حسيتوا بالهزة الأرضية اللي صارت بالكويت؟؟؟

[Dominique]

ياجماعة اللي بالكويت

حسيتوا بالهزة الأرضية اللي صارت اليوم الفير ؟؟

احنا من مناطق العاصمة وحسينا فيها خفيفة

بس اللي بمناطق الاحمدي حسوا فيها اكثر

محد يدري شصاير ؟؟
.
.
.

[رعوود]

هزة ارضيه ؟


شالسالفة




قبل مده كنت بالبحرين وصارت هزة ارضية وحسينا فيها بوضوح


حتى الي كان واقف طاح



الي عنده خبر عن هالهزات يا ريت يقول لنا لو ممكن

[Dominique]

خبر عاجل

دازين لنا مسج ان الهزة كانت قوتها 6.3 وراح ترجع بعد ساعات قليلة:eek:

يالله سترك
.
.
.

[() 3bood ()]

من صجج رااح ترجع مراا ثانيه بعد :eek:

انا حسيت فيها و كانت خفيفه :(

الله يستر انشاله

[رعوود]

انزين سؤال الهزة بالكويت نفسها ؟


والا بايران


لانه ايران قريبه وتصير فيها زلازل


وممكن تاثيرها يوصل بعيد

[الهلال وو20ووبس]

الجزيرة قالت الخبر اجوكم بلغوني اذا انتهت عمي عايش بالكويت

[Lonely Hunter]

حسافه

كنت نايم و توني قاعد فما حسيت بشي :D



دازين لنا مسج ان الهزة كانت قوتها 6.3 وراح ترجع بعد ساعات قليلة:eek:

قويه

لو كانت صج جان كلنا حسينا فيها و اخترب اثاث البيت كله :p

[رعوود]

بليز الهزة صارت بالكويت نفسها والا بالخليج والا بايران


ضروري

[الهلال وو20ووبس]

السعودية ماجاها شي حسب الاخبار الكوي بس

[*القلب الصافي*]

دومنيك
قطو كويتي
عبدا الله
عندي حل لكم
جهزو شنطكم واشردووووووووووووووووووووووو
ههههههههههههه امزح
يمكن الخبر مو صحيح يا دومنيك
انا حاس انج تبين تروعينهم لوووووول امزح
ان شاء الله ما فيه الا الخير

[كويتية]

انا ماحسيت فيها بس مو اول مره الكويت يصير فيها هزه ارضيه

والله يستر لايصير عندنا زلزال

وهالشي صار علشان ربي يذكرنا ان القيامه قربت ولازم نسارع بالتوبه قبل لايغلق باب التوبه

أتمنى أن تهتز قلوبنا مع الهزه علشان نصحى من الغفله

اللهم أستر عوراتنا وآمن روعاتنا

[Dominique]

مادري رعوود

بس الظاهر ياتنا من ايران

لأن احنا بالعاصمة وحسينا فيها خفيفة

بس خالي حسوا بعمارتهم هزة قوية وخافوا حيل لأنهم بمنطقة على البحر





لونلي هنتر

لووووول

والله هذا المسج اللي دزوا لخالي وقالنا اول ماوصله

لو بعد اهوا قاريه بالمقلوب هذا شي ثاني:p

لكن الهزة كانت واضحة




كويتية

وانتي صاجة

الله يستر





عبدالله

اي والله قالوا بترجع بعد ساعات

عاد مادري صج ولا اشاعات


اتوقع ياية من صوب البحر
.
.
.

[kitten_Q8ia]

ويييي يعني بيصير تسونامي بالكويت ؟
لاااا لا تقولين دومنيك صروعتيني
انا ما حسيت فيها
و انا مواصله ما نمت
بس الله يستر

[مخاوية قطاو]

هاه..........:eek:
دومينيك...............من جدك انت.............
احلفي طيب............:rolleyes:
هزه ..هزه............ماغيرها..........اللي تجي في الأخبار..........<<<<<مااستوعبت الموضوع:D

...................الله يكون في عونكم...............

[() 3bood ()]

اليوم سألت السايق المصري الي عندنااا :o

و قال صارت ثلاث هزات بين فترات :(

و كانت الهزاات الاولى و الثانيه خفيفه بس الثالثه قويه :(

و كل النااس طالعين بالشارع :D

مــــنـــطــــقــــه خــــيـــطــــان :D

يعني السالفه صج مو أشاعات :rolleyes:

[تفاحه حمرا]

الله يستر يارب....:confused:

[ناصـر]

بكذا الكويــت

صارت طوكيو !!

هزات وزلازل


بس درجة رختـر اذا تعدى الزلزال عن 4 درجات
يكون تأثيــرة نسبياً قوي !!

كيف لو 6 درجات هذي تهدم مباني و و و !! :rolleyes:


مانقول لكم غيــر


في حمايـة الله : )

[البطريقه]

الاي فلة الهزات الأرضية الخفيفه

بس تكون خفيفة وماتسوي مشاكل روعة

[مخاوية قطاو]

يعني مب وحده من تنطيلات دومينك..........:rolleyes:
السالفه من جد.................................:eek:
والله اليوم خفيفه بكره قويه ...والله يستر بس.........:(

[رعوود]

الخبر صحي

لكن دومينيك شلتي قلبي من مكانه

الهزة قوتها

3,6

انتي عكستيها

[هاوي زرازير]

لا تخافون يأخوان الكويت ماتحوشها هزات قوية لأن مافيها تجاويف تحت الارض غير تجاويف النفط والمياه الجوفيه
لكن اذا فضت هذي التجاويف اي فرغت راح تصيبنا هزات بس مادري اذا قوية او ضعيفة والله اعلم <<<حافظ كلام العجيري :p
انتوا ماشفتوا اليابان سنويا تصيبهم هالهزات الله يكفينا الشر

تقبلي مروري,,

[Dominique]

لوووووووووووووووول مخاوية

اشايفتني :cool:

بذبحج:D

لا مو اشاعات



رعوود لووووول مو اقولكم الظاهر خالي من الخرعة قاري النسبة غلط :p



كيتين كويتية

الظاهر جذي :(

من عقب عمان شكلها دورنا:cool:



هاوي زرازير

صح كلامك

لكن لاتنسى ان المخزون النفطي والأبار مصادر غير متجددة

يعني بعد جم سنة يقولون ماكو نفظ ولا ماي :p

ولا فضت

بتخبق الارض:cool:

الله يستر بس



شكرا تثبيت الخبر بشاهد عيان عبدالله :D

.
.
.

[مخاوية قطاو]

ههههههههههههه<<<<<<راجعه تضحك :D
تنرفزتي اجل......زين.....:cool:

[Lonely Hunter]

للي يبي بعرف اكثر عن الزلازل

http://www.muhandes.net/All/Articlefol/Art58.htm

[كويتية]

جزاك الله خير عالرابط المفيد

[ThuGGY]

Kuwait Earthquake Data
Earthquake Signal

09/06
09/07
09/08
09/09
09/10
09/11
/
09/21 21:35:27 31.11N 51.21E 33.0 5.3Mb B NORTHERN IRAN (Near Kuwait)*****
09/22
09/23
/
12/27 04:10:40 27.90N 53.47E 33.0 4.9Mb B SOUTHERN IRAN (Kuwait E500km)*****