جامبو هولندي

[بو احمد]

السلام عليكم
اخواني اليوم شريت كاسكو جامبو هولندي عمره 6 شهور يا ريت تفيدوني يا اصحاب الخبرة
اولا متي ممكن انه يتكلم مع العلم الطير هادئ نسبيا لكن في خوف الا اذا حاولت امسكه فقط او قلابت منه وحتي اذا جعر بشكل خفيف ..... ثانيا شلون اخليه يصير هادي وما يجعر مره وحده وياكل من ايدي .... وهل كافي انه اعطيه الحب الشمسي وسامحوني اذا كثرت من الاسأله لكن فعلا الطير شكله حلو ووايد عاجبني وللامانه دفعت فيه مبلغ ليس بالقليل وهذي صورة الكاسكو ..... وشكرا لجميع رواد المنتدي
http://www.saudifree.com/up/pic3/saudifree_94f0f.jpg (http://www.saudifree.com/up)

[qataria]

السلام عليكم :)

اول شي مبرووووووووك عليك الطيــر

ويتربى في عزك انشالله

باين عليه صغير من عيونه :)

بس اخوي هو سالفه انه يجعر لانه " خايف " انتظررر لين يتعود عليك شهرر ولا شهر ونص

وخله في مكان هادي وبدل له الماي والاكل بنفسك ونظف له القفص كله بنفسك علشان يتعود عليك

ودامه صغير واذا تعود عليك ممكن انه يتدرب ويركب فوق اليد ويتكلم :)


بخصوص التدريـــب شوف هذا المووضوع ..

http://www.2zoo.com/vb/showthread.php?t=1752

:)

[بو احمد]

الله يبارك فيج اختي قطرية
وشكرا علي المعلومات والله يعطيج العافية فعلا ما شاء الله عندنا أعضاء محترفين
ومنكم نستفيد :)

[الأفريقي]

الله يوفقك معااه ياارب .

[بو احمد]

الله يوفقك معااه ياارب .

مشكو ر يا الافريقي علي الدعاء .... والله يوفق الجميع باذن لله

اخواني الاعزاء بما انه الطير عمره 6 شهور متي اقدر اني اقص ريش جناحه ؟

[aziz0]

الف مبروك وما شاء الله على الطير الجميل

أولا في العمر هذا ممكن جدا يتكلم والببغانات بشكل عام افضل تعليم له يكون وهي صغيره .

ثانيا لا تعتمد على الحب الشمسي في تغذيت طيرك وحاول تعطيه فواكه وخضار وخصوصا الذره .

ثالثا غريبه انه يجعر خصوصا انه هولندي لكن حاول تعطيه فرصه يتعود على المكان وبعد ذلك تحاول تعطيه بعض الاشياء الي يحبها من يدك وانشاء الله مع الوقت بيتعود عليك

رابعاً ما انصحك تقص ريش جناحه اذا ما عندك خبره في ذلك وحاول توديه لبيطري يقصه لك افضل

وتقبل مروري

[بو احمد]

aziz0 أشكرك اخي الكريم علي الرد كفيت ووفيت بصراحة ان شاء الله راح اتبع نصايحك
وعلي فكرة انا ما قصدت اني انا اللي اقص ريش جناحه كنت اقصد اني اودي البيطري لانه عندي فكرة علي القص ممكن انه اولا الطير يزعل مني وخاصة هالطير جدا حساس وثاني شي يمكن يموت اذا ما كان عندي خبرة بس كنت اتساؤل اذا كان في هذا العمر ينفع اقص ريش جناحه ؟وإلا يستحسن انه يكون اكبر ؟ والشكر لجميع الاعضاء اللي افادوني

[qataria]

السلام عليكم


اي اخوي تقدر تقص جناح الطيــر بس اذا وديته للبيطري خلك بعيد عنه ..علشان مايشوفك
لانه بعدين بياخذ فكرهـ عنكـ ان انت اللي قصيتهـ له


ووو حاول وانت تعطيه الاكل تقوله كلمااااات سهله وقصيرهـ يوميا وطول ما انت وياه

هههههههه انصحك تعلمه على " ميـاااوـوـو " يضحكـ اذا قالها والله

شكـرا وانشالله يتربى في عزكـ

[كاسكو البحرين]

بو احمد عزيزي مبروك عليك الطير والله يعطيك خيره ويكفيك شره يا رب :)
ادري الرد متأخر المعذره :p

عموماً الاخوان والاخوات ما قصروا في الردود وإستفسارك عن هل العمر مناسب لقص الأجنحه أو لا
فالإجابة نعم مناسب ولكن احذر ان تقص الاجنحه بنفسك ودع الامر للخبير ابحيث يكون قص الاجنحه مرتب يترك اول 4 ريشات ( أكبر ريشات ) ويقص البقية بهداوه والحذر من الوصول الى مجرى الدم للريش ولا تخلي الطير يشاهدك وقت عملية القص عشان ماتكون معاهم في الجريمة
:D لانه هذه الطير ذكيه وتنسى ولكن بصعوبه :cool:

واي سؤال يابو احمد اتفضل وعليك بمراجعة المواضيع المثبتة لانها بتفيدك كثير

[بو احمد]

مشكور يا يا اخوي علي المعلومات بس ذبحتني ضحك علي سالفة الجريمة لا تخاف شكلي بتلثم وانا مودي الطير البيطري :D
أكرر شكري لك يا اخي الكريم وان شاء الله انا قاعد اتابع توصياتكم أول باول ومواضيعكم الشيقة