ببغائي يبلع الاكل بدون مضغ! 😭😭😭

[RaneemMd]

السلام عليكم و رحمه الله وبركاته

انا من فتره نزلت موضوع انه كان ببغائي مريض "عنده اسهال و بكتريا في البطن " .. بعد كده وديته للبيطري و اعطاني دوا غالي 😤 ..
هو كان ما ياكل الفصفص حقه ابدا بعد ما مرض.. اليوم الحمدلله اكل فصفص وماشاء الله تبارك الله اكل كثير " عنده عاده خاطئه في اكل الفصفص انه يبلعه على طول بدون مضغ اظن لانه لسه صغير مايعرف " ..
المهم صحي دوبه من النوم و الاقيه استفرغ و طلع الفصفص اللي اكله!
"طلع الفصفص زي ما هو بدون سوائل معاه "
استغربت مرررره و خفت ..😭
انا قد كلمت واحد و قلتله الببغاء حقي ياكل فصفص بدون ما يمضغ .. تعجب من الموضوع و قالي انه دا الشي غلط المفروض يمضغ قبل البلع ..
المهم ايش المفروض احطله بدال الفصفص .. و ترى جربت احطله ذره ما يحبه ولا ياكله ابدا ابدا ..

بليز لحد يحطمني و يقولي انه بيموت 😭😭😭😭

[غجرية]

السلام عليكم
اخي ياليت توضح ايش نوع ببغاءك وكم عمره تقريبا ومن متى شريته ولو في صوره
وهل هو نشيط ويصفر او لا وكده ممكن الخبراء يفيدوك اكثر

[RaneemMd]

النوع : كاسكو
العمر : اربعه شهور تقريباً (عيون سوداء).
اشتريته من ٣ اسابيع.
كان يصفر و نشيط ،، بس بعد ما مرض سار خامل
وله اسبوع مريض.

[غجرية]

النوع : كاسكو
العمر : اربعه شهور تقريباً (عيون سوداء).
اشتريته من ٣ اسابيع.
كان يصفر و نشيط ،، بس بعد ما مرض سار خامل
وله اسبوع مريض.


بالنسبه للكاسكو انا ماعندي خبره فيه
يفيدونك خبراء الكاسكو
بس اظن انه لازم يطحن الاكل قبل يبلعه
حاول اتقدمله اشياء لينه ما تحتاج انه يطحنها كثير
مثل الفاكهه او البقوليات المسلوقه
وبالشفاء للطير
وبالتوفيق

[غجرية]

الاخ حمزه الغامدي سكر
له قناة على اليوتيوب فيها مواضيع كثيره عن فروخ الكاسكو بالتحديد ممكن اتشوفها
وان شاء الله يكون فيها الافاده لك ولطيرك
وبالتوفيق

[RaneemMd]

هذي صوره له قبل ما يمرض
http://store2.up-00.com/2016-04/146196853045061.jpg

[غجرية]

ماشاء الله
جميل جدا
الله يباركلك فيه ويشفيه
بالتوفيق

[RaneemMd]

خلاص مات

[غجرية]

السلام عليكم اخي
الله يعوض عليك
وان شاء الله تجيب طير يسر خاطرك
بالتوفيق

[RaneemMd]

شكرا غجريه لاهتمامك ببغائي ..

واتمنى من الاداره تحذف هذا الموضوع من المنتدى ..