ناوي اشتري فرخ يلو ناب كيف اميزه بين انواع الامازون ؟

[*بوجاسم*]

السلام عليكم ورحمة الله وبركاته
كيف حالكم يا شباب
بإذن الله ناوي اشتري فرخ امازون من نوع يلوناب وخايف يلعب علي البايع ويعطيني فرخ على انه يلوناب ويطلع لي مع الوقت يلو كراون ولا اي امازون ثاني ..
السؤال بارك الله فيكم كيف اميز فرخ اليلوناب هل فيه علامات واضحة تميزه عن باقي فروخ الامازونات ؟
معروف ان له ريش اصفر خلف الرقبه هذا البالغ لكن الفرخ لونه اخضر بشكل كامل ..
وهل في طريقة بحيث اتأكد 100% أن هذا الطير يلو ناب (يعني تحليل dna او شهادة معتمدة)
انا هاوي ببغاوات قديم وكنت املك الكراون ومجموعة طيور صغيرة من سنين والآن قررت أرجع لهوايتي الي افتقدتها واقتني طير يعيش معي طول العمر واخترت الامازون اليلوناب لأني معجب بجمال هذا الطير وشخصيته وقدرته الممتازة على الكلام ..

[RedEye]

السلام عليكم أخوي

بخصوص الطيور الأمازون من المتحدثين الطلقين
\وبخصوص الفرق

من الأسم

الأمازون اليلو ناب يكون الصفار خفيف عند المنقار و باقي الصفار خلف الرقبة


https://cdn.shopify.com/s/files/1/0426/6233/products/yellownape_large.jpeg?v=1397164645
https://s-media-cache-ak0.pinimg.com/236x/a2/ed/0a/a2ed0a2e05beffb28782a70120c7289d.jpg

والأمازون اليلو كراون الصفار يكون عند المنقار

http://www.birdchannel.com/images/species/subspecies/yellow-crowned-amazon.jpg

http://www.beakersparrotplace.com/parrotgallery_images/yellowcrowned.jpg

طبعا يكون في غش عند بعض البياعين

فلازم تاخذه من احد موثوق

و في بعضهم يبيعه لك بشهادة

و بعضهم ما يعترف بالشهادة

تمنى أكون أفدتك

و أي إستفسار حاضرين

دمت بود

[*بوجاسم*]

حصلت الطير في محل محجل 2014 وشكله جميل ويتكلم لكن الفاجعة سعره 14000 ريال !!!
توني شفت فلم وثائقي عن هذا الطير وتراه يباع في المكسيك فرخ ب 50 دولار تخيلو !! وهنا 14000 +__+
غيرت رايي ياشيخ لو انه يتكلم الف كلمه ما يستاهل هالمبلغ كثير عليه
الآن افكر اشتري طير ثاني وحتار حتى الآن ويمكن اتجه لأنواع المكاو

[RedEye]

المبلغ مبالغ فيه جدا

والطيور أسعارها معروفة

خلك من هذا و دور وبتلقى ضالتك إن شاء الله

المكاو تلقاه من يبدا من ٨ الاف ريال تقريبا

الأمزونيات أغلى شي الدبل يلو هيديد بتلقاه بحدود ال ١٠ اليف و فرخ تعلمه

وهذا يعتبر أفضل و أغلى انواع الأمزونيات

ولو دورت أكثر بتلقاه بأسعار أرخص

أغلى من هالأسعار فأعرف إنه يب ييسرقك

[RedEye]

و إذا نويت تبي شي راسلني و إن شاء الله عندي إلي تبيه

من امازونيات أو مكاو

و بأسعار مناسبة

[suliman_pet]

لانه نادر وجوده في الخليج ومع ذالك لازم يصير غالي لانه متدرب اذا انت تبي نصيحه خذ من محلات حيوان مو سوق طيور


Sent from my iPad using 2zoo.com mobile app

[Cockatoo]

حصلت الطير في محل محجل 2014 وشكله جميل ويتكلم لكن الفاجعة سعره 14000 ريال !!!
توني شفت فلم وثائقي عن هذا الطير وتراه يباع في المكسيك فرخ ب 50 دولار تخيلو !! وهنا 14000 +__+
غيرت رايي ياشيخ لو انه يتكلم الف كلمه ما يستاهل هالمبلغ كثير عليه
الآن افكر اشتري طير ثاني وحتار حتى الآن ويمكن اتجه لأنواع المكاو

انا من عشاق هذا الطائر بشكل جنوني و شفت البرنامج الي انت شفته :) ,, بس مسألة انك تشتري يلوناب بسعر المكسيك هذا من سابع المستحيلات الا في حالة وحده انك تعيش هناك
و الاهم ان الفروخ الي شفتها في البرنامج هي صيد يعني من الغابه ,, و اغلب الي عندنا في الخليج انتاج مزارع محميات ,, و اذا ربي وفقك بواحد يستوعب ما شاء الله و بيتجاوب معك مثل ما انت تعلمه شوف الفديو

lQVEHQNQbqA

بشكل عام انا مع كلام شخص شارك قبل فتره و عجبني كلامه بسبب انه ميه بالميه صحيح و هذا الكلام عن خبره

المشاركة الأصلية كتبت بواسطة طاهر عبدالعال مشاهدة المشاركة
السلام عليكم ورحمة الله وبركاته
وكل عام وأنتم جميعا بخير أعضاء المنتدي الكريم بمناسبة شهر رمضان المبارك
لي رأي خصي عن تجارب لعدة سنين بين الببغاوات الامازون والببغاء الافريقي
الببغاء وذكاءه وقدراته الكلامية تتفاوت بين الطيور كتفاوت البشر تماما .... تجد شخصا كثير التحدث وشخص أخر لبق وأخر لايجيد الحديث ... هكذا الطيور تماما ولايوجد طائر معين مبدع فى الكلام على الاطلاق بمعني :
تجد بلوفرونت مبدع فى الكلام وصوته واضح مع أنه طائر قليل الكلام وصوته غير واضح تجد يلوناب وهو طائر مبدع فى الكلام ولكن تجده لايتكلم الا قليلا وهكذا الدبل يلوهيد واليلوكراون وغيرها
الخلاصة
أن الطيور تتفاوت فى الكلام وايضا المربي او الملقن عليه دور كبير ولكن الطيور وترتيبها من ناحية الكلام والتجدث

اقرأ المزيد هنا: عاجل : لخبراء البلوفرنتد - منتديات تو زوو http://www.2zoo.com/vb/showthread.php?t=355096#ixzz3zJ8eA2Tx