ابغي مشورتكم.......................

[قطرررررررررررري]

السلام عليكم

هلا والله باعضاء المنتدى اليوم بصراحه حاب اخذ مشورتكم في شي

تدرون شباب اي واحد يربي حمام اكثر شي يكرهه المطر وتدرون مع الخشب شيصير فالقفص

وخاصه الامطار

وخاصه السنه اللي فاتت قطر نزل عليها مطر بمعدلات كبيره ودول الخليج كامل

من سنين مانزل عندنا نفس المطر

وتدرون لو نزل المطر محد ينظر الا الحمام مساكين وهذي مناظر قفاصتي اللحين

هذي لقفاصه في جهه



http://www.wardaa.com/uploads/1ef827df96.jpg (http://www.wardaa.com)



وهذي لقفاصه ورى البيت

http://www.wardaa.com/uploads/19373f2422.jpg (http://www.wardaa.com)


وغير المطر لحد ينسى الشمس فالصيف الظهر درجة الحرارهمن 40 الي 48 اذا مو اكثر

وبالليل رطوبه

يعني لا برد ولا شتا الجو عدل عندنا

عاد انا شفت ان عندي فالبيت اللي ساكنه غرفه خارجيه زياده

قلت بركب فيها مكيف وبحط فيها الليت لزرق عن الباعوض علشان افتك من لدقاتهم حق لفروخ

وبحط فيها 10 محاكر كل محكر 3 طوابق

وبخلي برى البيت بس القفص لكبير اللي قياسه 2م في 3م علشان اخلي بعض انواع الحمام برى

وهذي مخطط الغرفه فالكامل



http://www.wardaa.com/uploads/99673a0de4.bmp (http://www.wardaa.com)




وطبعا المحاكر مثل ماشفتو بتكون على ثلاث جهات وجهه بيكون فيها صحون التعشيش لزياده
والاكل والادويه والفيتامينات ومستلزمات الحمام كلها


شرايكم بهذي الطريقه

بتكون احسن؟؟؟

طبعا الشمس مراح توصل فشلون بعوض اشعت الشمس لهم؟؟؟

الجو داخل الغرفه دوم بيكون معتدل لانى بركب لهم مكيف وبيكون شغال عليهم 24 ساعه
(((عسى الله يسلم شيخنا بومشعل الكهرب مجاني علينا)))


انتظر مشورتكم

واذا حد جرب وشاف لها عيوب يعني فالنهايه انا مراح اخسر شي مجرد قيمة المكيف بس

والمشكله الغرفه مافيها فتحت تكيف وندو لانها اصلا مخزن بحط سبلت مستعمل:rolleyes: ارخص


مشكووووووووووووووووووووورتكم ولاتبخلون علي

اخوكم / قطرررررررررررري

[zooo]

مشكور اخوي
الله يعطيك العافيه

[Hilal]

فكره حلوه الله يوفقك فيها

انا شفت احد المربين مسوي غرفة للطيور زي ما انت راح اتسوي ان شاء الله

ومسوي حركه فتحه لا هي كبيره ولا صغيره مثل الدريشه ( الشباك ) ومسوي قفص خارجي
ملتصق مع الغرفة والشباك هو الفاصل وكل يوم في الاسبوع يطلعهم الى القفص للتشميس

ارجو ان اكون قد فهمت الشرح

والله يوفقك

[بو عفره]

مرحبا الغالي وخطه مظبوطه ميه ميه

وانصحك انك اتسو دريشتشن او شباكين باتجاه متعاكس عشان التهويه لانك اتعرف ريحة الحمام تجيب الهم


ولو حطيتهم في غرفه فيها تهويه ودرايش مفتوحه عادي ونصيحه لا تشغل المكيف طول اليوم خوفي يتجمدون
غط الدرايش بشبك وبطلهن بالليل بد المكيف

[قطرررررررررررري]

مشكورين على الردود

ويابوعفره ماعندي الا جهه وحده بس جهة الباب

لان وراي بيت وجنبي بيت والجنب الثاني ملحق ثاني لان هذي الغرفه على زاويه

وماقدر اسوي اي تهويه والغرفه مافيها الا شباك واحد

اما سالفة ان يتجمدون من البرد

اكيد ان مكيف بيكون فيه درجة حراره معينه وكل ماتوصل الغرفه لهذي الدرجه يطفي شوي وبعدها يرجع
مثله مثل اي مكيف سبلت

والعصريه بخلي الغرفه تهوي بفتح لهم الباب وشباك لين المغرب
وبعدها بسكر وبشغل لهم المكيف

[رعوود]

عارف اني طبيت بالقسم غلط

لووووووووولز

من من عادتي


لكن شفت فكرتك وحبيت اقترح عليك

عشان تزيد مساحة

انك تحط اقفاص بالوسط

او محاكر زي ما تقولون

وتقدر تحط 6 او 5


وهذي صورة عدلت على مالتك


http://www.pusup.com/uploads/79cd90ed17.bmp (http://www.pusup.com)


وطلع بدال 10 محاكر × 3 ادورا = 30 قفص


يصير المجموع 15 محكر × 3 ادورا = 45 قفص

[قطرررررررررررري]

مشكور رعود

والمساحه الوسطيه انا بخلي فيها قفص حجمه متوسط اعزل فيه لفروووخ

ومابي اخنق المكان بالعدد الكبير عشره من وجهة نظري على المكان كفايه

لكن مشكور ومره ثانيه لاتدخل بالغلط عندنا ادخل متعمد اوكي ولا خالك بيزعل عليك

[رعوود]

اوكي خالي ولا تزعل حاضر وعلى امرك


والفروخ حلوه

يكونون بالنص لكن انت ما كتبت من قبل فقلت فكرة عساس تستغل المساحه

[ZIZO_ST]

بسم الله ما شاء الله اخى قطرى
تصميم ورسم ولا اروع
وجديده علينا اخى قطرى هوايتك للهندسة بالاضافه الى حبك للحمام ;)
وبالنسبة الى تعويض اشعة الشمس من الممكن اخى قطرى ان تقوم بعمل شباك اخر فى الواجهه القبليه التى تستمر الشمس فى التواجد فيها الى الغروب
حتى تضمن دخول اكبر قدر ممكن من اشعتها لقتل الميكروبات واعطاء بيئه صحيه للمحكر بالكامل

وبالتوفيق اخى قطرى ان شاء الله تعالى

[قطرررررررررررري]

مشكور اخوي زيزو على الرد

وبصراحه انا لاحظة غيبتك عن المنتدى كم يوم وانشالله المانع كان خير


ام عن الغرفه اتوقع انها فشلت لان ماقدر اعمل شباك لان من ثلاث جهات فيه بيتين وملحق تابع حق بيتي في جهه ومافيها الا شباك واحد جهة الجنوب والشمس تدخل منه بشكل بسيط
اللحين صارلي كم يوم احاول اشوف مدى دخول الشمس وللاسف
النسبه ماتبي حتى 10 %

وشكرا لكم على الاهتمام

[zajeel2005]

اخوي قطري - السلام عليكم - فيه نوع من الاضائة يسمى على ما اعتقد ( صن لايت ) ضوء الشمس يمكن يعوض عن أشعة الشمس من حيث الاضائة انا جربته ونجح معاي ,, وافضل شي انك تستخدم مؤقت الاضائة اللي يخلي النهار 16 ساعة وراح تشوف وفرة في الانتاج ان شاءالله وبالتوفيق

[قطرررررررررررري]

مشكوووووووووووووووووووووووووووووووووووووووووووووووووووووووووووووووووووووووووووور

ويعطيك الف عافيه.............أخوي والله انك فرحتنى..............يعني بالعربي خلاص اخيرا بقدر اسوي اللي ابغيه............يعطيك الف عافيه وماقصرت.............


:rolleyes: بس سؤال وين احصله؟ وممكن اسمه الصحيح علشان اسال عنه فالمحلات؟؟

[zajeel2005]

اسمه على ما أعتقد ( صن لايت ) ولون اضائتها زي لون أشعة الشمس يعني موب بيضا ولا صفرا وموجودة عند معظم محلات الادوات الكهربائية - تحياتي واتمنى لك التوفيق

[احب الحيوانات]

ممكن ترد بسرعه على موضوع كيف ازوجهم:o

[hadel]

السلام عليكم ورحمة الله وبركاته
جزاك الله خيرا خى على هذه الفكرة الرائعة وربي ايخليك لاهلك واسرتك
تقبل تحياتـــــــــي