طرق التخاطب تحت الماء ! !

[كويتية]

بسم الله الرحمن الرحيم

السلام عليكم ورحمة الله وبركاته

مساكم الله بالخير ، ، ،

ينتقل الصوت تحت الماء بسرعة تبلغ ( أربعة أضعاف ) سرعة انتقاله في الهواء


ورغم أن الصوت ينتقل بهذه الصورة الجيدة في الماء إلا أن التخاطب تحت الماء مستحيل لأن حبالنا الصوتية لا تعمل في وسط مائي . . ولهذا فإن هنالك طرق أخرى غير شفهية للتخاطب !



ما هي هذه الطرق ؟

إنها الإشارات اليدوية الدولية للغوص

وأضع بين يديك جهداً مشكوراً وجدته بأحد المنتديات حوى هذه الإشارات التي يجب أن يعرفها الغواص

http://www.arab7.com/up/file/1188938914320.jpg


لــكـــن مـــهـــلاً ! !



قبل أن تستطيع التخاطب مع غواص آخر بهذه الإشارات يجب أولاً لفت انتباهه ! ! ؟ ولكن كيف يمكنك لفت انتباه زميلك الغواص ؟

هناك عدة طرق للفت الانتباه . . منها :



1 . المس زميلك برفق .

2 . أطرق على اسطوانتك بسكينك أو بأي جسم صلب آخر .


3 . استخدم أداة جذب الانتباه الموجودة لدى محلات الغوص . . وهي عبارة عن ماسورة اسطوانية صغيرة بداخلها قطع حديدة تحدث (( خرخشة )) عند خضّها .



أو استخدم أي طريقة أخرى ترى أنها تقوم بالغرض .



أخيراً . . أتمنى لك رحلات بحرية . . وبرية :


7

7

7http://www.arab7.com/up/file/1188939478835.jpg


( لكي تعرف معنى إشارة الغواص في الصورة . . راجع جدول الإشارات اليدوية السابق) :)

[بـنـت الكـويـت]

اولـ شي يشرفنيـ انـ اكونـ منـ اولـ منـ يرد على هذا الموضوعـ الرااااااائعـ
و مشكورهـ اختيـ ،، كويتيه ،، على هذا الموضوعـ الرااااائعـ
و اللهـ يعطيجـ الفـ الفـ الفـ الفـ عااااااافيهـ
و تقبليـ مروريـ

[كويتية]

حياج الله يشرفني مرورج بصفحتي والحمد لله ان الموضوع حاز على اعجابج

بالنسبه لهواية الغوص مايبيلها شي أنا تعلمتها قبل سنتين وبروحي بالبدايه صعبه شوي بس اذا انتي حابه تتعلمين راح يصير سهل واذا جربتيه ماراح تملين منه الغوص ممتع تحسين كأنج سمكه تحت الماي بس عقب ماتطلعين تحسين بألم بكل عضلات جسمج من ضغط الماي على الجسم

أسعدني مرورج :)

[بـنـت الكـويـت]

كويتيه ،، انا دخلتـ دورهـ اتعلمـ غووووصـ :)
بسـ ثالثـ يومـ طلعونيـ منـ الدورهـ :o
لانهـ وااااااايد اتمصخر بالحوووضـ و اللعبـ :D
فماا قبلونيـ اروحـ معااااهمـ اغوووصـ بالبحر :(
كنتـ معهـ عضو اهوااا معانا بالمنتدى
بسـ خلوووهـ يغوووصـ ،، بكبر ،، و قاروه ،، و انا لا :(

[() 3bood ()]

اخـــــــــــ كويتيه ــــــــتي
اشكرج جزيل الشكر على هذا الموضوع الرااااااااااااااااائع
والله يعطيج الف عااااااااااافيه
و تقبلي مروري

و يا ،، بنوته ،، الله يساااامحج طلعتي فضاااااايح الدوره كلهاا :D
بس مااااااشي :(

[كويتية]

لوووووووووووووول أحلى بنوته ماتنفعين كلش :) انزين ليش طلعوج من الدوره جان صبروا عليج شوي يمكن يبيلج مده أطول على ما اتعلمين

شوفي يالغاليه أنتي عندي لج نصيحه مجربه خلي عنج الدورات أنا تعلمت الغوص على طريقة جدي الله يرحمه

تعرفين غوص الاولين من غير أسطوانة أكسجين ولا شي بس فطام ويعلق برقبته سله ويطب بالبحر الله يسلمج هذي طريقتي بالغوص بس يبيلها تتعلمين شلون تتحكمين بحبس الهوا بالرئه أول أيام دقيقه وتطلعين من الماي بس عقب بتتعودين وبتطولين تحت الماي

بس ها اذا حسيتي بظلال فوقج فهذا دليل على شيين لا ثالث لهما

أما تكون لخمه فوقج والنتيجه معروفه :(

أو تكون ذيبه فوقج واللي اهيا زوجة القرش والنهاية بتكون نفس نهاية فيلم بس يابحر :rolleyes:

يسلمو عالمرور يالشيخه نورتي صفحتي

[كويتية]

حياك الله عبدالله

عيل طلعت غواص ! خوش عيل حطلنا مواضيع عن الغوص وعن الشعب المرجانيه نبي نشوف تجربتك يا قبطان المحيطات

[abd55]

يعطيك العافيه مشكور على الموضوع

وننتظر منك المزيد

تحياااتي:cool:

[كويتية]

الله يعافيك لاهنت عالمرور شكرا لك

[() 3bood ()]

حياك الله عبدالله

عيل طلعت غواص ! خوش عيل حطلنا مواضيع عن الغوص وعن الشعب المرجانيه نبي نشوف تجربتك يا قبطان المحيطات[/CENTER

[CENTER]انشاله يا ،، كويتيه ،، تشوفون مواضيع عن المرجاان :)
بس انا ودي اصور ،، تصوير تحت الماااي ،، صور تطلع خياليه :rolleyes:
و مشكوره ثاني مره على هذا الموضوع :)

[بـنـت الكـويـت]

لوووووووووووووول أحلى بنوته ماتنفعين كلش :) انزين ليش طلعوج من الدوره جان صبروا عليج شوي يمكن يبيلج مده أطول على ما اتعلمين

شوفي يالغاليه أنتي عندي لج نصيحه مجربه خلي عنج الدورات أنا تعلمت الغوص على طريقة جدي الله يرحمه

تعرفين غوص الاولين من غير أسطوانة أكسجين ولا شي بس فطام ويعلق برقبته سله ويطب بالبحر الله يسلمج هذي طريقتي بالغوص بس يبيلها تتعلمين شلون تتحكمين بحبس الهوا بالرئه أول أيام دقيقه وتطلعين من الماي بس عقب بتتعودين وبتطولين تحت الماي

بس ها اذا حسيتي بظلال فوقج فهذا دليل على شيين لا ثالث لهما

أما تكون لخمه فوقج والنتيجه معروفه :(

أو تكون ذيبه فوقج واللي اهيا زوجة القرش والنهاية بتكون نفس نهاية فيلم بس يابحر :rolleyes:

يسلمو عالمرور يالشيخه نورتي صفحتي

[CENTER]هههه طلعت حق المدرت قروووون تقولين يصبر :D
خليتاا يكره شي اسماا تدرييب :D
و مسكين عبدالله ماا قصر معه المدرب :)
يسوي نفساا مؤدب بالمنتدى :D

[كويتية]

عبد الله

بانتظار الموضوع واتوقع انه بيكون موضوع مميز

_________

بنت الكويت

الغوص يبيله صبر والظاهر مدربكم مافيه صبر