مشكلتي مع الكاسيكو

[سنابسي]

السلام عليكم,,

عمره تقريبا سنه ونص وصارله عندي 4 شهووور. في البدايه كانت مشكلته الجعير والحمد الله رااحت.. مره من المرات قريت في المنتدى من اساليب الترويض انك تطلعه خارج القفص وتلبس القفازات وانا بالفعل طلعته وطلع زي الحلاوه بس لما قربت منه وشاااف القفازات صار في حاله مو طبيعيه ومن داك اليووم الى اليووم هدا وهوو يخااااااااف مني ..
مع العلم انا الي انظف القفص واسوولف معااه واغير اكله مادري صابته عقده هوو والا شوو سالفته ؟؟ واضافه الى دلك مع اهلي زي الحلاوه مايخاف منهم ولا حاجه وامس يقولوو انه قال كلمة كاسيكوو وتووه اول كلمه يقوولها..
انصحووني وش اسووي معاااه ولا خلاااص الطير صار يكرهني للابد ؟؟

[عاشقة الطيور]

وعليكم السلام ورحمة الله وبركاته

لاتيأس اخوي .. حاول تكثر جلساتك معاه وكلمه

وحاول تأكله من يدك وان شاءالله بيرجع مثل اول واحسن

[سنابسي]

مشكووره اختي على مروورك ..

انا اليووم حاولت معااه وبعد ما طلعت روووووحي اكل حبة وحده من عندي الحمد الله بس الي قاهرني انه من يشووفني كانه شايف شبح... :eek:

بس اهم شي انه يرجع مثل ما كاااان ؟

[عاشقة الطيور]

تمام .. دايما اول شي بدايه صعبه ومع مرور الوقت ان شاءالله بيتحسن وبيصير معاك تمام
بس انت اصبر ولا تيأس

[كاسكو البحرين]

هلا بيك سنابسي :D

وياااااااااكم :D

حبيبي اول شي الله يبارك لك في الطير والعمر المذكور ( سنة ونص ) انا ما اقول ماتقدر تروض الطير ولكن نكون اوضح راح تلاقي صعوبة وأفضل عمر للترويض وتدريب الطير من 5-10 شهور الانسب والافضل ولكن على حسب الموجود نقول الحمد لله :rolleyes: عزيزي سنابسي اذا الطير يخاف من القفاز فما في داعي تستخدم قفاز لانه اوردي انت قاعد اتخوف الطير وكل ما قربت يدك للطير خاف اكثر فالتفكير للطير هو انك اتريد إيذاء وتخويف الطير عموماً الحين انت امتنع عن موضوع القفاز عشان لايخاف الطير اكثر منك ويصل الى مرحلة الكراهيه والخوف وأبدأ معاه من جديد وهو انك تجلس جنب القفص والتكلم مع الطير والتغريد .................

وفترة 4 شهور قليلة واذا نطق كلمة ( كاسكو ) فهذا دليل ان الطير قاعد اشوي اشوي يتأقلم معك ومع البيئة الجديدة ، واصل على ما انت عليه وحاول استخدام طريقة ادخال اليد في القفص تدريجياً وان شاء الله الطير يكون معاك افضل من قبل

[سنابسي]

الف الف شكر اختي عاشقة الطيوورر على مرورروك وان شاء الله نصبر عليه

اهلين اخووي كاسيكو البحرين والله يبارك فيييك وخلاااص نووبه وتووبه اني استخدم القفازات مره ثانيه والله لووو ياكل ايدي ولا اشووفه يخاااف مني :D

اي والله نطق كلمة كاسيكووو ياخووك :D <<<< مو مصدق الريال :eek:

عموما الف شكر الكم وان شاء الله نستفيد من نصايحكم ..

سلام

[SharkSoftware69]

الكاسيكو اللي عندك خايف من شيء اسمه قفاز

و انت لبست القفاز صرت نفس فريدي صاحب الشفرات

المهم خل عنك القفاز و حط له يدك بتحصل عض لاكن لا تخاف منه لانه اذا خفت بدل لا تروضه بيروضك

الصبر زين و باذن الله بيقول اسمك بعد

[عاشق الببغاء 2]

تشكروا على اقتراحاتكم ومساهماتكم الجيدة لكن ما العمل لو كنت تفع كل ذلك وحاولت مرارا وتكرارا ولم يفد شئ بالنسبة للعض
هل الكلام يوضح مع الأيام او انه هذا كلامه يعنى طائرى يتكلم لكن بعض الكلمات غير مفهومة؟؟؟