الكاسكو الرمادي للجميع

[zeero]

السلام عليكم ورحمة الله وبركاته
اخواني اعضاء المنتدى والخبراء
انا شريت كاسكو واشك في عمره لانه يقول صاحب المحل الي شاري منه الكاسكو عمر الكاسكو هو من 8 اشهر الى سنه
وانا اتوقع اكبر من كذا اتوقع فوق السنتين

وعندي كم سؤال طريقة تقريض اظافر الكاسكو اشلون لانا شالخني
الحين لو اشرب ماء اتشوفون ايدي اتخر ماء
في كل مكان خرم في ايدي كل هذا علشان اعلمه اشلون يصعد على الايد
بس يتعلم يتعلم بطيب بالقوه راح يتعلم بس ان شاء الله راح يكون في الطيب
وانا حاليا ادربه بطريقة العصاتين
بعد ما يتعب الكاسكو من التدريب والهواش معاي طبعا اطلع انا في اصابات خطيره
ونزيف حاد من الاظافر طبعا عض خفيف مقدور عليه
لما اجي اعطيه مكافأه اتحصلونه امطنقر علينا وزعلان ورافع خشمه ولا ياكل ياخذ الاكل ويحذفه
هذا وانا مفروض ازعل عليه عموما يمون كاسكو
الشاهد الطير ما صار له عندي تقريبا اسبوع
والعمر بينا ان شاء الله اذا ربي احياني واحياه

هذي صورة العين يا ليت اعرف كم عمره تقريبا لانا صاحب المحل يقول 8 اشهر الى سنه بس انا شاك في كلامه
بعد ان قريت كثير من المواضيع الي تتكلم عن العمر
http://www.up4vip.com/up/uploads/3349db6cf4.jpg (http://www.up4vip.com/up)


وهذي صوره ثانيه للعين
http://www.up4vip.com/up/uploads/8a431f853f.jpg (http://www.up4vip.com/up)


وهذي صورة كاسكو طبعا والعلاقه في تحسن وامخليني امسح على صدره
طبعا في الحيله اقدر امسح على ظهره وراسه بس بعدين يحط رجله في الزاويه
عموما انا اقدر امسح عليه
http://www.up4vip.com/up/uploads/8ee58ae7d2.jpg (http://www.up4vip.com/up)


وهذي صورة كاسكو وانا امعلمه اشلون يسلم
http://www.up4vip.com/up/uploads/561810b5dc.jpg (http://www.up4vip.com/up)


وطبعا هذي مكافأه
حب دوار الشمس المفضل له والي بعد ما ياكل غيره
http://www.up4vip.com/up/uploads/793236c9f0.jpg (http://www.up4vip.com/up)



في الاخير قولوا ما شاء الله
واذكروا الله
وادعولنا علشان تستمر العلاقه في تحسن

[الامبرااطور]

ما شاء الله

الله يباركلك فيه


تحياتي,,


الامبرااطور

[zeero]

مشكور اخوي الامبراطور
على الرد

[راعي الكاسيكو]

مشاالله...الله يخليه لك انشالله و تشوف من كل طيب...
تـ ـحـ ـيـاتـ ـي. . . . .

[Bruce]

ماشالله

الله يخليه لك

[qataria]

ماشالله عليه تبارك الرحمن

الله يحفظه ويتربى في عزك ان شالله
ههههههههههههههههههههههههههههههههههههههههه ذكرتني في طيري صاير ابليس هالايام

ينزل من على الاستاند بدون ماحد يدري واذا التفت عليه يسووي نفسه ان هو طايح ويركب فوق مره ثانيه

واذا صديت عنه يروح صوب الجريدة ويمزعهم ويرجع الاستاند ولا كأنه مسوي شي


واذا يسلم علي يمد لي رجله على ورا O_o خخخخخخخخخ


هههههههههههه الله يحفظه ياربي

شكرا على الصور امتعتنا والله =)

[german shepherd]

مشكور الله يخليك لك

[very smart]

ماشاء الله والله يحفظه لك يارب
وحسب خبرتي المتواظعه ان عمره من سنه ونص الى سنتين لانه لو كان عمره من سنه الى سنه وثلاث اشهر راح تكون عينه بيضاء مو صفراء والصفار بيزداد من فوق السنه ونص

[zeero]

الله يجزاكم خير

ومشكوورين على الردود الجميله

وبخصوص very smart كلامك صحيح هذا الي انا اتوقعه هو اللون اصفر معاه ابيض يعني اتحس انه متحول الى الاصفر قريب والله اعلم

[kh200063]

ماشاء الله تبارك الله
الله يخلية لك
وعقبال تسمعه يتكلم وينادي باسمك انشاء الله

[zeero]

آمين الله يجزاك خير

[ولد الجسمي]

الله يخلي ليك

[zeero]

الله يجزاك خير ولد الجسمي

[الجااارح]

أخونا العزيز / zeero

وعليكم السلام ورحمة الله وبركاته ،،،،،


أولا ما شاء الله تبارك الله لاقوة الا بالله ....
ثانيا : ألف ألف مبروووووووك عليك الطائر وتستاهل أكثر بعد ..

قبل ما أبدى كلامي أعاد الله يكون في عونك وإنشاء الله إنك من هواة القرائة لأني راح أكتب لك كل شيء بالتفصيل الممل ....:p

نقول بسم الله بدينا :

انا شريت كاسكو واشك في عمره لانه يقول صاحب المحل الي شاري منه الكاسكو عمر الكاسكو هو من 8 اشهر الى سنه
وانا اتوقع اكبر من كذا اتوقع فوق السنتين



معذرتاً أخي الكريم صدقني ما مميزة الصورة لأن التصوير ماهو واضح بذلك الوضوح لكن في موضوع مثبت عن معرفة عمر الطائر راجعه وشوف بس راح اعطيك على السريع أن الببغاء إذا كانت عيونه رمادية فاتحه فإنشاء الله الرجال ما كذب عليك وإن كانت صفراء فهو كبير أكبر من العمر اللي ذكره لك ....


وعندي كم سؤال طريقة تقريض اظافر الكاسكو اشلون لانا شالخني

بالنسبة لطريقة قص الأظافر فأنا أنصحك بزيارة أقرب محل للببغاوات يقص لك أظافره لأن البداية وعدم الخبرة في قص اظافره راح تجيب لك مشكله كبيرة أنت في غنى عنها تام والمشكله هذ هي يمكن تقص عن الحد المسموح فيه وتسبب جرح للطير وبعدها تشوف النزيف اللي انت في غنى عنه عشان كذا اقول لك روح وديه عند واحد يعرف للشغله هذ ومتكن لها صح ولو انت من سكان الرياض راح ارسلك عند واحد ما شاء الله عليه بس اعاد انت عطني خبر وبس ...

الحين لو اشرب ماء اتشوفون ايدي اتخر ماء

ههههههههههههههه :D:D:Dالله والله يا صاحبي اما الكلمة ذي بس هههههههه:D:D لا تعليق عليها الا بس الضحك هههههههههه :D


علشان اعلمه اشلون يصعد على الايد
بس يتعلم يتعلم بطيب بالقوه راح يتعلم بس ان شاء الله راح يكون في الطيب
وانا حاليا ادربه بطريقة العصاتين



لا يا غالي اما طريقة القوة والعباطة هذ خلها على جنب وانا انصحك بالهداااوة حتى ولو كان بعد مدة طووويلة فنتيجتها أضمن وأفضل بمية مرة لا تستعجل ...
وعلى فكرة من واقع كلامك أنا شايف طيرك ما شاء الله تبارك لله عليه ما يحتاج له عباطه أبد وووالف ما شاء الله وترى هي كلها كم يوم وتشوف كيف يطلع على كتفك مو بس يدك بس لا تستعجل ...

وأقول لك على شيء خله في بالك لسى الطير ما شاء الله جديد عندك وكثر الله خيره يتجاوب معاك بهذا الطريقة اللي في الصور تمسح على صدره وهذا شيء نادر حدوثه لكن اصبر عليه كم اسبوع واقول لك خلها اسبوعين بس وتشوف كيف يكون الطير ماشي معاك زي الحلاوة ...


وبالنسبة لطريقة العصا

كل انسان له طريقة وانت حاول بالعصا ما جابت لك نتيجة في غيرها اكثر من حل بس بما انت اخترت العصا استمر عليها ولكن خلها بطريقة أكثر هداوة وأكثر عاطفية ( لا تفجعه:eek: ) :D


طبعا والعلاقه في تحسن وامخليني امسح على صدره
طبعا في الحيله اقدر امسح على ظهره وراسه بس بعدين يحط رجله في الزاويه
عموما انا اقدر امسح عليه



والظاهر كلامك هذا خير برهان على كلامي ماشاء الله ;)

نهاية الكلام :

يا صاحبي طيرك ما شاء الله عليه ما به كلام ابد بس انت خله معاك اسبوعين وانت خل عنك شغل العباطه بس وانشاء الله راح تشوفه خير خوي واتذكر كلامي


وأخيراً :
الله يبارك لك فيه ويمتعك فيه ويطول بعمرك وبعمره وياربي يقوي علاقتك معاه اكثر واكثر ....


مع تمنياتي لك بالتوفيق وآسف على طول الكلام


تقبل مروري الطوووويل

[ببغاء اخضر]

ماشالله عليه جميل جدا
الله يخليه لك

[zeero]

مشكوورين على الردود اخواني
========
اخوي الجاارح بيض الله وجهك على الرد
الطير عينه لونها اصفر بقوه معناته كبير في العمر ورجعت لصاحب المحل وقلت الاتفاق على طير صغير في العمر وهذا الطير عمره اكثر من سنتين الرجال وجها قام يقط الوان

وتأسف حاول يلف ويدور ويوم حكرته في الزاويه قال خلاص عندي لك فرخ محجل وفرق في السعر شي بسيط وهذي المره عييين رصاصيه اكيييد 100% يعني ما في اصفرار اللون رمادي والحمد لله

الطير الي كان عندي الي يعونه صفره والله انه زين ومتجاوب بشكل ممتاز لاكن انا ذبحني العمر

المهم خذيت واحد ثاني صغير في العمر
ولله الحمد نفس الشي خلاني امسح على صدره وللحين ما عضني
الظاهر ايدي امباركه

:)

الجاارح انا ما احاول اعصب على الكاسكو ولا راح اخليه منهج لي في تدريب الكاسكو وكلامك على عيني وعلى راسي وكلامك ممتاز جدا وان شاء الله راح امشي عليه مع الكاسكو الجديد

ومشكور وبيض الله وجهك مره ثانيه

[الهايم]

ماشالله عليه تبارك الرحمن الله يخليه لك .
الله يحفظه ياربي ..

[مشاكس]

عل البركة الببغاء الجديد

والله يباركلك فيه

ويتربى بعزك يالغالي

تحياتي
مشاكس

[الأفريقي]

الله يحفظه انشااء الله ...

[mmc260]

ما شأ الله تبارك الله
الله يحفظه ويخليه ليك

أخي العزيز طائرك جداً جميل



تحياتي