كاسكو مصاب ( حاله انسانيه طاري للاهميه تكون ردو )

[ابوهتان55]

مسيتو بالخير مابطول عليكم

انا شريت ببغاء كاسكو اولا رمضان
مالي خبره بالطيور كثير اولا اسبوع جدا رايع
ثاني اسبوع صار في عرج بالمشيه خفيفه وماعطيتها بال
ثاني يوم حسيت في انتفاخ برجله قلبته صلقته مافي اثر قرصه
لكن ظهر رجله منتفخه وفي حراره برجله

رحت للبيطري وعطاني كريم و مضاد والقهر كلها للكلاب و البقر والخيول ويقول تصلح لطيور
جربتها ومافي فايده للحين

بحاول ارفع ال صور العلاجات مع قدم الكاسكو
http://store6.up-00.com/2017-06/149713202725231.jpg


http://store6.up-00.com/2017-06/149713202773422.jpg

http://store6.up-00.com/2017-06/149713202911935.jpg

http://store6.up-00.com/2017-06/14971320281993.jpg

http://store6.up-00.com/2017-06/149713202861364.jpg


انا على قد حالي ومتوقف راتبي عشان نقلي وتوهقت ساااعدوني تكفون

[طاهر عبدالعال]

اخي الفاضل ارسل صورة الطير علشان نقدر نساعدك

Sent from my SM-N920C using Tapatalk

[ابوهتان55]

استاذ طاهر عبدالعال

تم رفع الصور ياليت التعديل عشان تجي صغيره ما عرفت لهااا

[مشعل الشمري]

ماعليه شر يالغالي
في عدة امور يالغالي تسبب هالامر
ولكن لازم التاكد
قصيت اظافر الطير وتعور يعني نزل دم
تفحص بشكل دقيق يمكن تكون لدغه وانا اخوك
اللدغه ماتبان الا بضوء قوي لان لون رجله ماتساعد انك تكتشف اللدغة
وفي مرض اخير وهو السالمونيلا ولكن هذه لها عدة امور تستكشف
كيفية التعرف على الإصابة بالسالمونيلا؟
بسبب إختلاف موقع الإصابة، تختلف الأشكال التي قد تظهر بها الإصابة بمرض السالمونيلا وذلك كما يلي:
أ . الإصابة المعوية: يكون البراز مخاطي القوام لزجاً ذا رائحة كريهة ويضعف جسم الطائر المصاب بوضوح.
ب . الإصابة المفصلية: تستقر بكتيريا السالمونيلا في المفاصل، فتجعلها تلتهب مما يسبب ألماً شديداً للطائر المصاب، ويتورم المفصل مما يضطر الطير لرفع أحد جناحيه أو رجليه ـ لتخفيف الألم..
ج. الإصابة العضوية: قد تتكاثر بكتيريا السالمونيلا في الكبد أو الكلى أو البنكرياس أو الطحال ـ مما يسبب خمولاً واضحاً في الجسم..
د. الإصابة العصبية: بعد إختراق السالمونيلا للدماغ ونخاع العظم تتعرض الخلايا العصبية لضغط رهيب، مما يؤدي لإختلال توازن الطائر المصاب ومن ثم حدوث الشلل والرعاش

اذا كل هالامور ماهيب عنده
و خلنا بالشي التالي
اللي على رجل الطير الصوره الثانيه مادة لزجه من الطير
ولا علاج ؟
شوف وانا اخوك اذا هو علاج مو مادة تستخرج من رجل الطير
ذا التهاب برجله والسبب المجثم اللي هو العصا اللي يوقف عليها الطير مجمعة وساخه الله يعزك
اكرر اذا اللي بالصوره مادة علاجيه
مو مادة يفرزها الطير
جيب مادة كحوليه طبيه تلاقيها بالبيطري
او اليود الخاص بالطيور
وتمسح رجل الطير بعنايه ثم تنشف تمام وتدهن بزيت زيتون
مرتين باليوم وباذن الله بيكون بخير يابعدي
وطمنا عليه

[ابوهتان55]

استاذي مشغل اهلا بك و الففف شكر لك

قصيت اظافر الطير وتعور يعني نزل دم

نعم قصيتها تابعت فلم باليوتوب بس اتوقع اني ماعرفت صح له وطلع دم وبعدين توقف ماطول

الإصابة بالسالمونيلا؟

الحمد لله ان شالله مافيه هالشي للحين الوضع كويس صح برازه اوقات وناد جدا يجي سايل مع نفس الطبيعي بس كثير يشرب ماء

اللي على رجل الطير الصوره الثانيه مادة لزجه من الطير
ولا علاج ؟


علاج كريم اللي صورته فوق

جيب مادة كحوليه طبيه تلاقيها بالبيطري
او اليود الخاص بالطيور

بدور عليها ادا عند صوره لها عشان ما اتوهق بشي اذا قصدك مسحات طبيه عندي من اولا ومسح على رجله

[ابوهتان55]

اللدغه ماتبان الا بضوء قوي لان لون رجله ماتساعد انك تكتشف اللدغة



لو لدغه ممكن يموت ما يقعد كل هالوقت ويارب يخليه لي لكن لو لدغه وش علاجهاا

[kuku]

اين صورة الكريم

Sent from my Lenovo K53a48 using 2zoo.com mobile app (http://r.tapatalk.com/byo?rid=87883)

[مشعل الشمري]

مراحب عزيزي
انزين يالغالي الحمدالله اجل
بس يوم قصيت ظفره نزف مكان الرجل المنتفخه ؟
ومن ناحية اللدغه او القرصه وانا اخوك
مو شرط يكون شي يقتل
في شي اسمه
فاش
هذه حيوانات صغيره ولدغتها ماتبان الا بنور قوي
تكون بريش الطير واليا كان في اوساخ
في قفص الطير تنطرب وتمرض الطير
خاصة اذا كان في جرح قديم للطير
تنقل الجراثيم والمكروبات وتسبب له الالتهابات
ولكن تفضل
ذا مطهر درجة اولى اسمه - بيتادين
للطيور
https://f.top4top.net/p_527pnt710.jpg (https://up.top4top.net/)

هذا مطهر رايق ويعجبني بطيوري
لاحسيت به جروح او تعقيم وخلافها
وفعاليته سريعه
وامسك ساق الطير الين فخذه وانا اخوك
واضغط بشويش شوفه يتالم ؟
اذا مايتالم الا مكان النفخ سهالات باذن الله
وحاول تكثر له الجزر لان الجزر الين ياكله الطير
جسم الببغاء يحول هالجزر الى فيتامينات
ناقصه يحتاجها الطير
وايضا انصحك تاخذله مضاد حيوي
اسمه
Marbovitryl 250 مضاد حيوي شامل لأمراض الببغاء
https://f.top4top.net/p_527m2ss50.jpg (https://up.top4top.net/)

وطريقة الاستخدام تحضر ابرة
وتسحب 3 ملي وتضعها بالماء وتغير الماء كل 24 ساعه
لمدة 5 ايام ثمن ماتعطيه الا بعد شهر
وطمنا عليه يابعدي

[ابوهتان55]

اين صورة الكريم

Sent from my Lenovo K53a48 using 2zoo.com mobile app (http://r.tapatalk.com/byo?rid=87883)

http://store6.up-00.com/2017-06/149713202725231.jpg

[ابوهتان55]

بس يوم قصيت ظفره نزف مكان الرجل المنتفخه ؟


والله نسيت للاسف لكن طلع من رجل واحده و الان مافي اي اثر اصلا محل الاظافر انه ينزف او في مشكله

وامسك ساق الطير الين فخذه وانا اخوك
واضغط بشويش شوفه يتالم ؟


جربت الحركه ما يتالم الا ادا ضغط على رجله من فوق وباقي الرجل سليمه بس مخوفني فيها شوي حراره

وايضا انصحك تاخذله مضاد حيوي
اسمه
Marbovitryl 250

الحين بطلع اخذ هالاشياء ويااارب تشفيه وربي املي يكون معي تعلقت فيه

[ابوهتان55]

مشعل الشمري اقسم بالله ما ادري كيف اشكرك

لكن حطيت هالرد خاص فيك

ربي ما يحرمك من شي تتمناه ويرزقك من حيث لا تحتسب
ويجبر بخاطرك مثل ما جبرت بخاطري وتابعت موضوعي

الف شكر لك و الف شكر للقايمين على هالموقع

[مشعل الشمري]

لا شكر على واجب عزيزي هتان
في خدمتك دوم يابعد راسي
ومهما قدمت قليل في حقك وحق طيرك يابعد حيي
ربي يسعدك ولايحرمك غالي ياخلفهم
وماعلى طيرك شر يالعزوه
وطمنا عليه
احترامي

[ابوهتان55]

Marbovitryl 2‎%‎
مالقيت 250 بكل الصيدليات
وقال نفس ذا وهو المنتدج الام المهم بجرب والله يكتب اللي فيه الخير

[ابوهتان55]

بخصوص الجزر مدري وش به يقضم ويرمي وقاعد احاول فيه

[مشعل الشمري]

كله ماشي لبى روحك المهم لاتكثر ثلاثة ملي
ومن ناحية الجزر هتان
طلع قطع صغيره قد حبة الذره وحطها بيديك واعطيه
لاتعطيه حجم كبير حاول تكون صغيره وانت اللي تلقمه
وحط على قطعة الجزر شوي عسل وانا اخوك
تستهويه بالطعم الحالي او حطها بسكر هالقطع واعطيه
وباذن الله مابتشوف الا اللي يسرك
ولاتنسى طهر مكان الانتفاخ
انت حبت المضاد بس باقيلك المطهر وبعد ماتعقم المكان
ادهن رجله بزيت زيتون

[ابوهتان55]

الله يشفيه

مازال نفس الحاله لي يوم مطهر واحط 1ملي بالماء من المضاد
وبحط زيت زيتون بعد والجز اعطيه يقضم ويرمي بحاول رحطها بعسل

شاكر ومقدر لك تعاونك يالغالي

[ابوهتان55]

الاخبار حول هالموضوع الان اليوم 5 تقريبا

نسبه التحسن 4‎%‎‎
احس بدا يقبض اصابع رجوله

استخدمت نفس طريقه النشمي مشعل ربي يجزاه كل خير

[ابوهتان55]

ما زال نفس الشي ومافي تحسن
يارب عفوك وعافيتك ووالله كسر قلبي
حد يعرف عيادات بجده او الطايف او مكه سعرها رخيص وكويسسسس
سااااعدوني