سؤال مهم في انواع الكلاب

[hamada_52]

السلام عليكم
عندي سؤال ولكن محرج من كتر الاسئلة التي اسألها :o :o :o
كنت عايز اعرف مميزات وعيوب كل من الدموار(جريدان) و الولف البلجيكي (هكذا يلقب عندنا في مصر ولا اعرف اسمه خارج مصر) و ايهما احسن مع العلم ان الغرض الاول له هو الحراسة؟
و شكرا و جزاكم الله خير :D ;)

[dahy]

بص يا حماده باشا انا مش خبير قوي في الكلاب بس ده راي
الجريد دان او زي ما بنسميه في مصر الدنوا مش الدموا كلب زينه اصلا مش كلب حراسه بس هو ميزته شكله وحجمه الضخم اللي يخوفو وهو كلب صيد وبيمتاز بسرعته
اما الولف البلجيكي فهو كلب حراسه في الاساس وسهل التعامل معاه لاني بيتهيقلي انك مالكش خبره كبيره في الكلاب هيبقي ده اسهل بالنسبه لك في التدريب والكلب ده ازكي من الدنوا وسعره كمان اقل من سعر الدنوا
انا عن نفسي عندي واحد بلجيكي فيمكن علشان كدا تلاقيني منحاز شويه للبلجيكي بس هوه ده اللي انا اعرفه والله اعلم (:

[ashrafamir]

انا معاك يا اخ داحي في ردك ان الكلب الولف زي مابيقولو علية و اللي هو في الاصل الجيرمن شيبرد احسن من الدنواة في حاجات كتيير لكن انا مختلف معاك انك بتقول ان الجريد دان كلب زينة.... زينة مين ياراجل دة كلب فظيع مش زينة ابدا سيبك من شكلة او سرعتة هو كلب متوحش جدا و شرس بطبعة لكن مظنش انة زينة
بس عموما بالنسبة للاخ حمادة احسنلك كتيير تجيب الجيرنم شيبرد او الولف زي مابتقول علية
وانا منتظر ردود باقي كبار الاعضاء هما اللي يفيدوك اكتر
واللة اعلم

[dahy]

شكرا للتوضيح اخ اشرف
بس انا احب اوضح بعض النقاط اولا انا اسمي داهي مش داحي(:
ثانيا انا كنت قريت قبل كدا معلومات عن الجريت دان بس مش متاكد من صحتها لانها كانت مشاركه لاحد اعضاء احد المنتديات
انا الكلب الجريد دان وده اختصار للجريد دنيمارك اي الدنمركي العظيم
ان الكلب ده اول من قام بتربيته هم ملوك الدنمارك وكان مقتصر تربيته علي القصور الملكيه لشكله الملكوي وكان الهدف الاول من تربيته هو المنظره امام الملوك الاخرين لعظمة وقوة وضخامة شكله
وكانو يستخدموه في رحلات الصيد
والله اعلم

[ashrafamir]

اولا متاسف علي غلطي في الاسم بس علي فكرة انا كنت كاتب داهي بس عدلت المشاركة كلها علشان اكتب داحي ههههه مش مشكلة عدهالنا المرة دية :
وبخصوص معلومة الجيرت دان دية انا اول مرة اسمعها منك
اول من قام بتربيته هم ملوك الدنمارك وكان مقتصر تربيته علي القصور الملكيه لشكله الملكوي وكان الهدف الاول من تربيته هو المنظره امام الملوك الاخرين لعظمة وقوة وضخامة شكله
وكانو يستخدموه في رحلات الصيد
بس اللي انا شفتة بعيني ان كان صحابي كتيير مدربين الدنواة دة عندهم و دة الكلب الوحد اللي شفتة بيهجم علي حمار .... و فعلا الحمار وقع علي الارض و كان هيموت فمن ساعتها محالولتش اساسا اني اربي دنواة مع انهم كانو مربينة عادي مش شراسة اوي لان صاحبة كان ابوة شغال في الشرطة العسكرية فكان بيودية هناك فتدريبة علي الشراسة كان تدريب عادي
و اللة اعلم برضة

[hamada_52]

شكرا جزيلا على المعلومات دة و انا بانتظار رد المشرفين

[dahy]

انا عارف ان الدنواه بيتشرس وانه لما بيتشرس بيبقي من اخطر الكلاب لكبر حجمه بس برده الكلب ده لو اديت الشراسه اللي اديتهاله لكلب ولف او كلب روت فايلر هاتعرف اه الفرق في ان الكلب ده كلب زينه ولا لأ وانا شوفت قدام عنيا قبل كدا كلب دنواه نتايه اتخانقت مع نتايه جيرمن شيبرد بسبب احد الذكور صدقني الدنواه زعل قوي قوي...
وبرده الكلب ده انا باكد انه افضل كلب يبث الرعب في قلب اللي قدامه لضخامة حجمه

[Dodlord]

السلام عليكم في معلومة حبيت اصححه كلب الراعي البجيكي غير كلب الراعي الألماني والفرق بينهم كبير وواضح ويا أخ داهي شوف الكلب المناسب ليك كلاب الجيرمان و البلجيم شيبرد كلاب مناسبة لجميع الأشخاص فهما كلبا حراسه أو منزل ويطلق عليهما كلاب العملworking لأنهما يحبان النشاط والعمل أما الجريت دان شكله ملكي وفاخر صحيح لكن لا أعتقد انه عنده نفس النشاط الي عند كلاب الرعي.

[hamada_52]

كم سعر الكلاب البلجيكية في مصر؟؟؟

[dahy]

سعر البلجيكي في مصر بتوقف علي سنه ومواصفاته
ولكن الجرو الجيد يبداء سعره من 300 جنيه مصري ومن الممكن ان تجد بسعر اقل من ذلك ولكن ده بيتوقف علي مواصفات الجراء لكن الجرو الجيد سعره في تلك الحدود وقابله للزياده

[hamada_52]

ما هو المكان المناسب لشرائة بالعلم اني في الاسكندرية؟

[ashrafamir]

انت عارف بيتباعو فين يا داهي اصل انا عايز اشتري كام جيرمن شيبرد كدة
لوتعرف مكان كويس بيبيع كلاب تقليبها حلو وسعرها حلو ياريت تقلي

[mamtiny]

معلش يا جماعة عاوز اسأل سوأل

ايهما افضل من حيث الحراسة و القوة ( البلاك جاك الالمانى ) ام ( الجيرمند )

انا ياجماعة احترت كل اما اسأل واحد يجاوبنى اجابة مختلفة عن التانى تماماً
ياريت تجوبونى بسرعة