استفسارات عن ببغائي الكاسكو ..

[Draxler]

السلام عليكم
اشتريت كاسكو محجل تقريبا من اسبوعين وعمره حوالي 4 او 5 اشهر ..
عندي بعض الاستفسارات واتمنى من اهل الخبرة يفيدوني فيها

1- الببغاء غالبا بعد ما يآكل يختلف مزاجه للأسوأ ولما اقرب منه يحاول يعضني ونبرة صوته تصير خفيفه لكن انا اهديه بالمسح على راسه ويصبح نوعا ما هادي .. هل هذا طبيعي ولالا ؟؟

2- من يومين وهو يحاول يحك منقاره بأي شي .. هل لابد من برد المنقار ؟

3- للآن ما بدأ يصفر لكن احيانا يصدر صوت الطقطقه و صفير لكن خفيييف و غير مستمر .

مع العلم اني كنت احطه في اكثر من غرفة واغير مكانه في اليوم من مرتين لثلاث مرات بحجة اني ابغاه يرتاح وينام .. لكن من ثلاث ايام خليته في غرفة واحده وما غيرت مكانه .
واستبدلت أكله من الغر الى حبوب دوار الشمس والحبوب المشكلة وقطعة تفاح.

آسف على الإطالة لكنها اسئلة جدا مهمه بالنسبه لي ..

[7moOodi]

وعليكم السلام ورحمة الله وبركاته

اخوي خل الببغاء في مكان واحد وأفضل في زاويه وترفعه عن مستوى طولك مدة أسبوع وبعدها خليه بمستواك ولا تخلي أحد غيرك يقرب منه غير له الماي والحب بنفسك

2-هذا شي طبيعي يمسح منقاره اذا كان أكل وخلص أو شرب ماي أو أنه يبي يطلع شي لاصق بالمنقار لاتشيل هم

3- لين يستقر في مكان واحد ويرتاح وطمن حط تحتها خطين اذا اطمن لك وعرفك راح يصفر ويطقطق بس أصبر عليه ولا تغير مكانه

أتمنى أكون افدتك على كل سؤال مرية فيه شخصيا والباقي الله واعلم وان شاءالله راح يفيدوك الأعضاء

تحياتي

[Draxler]

يعطيك العافية اخ محمد على الافاده الرائعه و شكرا لك