عـــما قـريـب بإذن الله ^___^

[Sugar]

السلام عليكم و رحمة الله و بركاته ،،


انا و اختي الكبيرة اتفقنا اننا نروح بكره بإذن الله نشتري قطوه ، مع ان امي مو موافقه ، لكن سألناها ليش ما تبغا قطوه ؟؟ ، قالت ما ابغا توسخ المواعين ( الأواني ) حقت المطبخ و لا ابغاها تناقز ( تقفز ) على الكنبات ، لكن انا و أختي وعدناها ان امي ما تشوف القطوه قدامها ابدا ، بحيث انو يوم في غرفتي و يوم في غرفة أختي ، و احيانا نطلعها عشان تلعب في الحوش ( الفناء الخارجي ) و لا تحت في قبو المنزل عشان هناك فيه غرفتين كبار ، وحده لأخواني التوأم ، و وحده ما احتاجوها أهلي فقلت انا باخذها ، و راح انزل معاها عشان تغير جو :D ، طبعا قالت امي ترا اذا دخلت المطبخ بضربها ..! ، قلنا لها لا تخافين ما راح تشوفينها ;)


بس هل راح يأثر عليها انها يوم عندي و يوم عند اختي و نغير جو احيانا معاها تحت ولا برا في الحوش؟؟

و إيش احسن نوع من القطط تنصحوني فيه؟؟ ، ابغا قطوة تحب تلعب و مملوحه مررره ، و تكون بنت طبعا ^_^

بس ترا انا عندي هامستر و بادجي ، يصلح اربيهم مع بعض؟؟

مع العلم ان البادجي ناويه ابيعه :( ، لأني ما نجحت في تربيته و تدريبه ،،


( ملاحظة : ترا مو أكيد 100% اني اجيبها لكن 85% ان شاء الله ، أدعولي الله يعافيكم)

[رعوود]

اختي sugar


حالتك زي حالتي


لكن انا جبتها القطوة ووعدت اهلي ما يشوفونها

وعندنا بالدور الثالث غرفة فاضيه قبل كانت للخدم الحين غيرنا غرفتهم وصارت فاضية

اخذتها

وحطيت كويني (قطوتي) فيها

وحمام موجود وفيه لها دولاب خاص بكامل اغراضها والحمدلله ما اشتو منها اهلي ولا شي بالعكس قامو يقولون لي نزلها عندنا شوي

وانا عالاقل كل ساعه او ساعتين اروح والعب معاها شوي

يعني انا انصحك تخلينه بالغرفة الي بالبدروم (القبو) ولما يبي احد يلعب معاها يروح للغرفة

بالنسبة للانواع اذا تبين لونج هير ولعوبة خذيلك انثى صغيرة ما سبق لها الولادة واسئليني عن الي عندي ما تجلس لو ما تلقى احد تلعب معاه تلعب مع نفسها <<<جنية

لوووووووووووولز

[Sugar]

رعوود ، ما شاء الله عليك ، بس أحس لو تكون عندي في غرفتي احلى من انها لوحدها ، بعدين لو خليتها لوحدها ما راح تتعود علي ، و بعدين ما اقدر اخليها في القبو بدون تهويه ( تكييف ) و لو شغلت لها المكييف راح يصرف لأنه راح يشتغل 24 ساعه يعني حرام يصرف فلوس قد كذا :( ،،

بالنسبه للنوعيه ، عندك صورة لها؟؟

و مشكووور اخوي و ما تقصر ،،

[Bruce]

يااااااااااااااااااااااارب اهلك يرضوووون

وحطيها في اي مكان عاجبك


وانا انصحك بالسيامي

[رعوود]

والله خيتو بالنسبة لي من دخلت البيت لما الحين ما اطفي مكيف غرفتها الا لما اكون بطلعها برا البيت تروح تقص اظافر تروح روازة <<حلوه زوارة لوووووووووولز لكن حاطه مروحة فقط مو تبريد

وحزة الظهر بالحر الشديد احط على تبريد منخفض


والقطوة متعودة علي حتى لما اطق باب الغرفة تجي وتوقف عنده
ولما ادخل توقف على رجولها الخلفيه وتحط الاماياة على رجولي
وتلاحقني



وطبعا انا زي ما قلت كل ساعه بالكثير ساعتين اصعد عندها فوق والعب معاها


اما النوعية انتي قبل ححدي الي تبينها وعندك موسوعة الوان القطط المثبتية


فيها النوعيات مفصلة وكل نوع موجوده منه الالوان طبعا بس الشعر الطويل القصير ما بعد نزلناه


ولما تحددين اجيبلك صور غير الموجوده بالموسوعة


بالنسبة لكويني نوعتيها هملايا مون فيس

[Sugar]

تسلم اخووي رعوود و الله انك تفيدني دايما ،،

bruce ، الله يسمع منك :o

[همستراويه]

انا من راي تاخذين شيرازيه بس انتي من و ين ؟؟؟

يمكن اقدر اساعدج و اي مدينه


سلام

[Sugar]

همستراويه ،، انا من الرياض ^_^

[[ twety ]]

:

يآرب امـك توافق :D ..

ترى انا نفس حالتك وحالة رعود واكثر بعد :D ..

امي ما تطيييق البسس ابدااان بس قلت لها انه ماراح تشوفها ابد ..

وخليتها في غرفه تحت في البيسمنت " القبو " :D وكل شوي انزل لها ..

وعلشانها صغيره وشكلها حيلوو الحمدلله امي حبتها وصارت تهتم فيها :D ..

وانا انصحك تاخذين صغيره علشان تاخذ قلبهم ;) ..

وربي يكتب لك الخير :$ ..

:

[القطة المشمشية]

أحلى و أفضل نوع الشيرازى

لكن لو عاوزة قطة تلعب كتير يبقى هاتى قطة بلدى

و حكاية تغيير الجو دى معتقدش أنها هتأثر عليها

[خيال القطط]

يااااااااااااااااااااااارب اهلك يرضوووون

وحطيها في اي مكان عاجبك


وانا انصحك بالسيامي



وأنا كمان أنصحك بالسيامي تراه لعوب

[love kitty]

مبرووووووووووووك

و يارب مامتك توافق و تحبها و تتركيها معك فى البيت

أنا نفس حالتك بابا مكنش راضى تماما ان قطة تدخل البيت

بس قلتله مش هتيجى المكان اللى انت فيه

و هاجبها خلاص بس مستنيه تتفطم

و ربنا معاكِ

[قطوه الامارات]

هههههههههههههه
حتى انا قصتي نفس قصتج
ههههههههه