المساعد الشخصي الرقمي

مشاهدة النسخة كاملة : حالة نادره

mimoon
12-09-2007, 10:22 PM
السلام عليكم

كيفكم شباب صبايا ؟

اول شيء مبارك عليكم الشهر الكريم
تقبل الله صيامكم و سأر أعمالكم

و الحين بنخش في الموضوع

انا الله يخليكم خليتوني اعشق الهامستر:D
حتى انه صار عندي مرض اخبر كل احد عن الهامسترات

المشكلة الأولى:rolleyes:

أنا اقع في منطقة ما يبعو فيها هامسترات
لاكن الحمد لله متوافر فمنطقتان جكبنا

انا ساكن بسلطنة عمان قريب الأمارات العربية المتحدة

يعني يصير اروح اشتريه من الامارات او من مسقط ( العاصمة )

هوه لو رحت هون او هناك الطريق ياخذ ساعتين ونص بالسيارة
فأنا خايف الهامستر يتأذى فالطريق

المشكلة الثانية:rolleyes:

وجدت واحد يوصلني اشتري الهامستر من مسقط لاكن المشكلة
سعره دبل في الامارات اربعين درهم فمسقط 8 رايلات
8 رايلات عمانية يعني 80 درهم اماراتي :confused:
و القفص ما عندي فكرة عن السعر
وانا طبعاً اريد بلاستك كامل :D

انا بتكون أسئلتي قليلة لاني ما تركت موضوع ما قرأته

بس فيه سؤال

عادي اشتري انثى 2

انا ناوي اشتري روسي

و انا اعرف شو اشتري

نشارة خشب تكفيني لشهر ( بعدين بطرش مع الوالد )
كرة ( حتى تتسلى ميز )
قفص وهذا اهم شيء بلاستيك
ألعاب اذا وجدت
و السرير راح اعده بنفسي انعم سرير لاحلى اميرة
و الطعام الخضار في كل اسبوع يومين و الباقي حب دوار الشمس والفواكه المجففة
و اخلي القفص فمنطقة بعيدة عن الشمس
تنظيف القفص اسبوعيا مرة و اذا دعت الحالة مرتين

و إن شاء الله يتربى فعزي :D

ناوي اشتريه حل العيد و بتشوفو الصور اول ما اشتريه وعد ;)
عسولي
12-09-2007, 10:41 PM
انشاء الله يفيدونك الاعضاء الي قريب منك ويارب تشتري الحلى همسترات
mimoon
12-09-2007, 11:05 PM
الله يسمع منك
عاشق الحيوانات الاليفة
13-09-2007, 12:40 AM
علينا وعيك
ومبروك مقدماً
بالنسة لسؤالك
على ما اعتقد عادي
لكن من الافضل ان تشتري زوج
وبالنسة لنشارة الخشب
في عندي لك فكرة احلى منها
وهي ان تضع ورق جرايد مقصوص على شكل مستطيلات صغيرة
وورق الجرايد لايسبب الرائحة اذا مثل نشارة الخشب
وورق الجرائد يمتص البول وانت بكرامة
اما بالنسبة لي ابجرب ها الاسبوع ورق الجرائ
لاني ماقد جربته بصراحه
واعرف واحد عنده زوج همستر روسي حاط ورق جرائد
وهاذا الي اقدر افيدك فيه
ويتربون بعزك
ولا تنسى تحط لنا صورهم
رعوود
13-09-2007, 10:30 AM
هلا فيك اخوي بالمنتدى وان شاء الله تستمتع وتستفيد ويانا

وعلينا وعليك الشهر الفضيل


وما شاء الله باين عليك عارف كل شي ^.^

ريحتنا من الاسئلة الطويله والمكرره عسى الناس الثانيه تسوي سواتك


بالنسبة لسؤالك

لو بتاخذ روسي تقدر تاخذ اثنين اناث لكن تاخذهم كامبلس افضل

الونتر وايت راح يتهاوشون ممكن لكن الكامبلس لا

طبعا هالكلام الغالب مو اكيد 100% لكن الاغلبيه كذا

وبالنسبة انك تشتريهم وتجيبهم عن طريق البر

دام ماكو غير هالحل فلما تشتريهم تحطهم بصندوق او كرتون او سلة يهي مو بالقفص مباشرة وتملي الصندوق بالقطن عشان يكون ناعم المكان عليهم وما يتأثرون ويا الطريق ولفاته

بالنسبة لسالفة الجرايد ما انصح فيها
لانه الجرايد معروف كلها حبر والهامستر راح يدخلها بفمة عشان يبني له عش فممكن تسبب له تسمم ويموت


وبالتوفيق للجميع
mimoon
13-09-2007, 11:49 AM
مشكورين صراحة
و خلاص انا بتوكل وبشتريه
mimoon
15-09-2007, 04:48 PM
الحمدالله وجدت محل يبيع نشار الخشب
و يبيع اكل للهامستر
بجن من الفرح
هاوية الكروان
15-09-2007, 08:07 PM
مــاشــاء الله ,, شكــلك فعــلا فعـــلا مهتـــم بالهامستــر
وكـل هالتخطيطات قبــل ما تشتريــه !!
ذكرتــني بنفســي قبل ما اشتري الهامستر ^_^ هههه
يتربووون بعزك ,, والروسي أكثــر من رااااائع
لا تنسى تحط صوورهم أكيد بتعيشهم بقصر



تحياااااتي ...
mimoon
17-09-2007, 01:38 PM
مــاشــاء الله ,, شكــلك فعــلا فعـــلا مهتـــم بالهامستــر
وكـل هالتخطيطات قبــل ما تشتريــه !!
ذكرتــني بنفســي قبل ما اشتري الهامستر ^_^ هههه
يتربووون بعزك ,, والروسي أكثــر من رااااائع
لا تنسى تحط صوورهم أكيد بتعيشهم بقصر



تحياااااتي ...

:D
شكراً على المرور
و انا وعدتكم بالصور اول ما اشتريه الحين اعد
عد تنازلي لين اشتريه
ان شاء الله يجي العيد و اشتريه