الحقوني (كاسكو)

[Mossyaya]

مساء الخير ع الجميع
قبل شهرين تقريباً اشتريت ببغاء كاسكو هولندي
عمره بين 6 الى 8 اشهر

والحمد لله مره خفيف دم وذكي ولعاب ويتعلم بسرعة واليف
ويتحرك كثير بالقفص ومن ادخل البيت يصفر ويزعق عشان اجي اطلعه
ويحب يطلع ع كتفي

بس من اربع ايام خف نشاطه وراح صوته ولا يصفر وصار مره هادي وينام اكثر من العادة
قعدت اتسمع تنفسه مافيه اصوت وطبيعي
اكله ممتاز الحمدلله
اخراجه تكرمون مافيه اسهال ولا شي
كل شي طبيعي

مدري وش فيه
افيدوني
مع اني لاحظت امس طلع بلغم تكرمون منه
واحس اذا بيطلع صوت يحشرج صدره
وكثير كانه يبلغ ريقه

وش الحل اذا تشخيصي صح؟؟؟
قسم ضايق صدري عليه وما اعرف وش اسوي

[أسيــــر]

مساء النور عليك
ماعليه الا العافية تغير الجو ممكن عليه اهم شي ماتعرض لتيارهوائي مباشر
وهل تم تغيير نوعية الاكل او اضفة له أي علاجات ممكن تكون سبب في خمول الطير
ظيف له مظاد حيوي كا وقايه لمدة 5ايام ماعليه الا العافية بالتوفيق ان شاء الله

[Mossyaya]

ما غيرت اكله بس احيانا اعطيه عنب
او خيار وكم مره اكل لبنه :eek:

بس الاهم هو البلغم وش الحل
حطيت له مضاد مع المويه بس مايشرب مويه
شوي مره مره يشرب

[همس الصمت]

تاكد من فتحات الخشمه عنده يمكن مقفله مع تغير الجو
مايشوف شر ان شاء الله

[Mossyaya]

لو مقفله شلون انظفها؟

واصلاً ما لاحظت على تنفسه شي
ماله صوت بالتنفس
بس صوت حشرجه بصدره اذا جاء يطلع صوت

بلغم الله يكرمكم

[همس الصمت]

اذا تقدر تمسك الطير حلو تبلل مناديل بماء وتمسكه تمسح الخشم حتى ينفتح او مالك غير البيطري يشوفه منها تطمن على طيرك افضل

[s0zi]

مشتقات الالبان والحليب تزيد البلغم اخوي
فالانسان المريض مابالك بالطير

تمنياتي له بالشفاء العاجل طمنا عليه

[Mossyaya]

شكراً لكم جميعاً

بس محد قالي فيه شي يحل مشكلة البلغم

ولا لازم اروح بيطري

[AVOCADO]

الأكيد عنده مشكلته تنفسيه

غالبا استخدام التايلان راح يجيب معاه نتايج رائعه

معافئ بأذن الله

[Mossyaya]

الله يعطيك العافية

شكرا للجميع

بس المشكلة الحين ماياكل ولا يشرب
حتى المضاد اللي مع الموية ما عاد اقدر اشربه