سلسلة خبراتنا : اللعب

[Dominique]

مرحبا مجددا

هذي اول حلقة من السلسلة

نبي تفاعل عاد


بسم الله



اللعب

كلنا نعرف ان القطط فضولية بطبعها بشكل خيالي

عسى ماشافت شي يتحرك الى وهجمت عليه او لحقته

القطوة لعوب وتحب الحركة

طبعا القطط انواع وكلنا عرفنا هالانواع وفهمنا اطباعها

بعضها لعوب بدرجة كبيرة

بعضهم كسول وقليل اللعب

لكن هذا مايلغي كون القطة تحب اللعب



احنا طبعا نستانس لما نشوف قطوتنا تلعب

لما نحركلها خيط او ظل وتقوم تلحقه مثل المينونة وتنط مني ومني
احنا نضحك ونشق الابتسامة:D


في العاب كثيرة تنباع بالمحلات خاصة بالقطط

شي يخلي القطوة تلحقه

شي يخلي القطوة تعضضه

نفق تلعب فيه القطوة

عود خربشة

كور

ليزر

وغيرها وغيرها


دمدم قنوع

ما يلعب بولا لعبة اشتريها

مكودة العاب ولا يلعب بولا وحدة الا اللهم الكور وبس

يموت على القراطيس

عسا ماشاف قرطاس طايح

يه يه يه

رونالدو عندنا بالبيت :p

يلعب لعب موطبيعي وينط ويركض مثل الاهبل

مرات يدعم بالطوفة ولا همه

روووووووح

يكمل لعب ولا على باله الصعرورة :D

عيونه تقلب تصير برتقالية وتشب وبؤبؤه يتوسع وياخذ مدار العين كله

اشوف بس سواد ماكو بياض

ياحلاته لما يلعب

يونس

بس كسوووول

يلعب بو 10 دقايق يطلع حرته

بعدين يتسدح على ظهره ويفوشح ريوله وايده يروح بسابع نومه

اذا بغيت اشعلله مرة ثانية اتحرش بكرشته

ادوس ببطنه على خفيف ادوس على ذيله

اطقه على فخوذه كربون فخوذه

اهني يستخف ويبي يطقني

بعدين ارجع احط خيط على ويهه بعدين اوخره على طول علشان لايمسكه

اهوا يصفق بايده يبي يمسك الخيط بس انا بسرعة اوخره



اعفسله ورقه واوقف يم اذونه واخرخش الورقة علشان يطلع صوت

يقلب بسرعه ويفز يبي يصيد ايدي

اقوم احذف الورقة بعيد

يركض جنه لاحقه جلب :p

المشكلة لما يركض يموتني من الضحك

ايده بصوب وريله بصوب ثاني

لوووووووووووول

مو ملحق:D



مرات اطفي كل الليتات واغل ابجورة اضائتها تكون مكان واحد وقوية

واحرك صبعي

يقوم ينط على الظل يبي يصيده

افج ضحك

الحمدلله على نعمة العقل بس



الاقلام

مادري ليش القطاوة حاطين دوبهم دوب الاقلام:cool:

دمدمو من يشوف القلم الحبر الناشف بو 4 الوان عرفتوه ؟

يقوم يلعب فيه مثل الكرة

خلصت اقلامي والسبة دمدمو :p





يالله دوركم

لو تذكرت شي برجع اكتبه مرة ثانية;)
.
.
.

[SleepyMiracle]

مرحبا

بصراحة دمدم هذا خطير وعليه حركات

انا بسكوتي يموووت في شي اسمه رجولي (اقصد رجولي انا)
من لما يشوفني امش على طول يجي يركض وينط عليها ويعضض فيها (يازين عضاته)
وثاني شي يحبه هو الكيبورد .. والله ما اعرف اسوي شي في اللابتوب بسببه
يلعب على الكيبورد وينجن لما يسمع صوت طلع من الكيبورد
في شغلات هو سواها في كمبيوتري انا ما كنا عارفه اي زر اضغط علشان تستوي :D

وثالث شي يحبه هو بطاقة الدوام حقتي >>>> ادري تقولون وش هالاشياء الغريبة اللي متعلق فيها :cool:

بس لو تشوفونه شلون يلعب فيها لعب :p ودكم تشيلونه وتاكلونه من حلاته

لا ونسيت اقول لكم انه يحب لعبة الاستغماية
ينخش تحت السرير ويطلع لي نص راسه ويطالعني بنص عين
ولما انتبه له على طول يركض ركض دااااخل السرير
و احيانا يجي يركض وراي ولما الف فجأة تلقينه من زود الحماس انه يبي يهرب مني يوقف على رجلينه ويقفز لورا و انا ساعتها دوروني من الضحك

طبعا هذي حركات اسبوعين لأنه عندي من اسبوعين

وممكن تشوفون صورته في توقيعي

[dr_mido]

مرسي دمونيك مشاء الله عليه ربي يخليلك ياه

وصراحة تعلق بسكوتي من جد تحس انو خبل بس من كلامك حبيتو ربي يحميه

[sisi_moon]

ههههههههها فديت قطاوتكم والله كل واحد اعسل من الثاني

امممم انا قطوتي اسمها موني شيرازيه 8 شهوور

قطوة كسووووله تنام نووووووووووم مب صاااحي

وان قعدت تنســــدح :D

بس ساعات تستـــــــــخف تستوي مجنووونه

تراكض هنا وهنااك وتصقع في الجدااااااااار وعادي ولا عندها

ومن تشوف عمتي جالسه تروح تطب عليها :D

هي ماتتخبل الا على عمتي لان عمتي ماتحبها وكله تبعد عنها

وموني ورااااااااااها :D

ومن تشوف احد منسدح غرااااااااااامها تجي تطب على وجهه :D

وكل يووم بابا اذا جاب الجرايد تشتغل علييهم :P

وابووي يجن اذا قامت تشقق جريده الاقتصااد حقت الاسهم وهالسوالف

ابوي يزقع من هنا وموني تتحمس زود وتشقق من هنا :D

الكور موني ماتحبهم واجد

اذا انا العب وياهاا اي تحبهم بس بروحها لا ماتتحمس احس

بس تمووت على الاكيااااس من تحصل لها وحدة تدخل داخلها وتعفررر

ههههههها واللي يحرق قلبها

اذا كانت منسدحه انا مافي شغل ارووح اطب فوقها

وهي تبي تقوم وانا ماسكتهاا :D

واذا وخرت عنهااا تستلم يدي عض :P

وطبعا من احد يمشي تطب على رجوله بعبـــــط اما اموت ضحك عليهاا

ههههههها وعلى طاري الاقلاام

انا اول عادي اقط قلامتي على الارض بس بعدها تووبه ماحط قلم على الارض

تدروون ليييه ؟!؟!...

يوم انا كنت توني جايه من المدرسه وعلى طول رحت لها شلتها

الا الاخت وجها طابع حبر ازرق ههههههههههها :D

وبعدها تبت خلص :)

وبــــــــس

طبعا هالاشيااء تصير بالكثيييييييييير ساعه في اليوم

[kuwaitia]

السلام عليكم... انا بيكي بك بيك .. شاطره بالنوم والخز... للحين ما طحت على لعبتها المفضله لانها عندي من جم يوم .. بس تيننن امووووووووووت فيها

[Dominique]

افراح

لوووووووووووووول انا دمدمو شلع ازرار الكيبورد مال الابتوب

لوووووول ماخلا زر صاحي

لما اختي كملتها وحرقت اللابتوب :D

ميرسي لتفاعلج ;)

********************

ثانكس دكتورنا على المداخلة الظريفة :D

********************

سيسي مون لوووووووووووول

عندنا وعندكم خير

دمدمو يلاحق ابوي وين ماراح لأن ابوي مايحبه يلصق فيه

يحبه من بعيد لبعيد :p

********************


خلاص kuwaitia

ننطر لما تعرفينها عدل وتعرفين شطانتها علشان تضيفين مشاركتج هني


ميرسي على مروركم وخبراتكم اللي تونس


****


وينكم:confused:

وين تفاعلكم :confused:
.
.
.

[baby man]

ههههههههههههههههههههه
الله يخليه لج انشالله

[Dominique]

baby man

الله يسلم

ميرسي لمرورك;)
.
.
.

[kuwaitia]

السلام عليكم

بكتب لكم عن تجربتي ويا الالعاب مع بيكي الانسه الظريفه ههههههه
اول شي الالعاب الاعتياديه
انا شاريه لها
[http://www.hartz.com/Our%20Products/products500/3270098632.jpg

تموت عليهم انقزهم لها على الدري واهي تركض صاعده ونازله

http://www.hartz.com/Our%20Products/products500/3270090261.jpg

ادري بتستغربون وتقولون هذا مشط ادري :p

بس بيكي مستغلته اسوا استغلال مع العض... من تشوف خيال شي بنفسجي تشمخ وتعضض جنه احد يقولها هذا عدوج وطلعي حرتج فيه ههههه


ونكمل :rolleyes:


http://www.hartz.com/Our%20Products/products500/3270088538.jpgهذا الله يسلمكم اللي غنو عنه سر حبي فيك غامض سر حبي ما انكشف ههههههههه

من تشوفها تنسدح على ظهرها و تسوي حركات بيدها وريولها تموت من الضحك ههههههه


هذي اللعبه شريتها وما ادري شقصتها ... مترسه منها بمركز سلطان
http://www.hartz.com/Our%20Products/products500/3270005229.jpg
حطيتها حق بيكي شمتها وما ردت لها وخدامتنا العجيبه حطتها بالطاوله يعني ديكور هههههه


هذوله طبعا شريتهم وتحسفت بكل فلس قطيته عليهم لانها ما تلعب فيهم ولا شي



http://www.hartz.com/Our%20Products/products500/3270083969.jpg

http://www.hartz.com/Our%20Products/products500/3270088505.jpg


والالعاب الغير اعتياديه بكملها لكم بعدين ههههه

[Lonely Hunter]

انا للحين ماطحت على لعبة سنوي المفضله لانه يايبها من اسبوع بس

بس اهيا تمووووووت على المساج P:

ماتصدق اتشوف احد قاعد او منبطح الا تروحله و تمسج بريوله او ببطنه على شان تنسدح وراها

و كل يوم .. كل مره اتشوفني اصلي ...تروح توقف يمي

تنطرني بس اسجد فتقوم منتبهه

و اول ماقوم على شان اقول التحيات تهجم على ريولي.... تدليكاً P:

اوخرها عني 20 مره كل صلاة

بعد لاحظت انها اتحب الاشياء اللي تطير

اتشوف ورقه هافها الهوا تروح تلحقها و تلعب فيها

اما الكور و الدلاقات فما تقرب صوبهم

عكس ساندي الخبله "قطتي سابقا".. اعطيها دلاق تقعد تلعب فيه و تعضضه ساعه

و كانت اتييلها عرات باليوم تصير خبله

اتقول اليني اللي داخلها اشتغل

تركض تركض تركض بكل مكان بدون سالفه ....تروح تحت الفراش تنط من فوق القنفه اتتدعس ورا المكتب تصعب فوق الكوميدينه اتنحش من كل واحد ..... كل هذا بربع ساعه بعدين تنام لها 5 ساعات XD

[kuwaitia]

هههههه اخوي لونلي قطوتك السابقه نفس حركات قطوتي الحاليه
الله يكملها بعقلها ههههههه

[قطوه الامارات]

مشكووور اخويه عل الموضوع
نتريا اليديد من صوووبك

[قطو_Q8te]

ماشاؤالله دومنيك ماخليتي شي اقوله لوول
تقريبا كل الي ذكرتيهم اسويهم حق قطاوتي :)
الا شي واحد هابين فيه
اهو وقفتهم جدام حوض السمج ويا يتأملون يا يخرعون سميجاتي :p

[Dominique]

kuwaitia

لووووووووووووووووووووووول

والله نفس الخبال

عندنا وعندج خير

انا من فترة كان عندي لعبة
شاريتها حقي انا لأن عجبتني :p

مثل كرة بلاستيك داخلها فار

تشغلين الفار بالبطارية وتحطينه داخل الكرة وتسكرين الكرة

فتمشي الكرة وتتحرك

عجبتني

طلعت الفار وشغلته على الارض

دمدمو يلحقه ويصيده ويحذفه مني ومناك

بعدين مل منه ومادري وين خاشه:p

بعد ماشريتله ولا لعبة الا الكور وبس

**********


لونلي

انا دمدمو لما بصلي يوقف مكان السجود

عاد تييلي ضحكة نص الصلاة واوقف انطره يوخر
الكلب مرات يطول بالقعدة مايقوم
لما اقول الله اكبر بصوت عالي اختي تنتبه وتيي تشيله

يموتني ضحك

عقبها قمت احبسه برة لما بصلي

يوقف عند الباب جنه فقير مسكين لوووووووووول
ويماوي باصوات عجيبة

عاد ابطها ضحكة :D

ويكسر خاطري وادخله بس اختي عينها عليه لما بصلي:p

وسالفة الهبال والتنطط هذي ماركة :p

*****************

قطوة الامارات

ميرسي لمرورج ونتريا يديدج انتي بعد ;)

**************

قطو كويتي


ياخي هالقطاوة مادري شيبون

يبون يخرعون كل شي جدامهم:D

بس يبون يصيرون فراعنة:p



ميرسي لمشاركاتكم كلكم
.
.
.

[Sugar]

سلااام ..

هههههههههههههههههههه

والله اني اقرا و اضحك هههههههههه

قطوتي ليلي فيها ارتجاج في المخ من اول ما انولدت ، مهبوووووووله بشكل غير طبيعي ، انتم على الأقل قطاوتكم تلاحق اشياء حقيقيه و تنشاف ، انا قطوتي تلاحق ولا شيء ..! بسم الله الظاهر انها تلاحق قطاوة جن ، و ان لااحقت شيء سنع ، لاحقت النمله ولا الذبان ..


و حتى قطوتنا بعد اذا بغت احد يلاحقها توقف على رجلينها ثما تلف على ورا ، يااا ربيي حركتها هااذي تجنننن!!!


يسلمووو دومينيك

[Dominique]

لووووووول sugar

هالقطاوة ياختي ايننوووووووون

واحلاتهم واحلاة حركاتهم

حتى خبالهم يونس

ميرسي حبوبة على التفاعل وسامحيني على التأخر بالرد

ميرسي
.
.
.