ارجوو الدخول ... مساعده

[مبتدأ]

السلام عليكم

شلونكم اتمنى ان الجميع بخير يارب

اللمهم

انا عندي حوض وفيه سمج ووضعهم تمام والحمدلله

ولكن ابي اشتري حوض جديد

وابي اعرف نوع من انواع السمج

مايأكل بيضه او فروخه


اي بمعنى

ابي منكم تقولولي شنو النوع اللي يتكاثر دون ان اعزله او شي

يعني ابي اوفره الجو المناسب ويتكاثر


وشكرا

[المحترم]

حياك اخوي
على حسب علمي المتواضع هي الانواع التالية:
(الانجل.الجولد فيش.الجوبي)

[Lonely Hunter]

السكلد بانواعه

(اللي منها الدسكس و الانجل )

و هو بنفسه بيعتني بالبيض و الفروخ

cichlid

&

Arowana


المحترم
القولد يبيض و ياكل بيضه...و الجوبي تولد و تاكل عيالها اذا ماتم فصلهم بسرعه

[بنت البحرين وكلي فخر]

انا رايي من راي اخوي Lonely Hunter اولا القولد فيش ابيض وياكل بيضه والجوبي تلد وتاكل اعيالها
احسن شي الدسكس و الانجل اهم الي ماياكلون اعيالهم

تحياتي
بنت البحرين

[Lonely Hunter]

بنت البحرين

و الله انا افضل ان يبتعد عن الدسكس .. و الانجل

لانهم سمك ادعل و يحتاجون عنايه خاصه


انصح بالسكلد لانه يقدر يقاوم انواع الماء الصعبه


http://www.2zoo.com/vb/showthread.php?t=34504 (http://www.2zoo.com/vb/showthread.php?t=34504)

هالموضوع فيه انواع السكلد

اختار اللي يعجبك و دور عنه بالسوق

[مبتدأ]

الله يعطيكم العافيه

وماتقصرون والله

وانا باخذ رايكم وابي اشتري سكلد

ولكن ابي منكم تفيدوني بجم شغله بعد

واهى شنو احط بالحوض يكون السكلد يحتاجه يعني مثل صخر ولا خشب ولا زرع صناعي طبيعي

ولا شنو ؟

وجم سمجه احط بالحوض

واحجامهم اشتري كبير احسن ولا صغير

ولا انوع كبير وصغير؟

وهل الفلتر اللي معاه اوكسجين

اللي يكون الاوكسجين ضغطه قوي على الماي

يضايق الاسماك ؟

وللعلم الحوض 80

وهل يمكن ان اضع مع السكلد نوع ثاني من الاسماك ؟

ملاحظه : النوع الثاني شنو ؟ وهل يأكل بيض الاسماك الثانيه او فروخهم ؟

وانا ودي اني اسوي شلال اي ان يكون الحوض مكشوف من فوق وينزل الماي على الحوض يأثر

على الاسماك او لا ؟

والف شكر

واسمحولي اذيتكم وياي

لاني والله من منتداكم حبيت الاسماك

وان شاء الله مع الوقت راح افيدكم باللي اتعلمه من هالهوايه :p

[Lonely Hunter]

واهى شنو احط بالحوض يكون السكلد يحتاجه يعني مثل صخر ولا خشب ولا زرع صناعي طبيعي

ولا شنو ؟



الصخر اهو افضل ديكور للسكلد ... و اذا تبي تشري ,حط الصخر بوضعيه معينه تسوي مثل كهوف ينخش فيها السمك ... لان السكلد يحب يكون له بيت

اما في كهف او عش (يحفر الارضيه)



وجم سمجه احط بالحوض


يعتمد على حجم السمكه اللي بتحطها , المهم ان يكون شكل الحوض جميل و مايكون فيه زحمه مثل احواض المحلات



واحجامهم اشتري كبير احسن ولا صغير

ولا انوع كبير وصغير؟

اممم
انا احب اشتري صغير لان سعر الكبير غالي

و السكلد سمك قوي و يستحمل حتى وهو صغير .. فما يموت معاك بسرعه

بس اذا انت منت قادر تنتظر سنه على شان السمك يكبر و يصير بالغ .. اشتر كبير


وهل الفلتر اللي معاه اوكسجين

اللي يكون الاوكسجين ضغطه قوي على الماي

يضايق الاسماك ؟
انا افضل انك ماتخلي الفلتر يدفع الهوا .. شيل الهوز عنه
و اشتر مضخة هواء
و بجذي الماء بيكون انظف و خالي من الفقاعات الصغيره اللي بيكونها هالفلتر .. و الحوض بيكون شكله احلى


وهل يمكن ان اضع مع السكلد نوع ثاني من الاسماك ؟


تقدر

بس لازم يكون من النوع القوي اللي يقدر يستحمل مضايقة السكلد و يبعدهم عنه

يعني شيل عايلة القولد فيش كلها من راسك و الكوي

و البلاتي و المولي و الزيبرا و التترا و الانجل و القورامي و اي سمكه ثانيه اتشابهم

بس ليش تحط سمكه من نوع اخر

تنوع اسماك السكلد و اختلاف اشكالها يغنيك عن وضع اي سمكه من نوع اخر معاها

cichlid

حطها بقوقل و شوف اشكال و الوان السكلد العجيبه الغريبه

على فكره .... اذا تبي تشتريهم صغار تقدر اتحط قورامي و كم نوع من التترا معاهم

بس اذا كبروا السكلد .....بالعافيه عليهم :p


ملاحظه : النوع الثاني شنو ؟ وهل يأكل بيض الاسماك الثانيه او فروخهم ؟
اذا انت تبي اتفرخهم لازم اتخليهم بحوض بروحهم

بدون اي سمكه ثانيه

و يكون حوض يرتاحون فيه

غير جذي ماراح يفرخون معاك الا بظروف خاصه مثل ان يكون حوضك كبييير و مايكون الا فيه سمك قليل

يعني كمثال اذا تبي اتفرخ اوسكار .. لازم اتخليهم بحوضك بو 80 سم بورحهم

حطيت معاهم سمجه ثانيه ماراح يفرخون ... او بيفرخون و يذبحون السمجه الثانيه



وانا ودي اني اسوي شلال اي ان يكون الحوض مكشوف من فوق وينزل الماي على الحوض يأثر

على الاسماك او لا ؟

مايأثر

بس انت بهالحاله حطيت احتمال 70% ان بعضهم بيموت

ليش

انا اقولك .. لان السكلد بعض المرات ينط و يقفز بره اذا كانت في سمجه لاحقته

اذا شريتهم .. جرب اتحطهم بطشت .. و شوف شلون كل شوي ناطتلك وحده


فيعني خل الحوض مغلق احسن



:rolleyes:
......
....
..
.

[مبتدأ]

اخوي Lonely Hunter

الله يعطيك العافيه

اي والله

والله انك ماقصرت لا معاي ولا مع غيري

بارك الله فيك

وخلاص انا قررت اتبع نصايحك كلها

واول شي بشيل فكرت الشلال

ولكن بالنسبه لردك هذا :

انا افضل انك ماتخلي الفلتر يدفع الهوا .. شيل الهوز عنه
و اشتر مضخة هواء
و بجذي الماء بيكون انظف و خالي من الفقاعات الصغيره اللي بيكونها هالفلتر .. و الحوض بيكون شكله احلى


اوكى ماراح اخلي الفلتر يدفع الهوا

ولكن الفقاعات الصغيره لابد منها لان الاوكسجين يطلع فقاعات عدل ؟

وشنو تقصد بمضخة هواء ؟

وعندي استفسار بعد :) _______ الله يعينك معاي تحمل وانا اخوك :)

اول شي احط مع السكلد بالحوض سمج الزباله على شان تنظف ولا لا ؟ واذا ايه جم وحده

تنصحني ؟

والحوض 80 جم اقدر احط في سمجت سكلد متوسطة الحجم ؟

وعلى فكره انا ودي افرخهم

امنيتي اشوف فروخهم


ومنتظر ردك على احر من الجمر

بطبق :)

وتحياتي لك

http://img71.imageshack.us/img71/3885/roseiloveu11va8.gif

[Lonely Hunter]

وشنو تقصد بمضخة هواء ؟

اهو جهاز يدفع هواء للحوض و في اخره هوز الهواء صخره لونها ازرق يشتت الهواء و يخلي فقاعاته اصغر على شان يذوب بالماء

في ناس يسمونه موتور

هذه صورته اذا للحين ماعرفته

http://tbn0.google.com/images?q=tbn:56opZs19E6ATEM:http://www.wearefish.com/catalogue/accessories/aquarium-parts/products_pictures/normal_air-pump.jpg (http://images.google.com/imgres?imgurl=http://www.wearefish.com/catalogue/accessories/aquarium-parts/products_pictures/normal_air-pump.jpg&imgrefurl=http://www.wearefish.com/catalogue/accessories/aquarium-parts/biorb-air-pump&h=270&w=270&sz=8&hl=ar&start=16&tbnid=56opZs19E6ATEM:&tbnh=113&tbnw=113&prev=/images%3Fq%3Dair%2Bpump%2Bfor%2Btank%26gbv%3D2%26svnum%3D100%26hl%3Dar)





وعندي استفسار بعد :) _______ الله يعينك معاي تحمل وانا اخوك :)
خذ راحتك افا عليك

اول شي احط مع السكلد بالحوض سمج الزباله على شان تنظف ولا لا ؟ واذا ايه جم وحده تنصحني ؟
اكيد .. شي مهم الزبال
لانه ياكل الطحالب اللي 1000% بتّكون عندك بالحوض
اما عن العدد

اخذلك 4 صغار

2 سود 2 بيض

شكلهم بيطلع حلو على حجم حوضك ^^



والحوض 80 جم اقدر احط في سمجت سكلد متوسطة الحجم ؟

وعلى فكره انا ودي افرخهم

امنيتي اشوف فروخهم

مادام جذي
اخذلك يوز سكلد بالغ بس
لا تحط غيرهم (ماعدا الزبال)

و خصوصا الكات فيش

صحيح ان دورها مهم في اكل الاكل الزايد بس راح تاكل البيض و الفروخ

و على فكره .. ترى البياعين مايعرفون يفرقون بين النثيه و الذكر

شنو النوع اللي انت ودك فيه و احنا ان شاء الله بنحاول نساعدك في التفرقه بينهم

بس بالنسبه للسكلد فهذا شي صعب ... و يبيلها عين اتشوف ادق التفاصيل

فعلى شان جذي اذا تبي تضمن ان يكون عندك يوز

اشتر من النوع اللي يعجبك 6 حبات .. اكبر حجم تقدر اتحصله يتناسب مع حوضك (مايكون ضيج عليهم)

و بعد فتره بتشوف ان سمجتين بيكونون على طول مع بعض

يسوون حركات غريبه و يدورون على بعض

هذولي يوز

تقدر وقتها اتشيل السمج الباجي و اتخلي هالاثنين مع بعض

و على حسب النوع: يا تحط صفيحه او صخره او كهف يبيضون داخله و يفرخون ان شاء الله


الحين

قررت اي نوع تشتري ;)


----
thank's 4 the rose :o

[مبتدأ]

حبيبي والله ماقصرت اخوي

والله يعطيك العافيه

ولكن

انت قلت اي نوع قررت تشتري

يعني ان السكلد انواع وانا قريت بالمواضيع اللي بالقسم انه انواع

حلو الكلام

انا برح واقوولك حق راعي المحل وين سمج السكلد واختار

وانا شفت صور لسمك السكلد بالقسم وبموضوعك اللي حطيت الرابط لي

ولا انت تنصحني بنوع معين من السكلد ؟

وبالنسبه لتفرقه بين الانثى والذكر تقدر تحطلي صور انثى وذكر

لان انا راح اقوول حق راع المحل واذا اختار اجيك وراه

وبالنسبه لفكرتك اني اشتري 6 اسماك

حلوه ولكن انت تقوول تخلي بس الزوج يعني الباجي حرام وين اوديهم

سؤال :

مااقدر اخلي 6 اسماك مع بعض ويفرخون الزوج عادي او لا ؟



ومنتـــظر ردكـــ خيــــــو


ولـــك


http://img71.imageshack.us/img71/3885/roseiloveu11va8.gif