المساعد الشخصي الرقمي

مشاهدة النسخة كاملة : ساعدوني

كويتية
09-09-2007, 01:25 AM
السلام عليكم ورحمة الله وبركاته

اليوم جتني هدية كتكوتين صغار بس ماني عارفه شلون اتصرف معاهم شنو اوكلهم انا حاطه لهم عيش حب يصير ياكلونه ؟
وبعدين مزعجين يوصوصون قلت يمكن عطشانين او بردانين من التكييف

عادي يوصوصون والا معناته فيهم شي؟

انزين شنو اوكلهم؟ امي تقول راح يموتون حتى لو اعتنيت فيهم لانهم مصبوغين والمصبوغ يموت !

ياليت احد يساعدني واكون شاكره له
zajeel2005
09-09-2007, 08:49 AM
بسم الله نبدأ - الكتاكيت الصغيرة لا تتحمل برودة المكيف لذا يجب عليك تدفئتها وأفضل شي للتدفئة هو تعليق لمبة وتكون على ارتفاع 30سم تقريبا من الارض وتكون معلقة أما داخل صندوق خشبي كبير ( مع مراعاة عدم احتكاك أو قرب اللمبة لجدار الصندوق كأحتياط أمني ) ,, أو داخل حاجز خشبي او معدني ارتفاع جداره 40 سم وتوضع الكتاكيت تحت اللمبة ,, وبالنسبة للاكل حاولي ماتوكلينهم حبوب صلبة لانهم صغار وأفضل اكل لهم الرز المطبوخ بعد غسله بماء دافي لتخليصه من الدهون وباذن الله يعيشون وبالتوفيق
بو عفره
09-09-2007, 03:10 PM
مرحبا اختي


اهم شي تبعدينهم عن المكيف والحين في الصيف الجو جدا حار حطيهم ماكن ظله داخل البيت واكليهم رز مطبوخ او كبسولات خاصه بالصفاصيف
كويتية
09-09-2007, 11:27 PM
زاجل 2005

مشكور ماقصرت وان شاء الله بسوي بنصيحتك شاكره لك اهتمامك وردك

____________

بوعفره

ان شاء الله بحطهم بعيد عن التكييف عاد كنت حاطتهم تحت المكيف شكرا لك عالنصيحه
حمد الاحمد
10-09-2007, 05:09 AM
السلام عليكم ورحمة الله وبركاته

اختي العزيزة كويتية

يعد التحية

زي ماقالو الاخواه وبعدين اخذي حبوب الذرة واطحنيها كويس وبعدين حطيها لهم وهم يستطيعون انهم ياكلونه وبعد حطي لهم تمره وان شاء الله يعيشون في امن وامان وسلم وسلام تحياتي


هذا ودمتم في رعاية الله
كويتية
10-09-2007, 05:14 AM
ياكلون تمر زين والله على بالي بس عيش

مشكور عالنصيحه
ahmad1247
11-09-2007, 11:34 AM
السلام عليكم 000 شخبارج00 بالنسبة للاكل ترووحين المحلات اللي ورا المشاتل اللي بالشويخ عالدائري الرابع يم سووق اليمعه000 تقولين لهم ابي كيماوي مال الكتاكيت000 طبعا الكيماوي عباره عن حبوب مطحوونه00 المهم000 تشترين جم كيلوو حق شهر كامل00 وتحاولين تحطينهم بمكان لا بارد ولا حار وسط00 ويكون فيه اضاءة عشان يشووفون الاكل 00 وصج نسيت اقوولج اخذي من المحل مشارب حق الماي00 قوولي ابي مشرب حق الصيصان00 طبعا المشرب= اللي يحطون فيه الماي00 ييبي صغير لا يقصوون عليج البنغالية يعطوونج كبير00 والله يعطيج العافية0000باي
FAISAL239
11-09-2007, 09:12 PM
بالتوفيج بس الاكل موجود بالجمعيات و احسن مكان لهم المطبخ و غيري لهم الجريده الي تحتهم كل يوم او يوم و ترك و لا تخلطين وايد اكل لا يحيوشهم اسهال خلج على المطحون اول اسبوعين
كويتية
11-09-2007, 11:19 PM
أحمد1247

مشكور عالنصيحه والرد يعطيك العافيه
كويتية
11-09-2007, 11:22 PM
فيصل 239

والله أنا عطيتهم برغل وشوفان وعجبهم ياكلونه ونصيحه مفيده اني ما اخلط لهم الاكل على بالي شي مفيد طلع ضار

شكرا لك ماقصرت