تقييم "روسيا" اول جرواية معايا جيرمن شيبرد

[azayed1385]

السلام عليكم و رحمة الله و بركاته

اولا انا عايز اشكر القائمين على المنتدى و كل الخبراء و الاعضاء المحترمين اللى فادونى جدا بأرآهم فى المجال ده ,

ثانيا كنت اشتريت جرواية جيرمن شيبرد من حوالى 10 ايام و كنت عايز اعرض صورها لحضراتكم و اسالكم شوية اسالة بعد اذنكم طبعا .

اول صورة انا اسف انها مش واضحة كفاية لانى واخدها سكرين شوت من فيديو لانى مش عارف اخليها واقفة هادية لانها مجنونة و حركتها زايدة اوى اوى و مش بتهدى غير لما نقعد انا و هيا نلعب شوية ف تهدى و تنام ف بيتهيالى صورتها و هيا نايمة تكون مش مفيدة

http://www.m5zn.com/newuploads/2015/11/28/png//438aa661c667d59.png

http://store2.up-00.com/2015-12/144958770271.jpg

و اخر حاجة كانت بتنام نومة غريبة كدة شوية بعد مانلعب شوية كنت عايز اعرف دى حاجة كويسة و لا وحشة

http://store1.up-00.com/2015-12/1449654045441.jpg

و كمان كنت عايز اسال على حاجة فى موضوع التغذية , هيا سنها 4 شهور و نص تقريبا على كلام الدكتورة بس هيا قالتلى ان حجمها كدة صغير و محتاجة تاكل اكتر شوية , هو انا باكلها لبن و فينو و بيض مسلوق ده على الفطار بس فى الغذاء كنت عايز اعرف ممكن احطلها سمان او يمام ( لانى بصطاد الحاجات دى ) و لا الحاجات دى تضرها و كمان بالنسبة للكبدة و الكلاوى و الحاجات دى برضه تمام و لا فيها مشكلة ؟؟؟

[الهولي]

وعليكم السلام ورحمة الله وبركاته

ماشاءالله هي حلوه

وافضل اكل لمنو سليم هو الدراي فود لانه في جميع العناصر والبروتينات والفيتامينات بشكل متوازن

لان بعض من هذي الاشياء اذا اخذه الكلب بزياده ممكن يضره بدل ان ينفعه

وهي الان فيها مشكلة ارتخاء في الايادي والارجل ارتخاء الاعصاب

وتحتاج الى بيطرية يكشف عليها ويعطيك الاشيا المهمه لعلاج هذي المشكلة الان

[azayed1385]

أ. الهولى متشكر جدا لمرورك الكريم و اهتمامك بالرد و إن شاء الله نصايحك تتطبق و بإذن الله فى ميعاد مع الدكتورة البيطرية يوم السبت اللى جاى هسالها على موضوع ارتخاء الاعصاب ده و ربنا يسهل و يسترها , و انا مبسوط جدا ان رايك فيها انها حلوة لانى معنديش خبرة و لما اشتريتها كان الموضوع فيه risk كبير بالنسبة ليا بس كدة الحمد لله انا اتطمنت من كلامك

[الهولي]

العفو وحاضرين لطيبين

بس طمني على الايد ايش عملت مع الدكتور وايش عطاها

[azayed1385]

بجد متشكر جدا على اهتمامك الجميل ده , و بالنسبة لحكاية الايد الدكتورة بصت عليها و خليتنى امشيها ادامها و قالتلى متقلقش ممكن تكون المشكلة دى ناتجة من انها لسة جاية البيت عندى من كام يوم بس قالتلى استنى شوية و اوديها عند الدكتورة تانى و هيا تشوف محتاجة تكتبلى على فيتامينات و لا لأ , و اديتلها التطعيمات و دواء الديدان و حقنة للحشرات , بس انا لسة من شوية ملاحظ حاجة مش عارف هيا مشكلة و لا لأ ف كنت هسال حضرتك و ممكن برضه اوديها للدكتورة علشان اسالها و هيا ان كوعها اليمين و الشمال فى بقعة صغيرة من تحت مفيهاش شعر مكان مابتنام , ف راى حضرتك ايه ؟؟ ده طبيعى و لا مرض ؟؟؟؟

[الهولي]

العفو

واي سؤال انا معاك لاتتردد

ممتاز انك عطيتها تحصين عن الديدان والحشرات ونعم ممكن تحتاج الى الفيتامينات

تخلط مع الاكل

وموضوع البقع الي في اليد مهم جدآ تتأكد انها مش أجزيما وهي نوع من الفطريات والبعض منها

معدي

برضو مايمنع انك تروح فيها الى بيطري أخر يكشف عليها بس يكون

متخصص في الكلاب

[azayed1385]

بجد يا اخى انا مش عارف اوصفلك مدى سعادتى باهتمامك و تقديرى لرغبتك فى مساعدة اخوانك
و إن شاء الله يوم الخميس فى ميعاد عند الدكتورة تانى بس كنت عايز اسال حضرتكم على حاجة تانى , انا امبارح اكلتها دجاج و عيش منقوع فى شوربة الفراخ حسب نصيحة واحد جار ليا مربى جيرمن شيبرد برضه بس لقيتها امبارح بالليل و النهاردة الصبح عندها اسهال ف لما سالته قاللى ممكن يكون عرض جانبى للتطعيم او يكون علشان حطيتلها الدجاج بالجلد بتاعه و الشوربة كتير , هسال الدكتورة على الموضوع ده بعد بكرة بس برضه رايك انت يهمنى اكتر من الدكتورة كتير