من فتره يحب يقطع خاصه الاوراق
وحاطين له كرتون فاين وخلصه من التقطع
وشكله يتسلى في ريشه نفس ما قلت
وزوجي يهاوشه عشان يخاف هههههه بس مافي فايده
تحياتي لكم

[عذايب قطر]

عالجته وتطورت حالت الكاسكو ونتف ريشه مره ثانية
وسبب جرح في رقبته

مادري شو السبب في انه يسوي جيه :(

[مجنون فلته]

السلام عليكم

اختي عليكم بالطوق مع ترويش الطائر
بماء البحر

ادري غريب هالشي يمكن على الكثير بس مجربه ومضمونه

[-Fahad]

الله يعينك. هذا المشكله اعاني منها الان. والله جربت. كل شي حتى الطوق جربته وخليته ثلاثه شهور وبعد مافكيت الطوق. رجع الان ينتف. والحل الوحيد. هو اني ابيعه. وبس. !!

[روجيادا]

حد جرب يدهن الريش بشي مر مثل الصبر? ماعرف اذا تنفع او لا بس خطرت ف بالي

[عذايب قطر]

ما خلت ريش في ذيلها
وله رقبتها
عالجناها بس ترجع اتنتف
ليما عملت فتحه في رقبتها وخيطنات عند البيطري وعملنا طوق ورجعت قطعته ولعبت في الخيوط
شو الحل احنا انحبها وعلى وجه سفر بعد اسبوعين ونبيها تتعالج

[مـزون قـطـــر]

السلام عليكم
اختي اخذي طيرج ووديه حق بيطري وشوفي شنو مشكلته بالضبط وطبعا لو احتاج طوق بيطوقه لج

تقبلي مروري

اختج
مزون قطر

[عذايب قطر]

هلا اختي مزون
انا وديته البيطري
الحين مشكلته بطنه فيه فتحه وعطشان ويطلع الماي منه
حالته تعور القلب بس فيه صحه ويغرد
مشكلتي قريب بسافر وبطول
وماعندي احد اوصيه عليه

[عذايب قطر]

بشوف بروح بكره ان شاءالله

[مـزون قـطـــر]

صباح الخير اختي عذايب
حبيبتي مايحتاج تودينه عند احد وديه البيطري وخليه عندهم منها فندقة ومنها علاج ومتابعة حالته

وان شاء الله تروحين وتردين بالسلامه..

تحياتي

[AVOCADO]

نرجو من الجميع التقيد والالتزام بشروط وقوانين المنتدى

وعدم التسجيل في المنتدى لهدف طرح إعلانات لمنتديات أخرى أو اعلانات تجارية . . والا سوف نضطر آسفين لحذف الاعلان وحظر العضو .

وافاده العضو بالخاص ان لزم الأمر

[عبدالله ال وليد]

اذا الطير وصل الى هذه المرحله افضل بيعه وعدم اقتنائه لانه يجيبلك الهم والتفكير واستبدله بواحد اخر علما ان الكاسكو في الاونه الاخيره صار عليه ملاحظات من نفسيه وتنتيف ريش قبل 5سنوات وما قبلها لم تكن هكذا فهل السبب انتاجها خليجيا الله اعلم اقبلو مروري

[عذايب قطر]

اصلا اخوي منو بياخذه
الحمدالله وديته وسووله عمليه
وتعدلت نفسيته
وانا اتابعه في البيت

تحياتي لكم