استفسار مهم وعاجل

[الولد الكويس]

السلام عليكم
اسعد الله اوقاتكم بكل خير
عندي كلبه جيرمن شيبرد بعمر سنه ونصف نقريبا
لاحظت انها تحك ارجلها و بداية ئيلها بشده
تحكه باسنانها
سألت البيطري قال عندها ديدان ولازم ابره على وصفي جاوب باقي ما اخذتها له
انا ما حبيت اجي اسألكم الا بعد ما ابحث في قوقل قلت ممكن احصل جواب
بصراحه حصلت مواضيع عن الديدان وخوفتني يوم قريتها
فيه انواع ديدان اسطوانيه وشريطيه وووو
وانها ممكن تنتقل للانسان وانها قد يحتاج الكلب لنقل دم ووو
انا بعد ما قرأت خفت وقلت اسألكم واستفيد من خبرتكم الله يوفقكم
هل اعطيها ابره ؟
الكلبه حركتها كثيره وسريعه وممكن مانسيطر عليها وقت دق الابره هل فيه حبوب او سائل مع الماء ويؤدي لمفعول ؟
واعتذر عن الاطالة وفقكم الله

[روجيادا]

السلام عليكم ورحمه الله وبركاته اخوي ان شاءالله الاخوان يفيدوك
اللي اقدر اجاوب عليه هو انه وقت الابره امسكها عشان البيطري يعطيها الابره واذا تعتقد انها بتعض كمم فمها مع ان الابره مابتطول ثواني وتخلص ما انه بيدور ع وريد ولا شريان عشان يطول فيها وبالشفاء للكلبه وبالتوفيق

[الولد الكويس]

تسلم اخوي روجيادا على التوضيح الله يعطيك العافيه
ومنتظرين باقي الاخوان

[الهولي]

وعليكم السلام ورحمة الله وبركاته

كل كلب يحتاج الى برنامج عن التحصيل ضد الديدان والحشرات والاهم التكرار كي تقضي على

الديدان والتكرار يقضي على اليرقات

وكل فترة يعاد وهذا يقرر لك البيطري بتواريخ لتحصين

موضوع انتقال الديدان للأنسان يكون بالمباشر عن طريق اللعاب او البراز

اذا كان الاهتمام والنظافة تمام مافي اي مشكلة عليك ولا داعي للقلق

[الولد الكويس]

الف شكر استاذنا القدير الهولي
لاحرمناك يالغالي

[الهولي]

العفو

واي سؤال لاتتردد

[الولد الكويس]

بقول لكم وش صار معي
نظرا لصعوبة نقلها للبيطري وانه ماعندي كمام ينحط اثناء التطعيم ودورت ماحصلته
وخفت اطول بالوقت وماطعمتها
اقترح علي الطبيب اعطيها علاج شراب للديدان يخلط مقدار معين مع الماء او الحليب ويتكرر بعد اسبوع
انا حطيته لها امس واليوم ملاحظ ان الحكة عندها خفت للنص تقريبا ويمكن بكره تروح تماما باذن الله
هل الشراب السائل يقضي على المشكله و اذا شفت انها ماعاد تحتك يغني عن الابرة ؟
وشكرا لكم