الحلقه الرابعه مع اكتب تجربتك ورآيك مع ؟؟؟؟؟؟؟؟؟؟؟؟

[madrule2002]

اليوم الحلقه الرابعه من اكتب تجربتك ورآيك مع السلاحف سواء كانت بريه او بحريه او برمائيه
http://www.c5c6.com/show.php?month=9-2007&filename=c5c6_com_vspzy7xv.jpg (http://www.c5c6.com)


http://www.c5c6.com/show.php?month=9-2007&filename=c5c6_com_4rqudfzp.jpg (http://www.c5c6.com)


http://www.c5c6.com/show.php?month=9-2007&filename=c5c6_com_o3colz0q.jpg (http://www.c5c6.com)

[هاوي ثعابين]

انا مره ربيت سلحفتين برمائيه مثل الي بالصوره الاولى تركها عندي ولد خالي كان بيسافر

حطيتهم بحوض طوله متر و عرضه نصف متر و كان فيه بركه ماء كبيره و جزيره يعني تقريبا نص ماء و نص صخور و تراب و شريتلها اكل مخصص بس كانت ريحته كريهه فقمت اكلها فتات الخبز.

جلست عندي تقيربا 3 شهور بدون اي مشاكل و في الاخير رجع ولد خالي من السفر و شالها.

[madrule2002]

انا مره جبت سلحفه بريه متوسطه الحجم وخليتها في حديقه المنزل جلست عندي ٥ سنوات تاكل من الزرع والنباتات لين ما حصلتها ميته ولا اعرف ايش السبب
اما بالنسبه للبرمائيه جبت اثنين في حوض صغير ولاكن الريحه الي كانت في الحوض كريه قمت شلتها من البيت وعطيتها بنت اخوي
الان ما عندي الا سلحفه الماتاماتا صغيره جدا جبتها من الفلبين وهي بحال جيد ولا احلى حاطها في حوض ٨٠ في ٤٠ يعني صغير وشويه ضخور
وانا افكر جديا في ان اقتني سلحفاه البينوا ايا كان نوعها

[madrule2002]

يا شباب السلاحف

[قناص]

شاكر لك أخوي madrule2002 على هالموضوع
فكرة الموضوع رائعة وفيها تواصل وعرض للتجارب

وبالنسبة كنت مربي ومنذ سنوات سلحفاة بنفس طريقتك وكانت تاكل من الزرع ولكنها اختفت حتى هذا اليوم

وافكر في تربية السلاحف المائية ولكن خوفتني من موضوع الريحة وصرت متردد

شاكر لك أخوي madrule2002 والله يعطيك الصحة والعافية

ومنتظرين تجارب الباقين

[Lonely Hunter]

السلاحف

لو اتفكر فيها بتمعن و اتشوف هالحيوان من زاويه ثانيه

بتكتشف ان حيوان غريب الشكل

حيوان جسمه اهوه بيته

يستطيع ان يدخل اطرافه الخارجيه لداخل جسمه

بطييييء

يستطيع العيش لاكثر من 150 سنه

النتيجه...حيوان رائع ^^

جربت اربي انواع السلاحف الثلاث .. البريه .. البرمائيه و المائيه

بس اللي امتعتني اهيا المائيه (اللي على طول داخل الماء) لانها نشيطه و حركيه و شرهه للاكل ..و تاكل سمك ^^

وافكر في تربية السلاحف المائية ولكن خوفتني من موضوع الريحة وصرت متردد
حطلك فلتر مال السمج بس لازم يكون النوع اللي يكون داخله فحم (نوع dolfen زين و رخيص)
و بتختفي الريحه ان شاء الله

و تسلم مدرولي (نطقها صح؟) على الموضوع الشيق

[LiMiTeD]

مشكور madrule2002 على الموضوع

وبالنسبه للريحه صح كلام لونلي وفي فلاتر خاصه حق تربية الصلاحف

[madrule2002]

الف شكر يا شباب وعلى التواصل واشكركم على معلومه الفلتر وجاري البحث عنه واتمنى من كل الشباب ان يستفيدوا من هذه المواضيع والردود القيمه

[-= pink =-]

سلام عليكم


هلا اخوي madrule2002


مشكوور عالموضوع الرائع


انا مره يبت 7 سلاحف صغار برمائيه :rolleyes:
ظلوا لفتره وبعدين للاسف ماتوا وحده وحده وما اعرف شنو السبب :confused:
ومن بعدها ما قمت ايييب سلاحف !
بس سؤال : شلون صايره سلحفاة البينوا ؟ لان كلش ما عندي خبره بالسلاحف :o

[madrule2002]

عزيزي السلحفاه الالبينوا او اي حيوان البينوا يكون امهق اللون او ابهق او ابرص بسبب خلل في الجينات الوراثيه وتركيبه ال dna وهناك انواع البينوا من كل الحيوانات تقريبا وشاهد هذه السلحفاه الالبينوا وشوف جمالها




http://www.c5c6.com/show.php?month=9-2007&filename=c5c6_com_075vqipw.jpg (http://www.c5c6.com)

[-= pink =-]

اي يحليلها حلوه ماشاء الله عليها حلوه ;)


.
.

بينكي

[الخيّال]

عزيزي السلحفاه الالبينوا او اي حيوان البينوا يكون امهق اللون او ابهق او ابرص بسبب خلل في الجينات الوراثيه وتركيبه ال dna وهناك انواع البينوا من كل الحيوانات تقريبا وشاهد هذه السلحفاه الالبينوا وشوف جمالها




http://www.c5c6.com/show.php?month=9-2007&filename=c5c6_com_075vqipw.jpg (http://www.c5c6.com)



السلحفاة ماهي حلوة جنااااااااااااان وانا اعشق اي حيوان البينو

[madrule2002]

يا سلام انت مثلي عاشق الالبينوا

[dede]

انا عندي سلحفة صحراويه تعيش ميه سنة ( ما شاء الله )

راميتها في الحديقة و ماني داريه عنها

كل بعد فتره اتاكد انها حيه

وفي الصيف الاقيها عافره حفره و داخله فيها

بس الغريب فيها انها تاكل كل شيء ما شاء الله عليها حتى اصباعي كانت حتاكلو