انا من الرياض من يعرف ناس يصلحون حوض زجاج

[المحترم]

السلام عليكم
عندي سؤال محيرني وهو من يعملي حوض زجاج بمقاس 120سم*120سم*40
وعرض الزجاج 10سم أنا من الرياض ومن حي خنشليلة تكفون بسرعة
ولا تنسون السعر

[Mr. MeMo]

اخي الكريم


اتمنى من الاعضاء الى بالرياض مساعدتك

و لكن يمكنك عمله عند اي محل زجاج و براويز

و اتمنى لك التوفيق

[المحترم]

مشكور الله يحفظك

[متغربل]

مساك الله بالخير اخوي المحترم
ياخوي اي محل زجاج يسوي لك اللي تبي والمحلات ياكثرها فيه في مخرج 17 مقابل الصناعية وقبل دوار الخرج وفيه في حي الروضة الثالثة الف محل وفي كل شارع عام بتلقى محلات زجاج وبراويز
بس السؤال ليش ماتشتري جاهز احسن لك ؟

[المحترم]

أخوي متغربل اشكرك على مرورك على الموضوع
لكن للأسف اصحب محلات السمك أغلبهم مايخاف الله
بالله عليك حوض عرضه 1.5م وطوله1م و عمقة40سم
بي3000ريال سعودي
وش رايك

[متغربل]

اخوي المحترم مساك الله بالخير
وش هالسعر ياخوي وينك رايح لاي محل ؟
اخوي رح لسوق الحمام على طريق الحاير واذا تبي الرخيص خذ الاحواض الوطنية والي قواعدها مصنوعة من الخشب وبتلقى معاها لمبة وفلتر وزينه بالحصى والزرع اللي انت تبي
انا شريت حوض مستورد حجم ستين بأربع مية ريال
ولقيت الوطني اللي مثل مقاسه بمية وعشرين
رح ياخوي للسوق وبإذن الله بتلقى اللي ودك فيه

[المحترم]

الله يعين اتشرفت بردك على الموضوع ويسعدني أضافتك على المسنجر(al-mahtram@hotmail.com)

[سمكة سوسو]

فيه بمحلات حيوانات بالروضة تلقى احواض ارخص