سؤال ابي الرد سرييع الطير مريض

[أم حبوب]

السلام عليكم
اخواني الببغاء مريض عنده مرض السامونيلا واعطيته علاج الباي تريل تركيز 5 العلاج ريحته قوية و لاحظت الطير صار خامل شوي هل هذا طبيعي ؟
ارجو منكم الرد سريع بارك الله فيكم

[eaglesa38]

عليكم السلام
اختي اذا المرض تمكن في الطير وضع العلاج بالماء لن يفيده
الافضل اعطاء الطير العلاج بالفم
الكبسولات البنفسجية او البرتقالية تنفع في امراض الجهاز الهظمي
وطريقة اعطاء الطير العلاج التي استخدمها هي
وجود ابرة مقاس خمسة سم
وتفريغ محتوى الكبسولة بالابرة بسحب الجزء الداخلي وإخراجه لوضع المحلول داخل الابرة
سحب ماء بمقدار ظ، سم
سحب الابرة الى الاخير ليكون ظ، سم ماء وظ¤ سم هواء
رجي الابرة جيدا حتى يذوب المحلول
نقطي بفم الطير شوي شوي حتى يشرب كل المحلول
استمري بالعلاج من خمسة الى عشرة ايام
يجب ان تعطي الطير اكل بالغر لا تهملينه لانه يفقد نصف وزنه في ثلاثة ايام

تحياتي
ابورصا

[أم حبوب]

الله يعطيك العافية اخوي

عطني اسم العلاج اللي على شكل كبسولات

وبالنسبة للاكل و ش اعطيه بالابرة ؟

ينفع اعطيه شوفان اخلطه مع الماء ؟

[eaglesa38]

روحي للبيطري واطلبي كبسولات بنفسجية وهو بيعطيك
الاكل سوي له خلطة من الذرة الصفراء وممكن اضافة الشوفان اخفقيها بالخلاط حتى تصير ناعمه ومتماسكة بعض الشيء باضافة ماء
وغريه ثلاث الى اربع مرات باليوم
حتى تتحسن صحته ويبدأ ياكل بروحه
ادخلي على هذا الرابط فيه العلاج واسمه وصورته ووصف للعلاج والامراض الي يعالجها
https://www.pigeonsproducts.com/ampicillin-t-100-capsules-by-chevita-85?category_id=

[أم حبوب]

مشكور الله يعطيك العافية ويوفقك

[أم حبوب]

الحين باقي يوم واوقف منه علاج الباي تريل ..العلاج هذا كثر ما يمدحون فيه ما شفت منه اي فايدة في شفاءه

وراح اريحه مدة ثلاثة ايام وبعطيه الكبسولات اللي قلت عليها
وان شاءالله تجيب معاه نتيجة ويتحسن .. لان هذا الطير غالي علي ولا ابي افقده

[eaglesa38]

تمنيت انك توقفين العلاج الاول وعطيتيه الكبسولات
اختصار للوقت
الله يشافيه ويعافيه

[أم حبوب]

العلاج وقفته وبريحه كم يوم وببدا بالكبسولات

[sunny_irn]

فيه واحد عاليوتيوب اسمه مطوع المطوع كان عنده ببغاء معه مرض السالمونيلا وعالجه، وحط طريقة العلاج عاليوتيوب
https://youtu.be/9wCcraqGQIc
هذه المرحلة الأولى فيه فيديوهات ثانية بعدها

Sent from my SM-N950F using 2zoo mobile app (http://r.tapatalk.com/byo?rid=87883)

[أم حبوب]

شفت الفيديو الله يعطيك العافية

انا شريت الكبسولات اللي نصحني فيها اخوي eaglesa38
وببدا بكرة بعلاجه .. بس عندي سؤال

اثناء فترة العلاج هل اقدر اعطي الطير ذرة مسلوقة ؟
او فقط الحب المشكل ...

[eaglesa38]

فترة مرض الطيور عادتا يقل اكلهم
الغر وسيلة لاشباع الطير ولا يضعف
عطيه اي شيء تحسينه مفيد للطير ويتقبله
الله يوفقك ويشافي طيرك

[فيوزي]

عدم خلط العلاج فالماء دام الطير متوقف عن الاكل

يفضل خلط العلاج في محلول الجفاف ينباع في الصيدليات البشريه اسمه ( بيبي لايت)بدون نكهه

تغديه جسم الطير من الجفاف ودعمه بالعلاج

والله يشفي طيرك 🌸

[أم حبوب]

الطير حالته احسن الان

لكن فيه مشكلة ما يقدر يتكلم

يطلع صوت غريب ومنخفض كانه مخنوق

وماعنده اي التهابات بالحلق او زكمة

[أم حبوب]

الحين بديت اعطيه فيتامينات امينو فيت بودرة نص ملعقة صغيرة مع محلول الجفاف ...

[eaglesa38]

مبروك شفاء الطير
الطيور التي تمر بفترة مرض تتوقف عن الكلام مؤقتا
وسيعود يتكلم مثل قبل
اصبري عليه
اهم شيء شفاءه وهذا تم ولله الحمد
بالتوفيق اختي

[أم حبوب]

الله يبارك فيك وما قصرت في مساعدتي

ولا هنتوا ابيكم تعطوني جدول نظام غذائي متكامل ومتوازن علشان صحة الطير ضعيف

يعني وش اعطيه يوميا

[eaglesa38]

اختي بالنسبة للطيور اذا مرضت تفقد خلال خمسة ايام نصف وزنها
ولاستعادة الطير الى وضعه قبل المرض تحتاجين الى شهور
تصل الى ثلاثة شهر
اما عن ايش تعطينه اكل يبني جسمه من جديد فهذا يعود الى الطير وتقبله الاكلات الي ما اكلها سابقا
بعض الطيور اصحابها عودوها على الحب الشمسي فقط
والبعض يعطي طيره فواكه وخضروات
وطيرك اذا ما تقبل الخضروات والفواكه لا تجبرينه او تمنعين عنه الاكل الي يحبه لتجبرينه على الاكل الجديد لانه بيضعف اكثر
انتي حاولي تعطينه ذرة صفراء المثلجة الي تجي في اكياس
وعطيه تفاح وجزر وخيار وتمر وبرتقال عنب
عطيه بطاطس مسلوق والفول السوداني الي هو السبال حبتين باليوم فقط
عطيه رز مسلوق بدون ملح ولا زيوت
=========
الاشياء المحظورة على الطير وعدم اطعامه بها
البطاطس الشبس لانها تحتوي على دهون عالية
المنبهات مثل الشاي والقهوة والغازيات

[أم حبوب]

اخوي انا اعطيه ذرة معلبة بعد غسلها ..تنفع ؟
لاني جبت له ذرة مثلجة وما تقبلها ..

وشفت جدول في احد المواضيع ابيك تشوفه اذا هو تمام ومفيد للببغاء او لا

http://www3.0zz0.com/2012/12/12/18/939993166.jpg

[eaglesa38]

عادي تعطينه الذرة المعلبة خصوصا انه يحبها حسب كلامك
بالنسبة للجدول ممكن اتباعه
وكل الطيور حسب التعود
اوقات طيورنا نعودها على نظام معين وانواع من الاكل
التغيير لا يكون للطيور المريضة لانها ربما لن تتقبل التغيير وستضعف زيادة
من الواجب على كل مربي ان يعود طيره على جميع انواع الاكل الصحية

[أم حبوب]

شكرا لك بارك الله فيك

[eaglesa38]

شكرا لك بارك الله فيك
العفو اختي هذا واجبنا