وش اشتري يلوكراون والا بلوفرنتد

[فايزالحربي]

السلام عليكم جميعآ اخواني واخواتي

قبل فتره كان عندي كاسكو اليف بس طفشني لأنه مو جريئ ويتكلم اذا كان لحاله وصبرت

عليه سنتين ابيه يتعدل ماوده علمآ اني دايم اجلس عنده .. واخر شي بعته قبل 8 شهور

واللحين ودي بطير جديد واحترت اختار مابين اليلوكراون والبلوفرنتد لأن سعرها مقدور عليها ..

ونبي مشوورتكم ونصيحتكم لاهنتم

[روجيادا]

اخوي انت ايش تريد ف الطير بالضبط؟ صحيح لكل نوع مواصفات بس ف نفس الوقت كل طير يختلف عن الثاني واكبر دليل الكاسكو اللي كان معك

[فايزالحربي]

ابغالي واااحد نشييييط و جريئ يتكلم على اليد وبالوجه

وفييه عالم حيرووني يقولولي اليلوكراون صووته اوضح وانشط

وناس تقوولي البلوفرنتد افضل منه بمليون مرره واحترنا وربي معاهم

وقلنا خلينا نسئل اهل الخبره الي مثلكم وشرواكم لعلى وعسى

يفيدوننا اكثر لاهنتم واما الكاسكو ما قول غير الله لايعييد ايامه

جابلي عقده نفسيه وصررت اكره صورته واسمه من مخوو المقفل :mad:

[tozo]

شوف يا اخوي انا عندي افريقي و يلو كراون وبلوفرنتد

بالنسبه للامازوني/

اذا تبي الكلام الواضح والصوت العااالي خذ اليلو كراون
وهو طير ممتاز وسعره مقارب جداً للبلو فرنتد

و البلوفرنتد جيد وحبوب لكن نسبة وضوح الصوت اقل من اليلوكراون
والصوت اقل لكنه ممتاز

وكلهم مزعجين ولعوبين لكن انا ارشح لك اليلو كراون

اسعارهم بالنسبه للفروخ الأقل من سنه تقريباً ب 3400 ريال

وبالتوفيق ان شاء الله ..

[فايزالحربي]

مشكوور اخوي توزو كفيت ووفيت الله يعافيك يالغالي

ودامهم مزعجين اجل الله يستر من الشيبان ههههههه

اشكرك يالغالي

[نهر الأمازون]

أخي فايز, لو كنت مكانك لأخذت اليلو كراون, لكل الأسباب التي ذكرها 2زو, مع أن طيري بلوفرونتد, و أنت صادق من ناحية تضارب الآراء بين الهواة بشأن الطيرين, الأثنين ما شاء الله ممتازين لكن فعلا اليلو كراون صوته أوضح, الفكرة أن اليلو كراون ليس موجود دائما بالسوق و ذلك أنصحك عند الشراء بمراقبة الولافة و اللعب و الصحة

[Cockatoo]

اختصر لك الموضوع عن خبره ، خذ يلوكراون فرخ

[أسيــــر]

واحب اظيف على كلام الاخوان ومشورتهم لك
التلقين يحتاج صبر منك سوائن للامزونيات او الافريقي وكل له طريقه في التدريب وتعليم الكلام
الامزوني انطلاق سريع خلال فترة بسيطه يطربك وخصوص اليلوناب والدبل هد واليلو كراون البلوفرنتد يعطيك لكن اقل نسبه وحسب ذكاء الطير
اما الافريقي ومن واقع تجربتك معه اتوقع لم تسيطر على الطير في التلقين والفترة هذي ممكن يكون كسب كلام ومجرد ما يتغير عليه المكان راح يبتدي يبدع ربما مكان مرتاح طير عنيد وذكي

[طاهر عبدالعال]

أخي الفاضل الله يوفقك لطير ذكي لكن عن تجربة لايوجد مقارنة بين البلوفرنتد واليلوكران .. اليلوكراون افضل 100 مرة من البلوفرونتد من حيث الكلام والولافة والحجم البلوفرونتد جيد لكنه مزاجي جدا وعنيد وكلامه محدود الا بعض الحالات يكون متكلم ممتاز اما اليلوكراون لو اخدته فرخ استمتع بالولافة ووضوح الصوت ويحب صاحبه بجنون ولاتوجد عنده المزاجية الموجودة بالبلوفرنتد

[Jeremiah]

أنا مع كلام الأخ طاهر 1000000% . جربت البلوفرونتد ومجننتني بالبيت . تلقين وتسجيل وفي الأخير بس إسمها . أما اليلو كراون , أخذته على عماها وهو عمرة 3 شهور . كنت أبي جالا وغرني حجمة والحمد لله ينطق كم كلمة بثلاث لغات . وصوته واضح . بس في شي محيرني بأنه ذكر والبلوفرونتد أنثى , قلت يمكن الذكر يأخذ راحته في الكلام.

[طاهر عبدالعال]

تحياتي للأخ الفاضل Jeremiah وكل الناس اللي ربت الطيرين يعرفون الفرق عدل وأن اليلوكراون أفضل بمراحل من البلوفرونتد وساعات اليلوكراون ينطق نفس اليلوناب والدبل يلو مع اعترافي انهم أفضل بمراحل من اليلوكراون لكن طيور اليلوناب العادية اللي ماهي فلته فى الكلام نفس اليلوكراون بالظبط .... أما الطيور الفلته الي تنطق الكلام بسرعة وقوة الحفظ عندها قوية يتفوق فيها اليلوناب فهو من وجهة نظري المتواضعة ملك طيور الامازون بلا منافس
أما موضوع الذكر والأنثي والله من خلال تجربة مافي فرق وإن كان الذكر أفضل فى قلة الصراخ وحجمه أفضل من الأنثي ويقولون أنه ماينسي الكلام أمل الأنثي بعد فترة يكثر صراخها وتنسي بعض الشئ والله أعلم