شلون حبيتوا الثعابين ؟

[كويتية]

السلام عليكم ورحمة الله وبركاته


هواية تربية الثعابين نادره وغريبه وأنا شخصيا ما كنت أعرف أن في أحد بالعالم يربي ثعابين

بس يوم زرت المنتدى اكتشفت ان هالهوايه لها الكثير من اللي يمارسونها

اذا ممكن تعلموننا شلون ابتدت معاكم هالهوايه ؟

وشلون حبيتوا الثعابين ؟

وهل واجهت صعوبه في تربيتها ؟

واذا حصل لك موقف غريب او مخيف او طريف مع ثعبانك ياليت تذكره لنا

وسؤالي الأخير شنو كانت ردة فعل أهلك يوم ربيت ثعبان وشلون اقتنعوا بهوايتك الغريبه والمخيفه ؟


أتمنى أن تكون اجاباتكم بالتفصيل الممل لأن هوايتكم غريبه ومشوقه ونبي نستمتع بقراءة تجاربكم ومواقفكم

[LiMiTeD]

اذا ممكن تعلموننا شلون ابتدت معاكم هالهوايه ؟
بديت بالثعابين الصغيره الي لاتهش وتنش وكان صعب علي توفيرها عندنا بالكويت وانا اساسا كنت احب الثعابين من صغري

وشلون حبيتوا الثعابين ؟
حبيت لانها غير كل الحيوانات وفي شغلات غريبه وبطبعي انا احب اي شي غريب

وهل واجهت صعوبه في تربيتها ؟
الصعوبه انج توفرين لها الجو لكن هذي مرحله وتعدي والصعوبه الاكبر بتوفير الغذاء لبعض الثعابين والزواحف والي يدش على قولتهم بالعميق بهالهوايه ماتواجهه اي صعوبه

موقف غريب مافي, موقف مخيف بالبدايات مع العضات وفي موقف مع اصله طولها 3 امتار لافه على رقبتي والطريف لم يضيع ثعبان لوووووووووول تصير لويه بالبيت

اما عن ردت فعل اهلي
اول شي المعتقدات القديمه الي اهي انهم اييبون النحس ومن هالسوالف او النصايح اشلك فيهم رب اي شي ثاني ....إلخ

[كويتية]

ليمتد
الحيه لفت على رقبتك ! أعوذ بالله شهالموقف عاد ليش سوت فيك جذي مسويلها شي والا مني والطريج

بعد يضيعون بالبيت شهالرعب خاف ربك بأهلك أحس أنهم متوترين بسبب هوايتك

شاكره لك مشاركتك المفيده والمضحكه والغريبه

[دكتور بيطري الزواحف]

السلام عليكم
هل تذكرين عندما قلت امس أنني أتمني أن يقوم ثعباني بعضي؟
Guess what؟
الثعبان عضني أمس وشعرت بعدها بإرتياح شديد :)

[LiMiTeD]

لم لفت على رقبتي كانت تتغشمر لووووووووووووووووووول

لم ينحاشون ما يطلعون من الغرفه بس اذا شمو الخبر يصير التوتر الي تقولين عنه

:) وشاكرلج على اهتمامج بهالهوايه الي راح اخليج ادشين فيها مع الايام :)

[كويتية]

لوووووووووووووووووووووول دكتور والله صج

سبحان الله والله أنتوا أغرب من ثعابينكم :)

انزين شلون عضك وليش عضك شكلك أنت استفزيت الثعبان وعضك

شسويت يوم عضك رحت للمستشفى وشنو سوولك
انزين عضتها تعور <<<<<< بالله هذا سؤال

مكانها شلون صاير طلعلك فتحتين مكان العضه من انيابها

بسم الله متخيله وضعك وميته من الخوف

انزين يوم عضتك عقب ماتعالجت ان شاء الله رديت لها وعطيتها ماي وأكل والا قصيت راسها

بسم الله بسم الله بس خلاص خفت ماني مكمله

[كويتية]

ليمتد

تتغشمر والله غشمرتها تخرع هذي غشمره عيل اذا زعلت شتسوي تعصرك وتطلع الزبده

لوووووووووول خوش بدليه احتمامج :) صادوه

يامعود وين ادش فيها أنا للحين موقادره أطالع صورهم بتوقيعاتكم وبالصور الرمزيه

ليمتد والله عاد ترى هذي مشكلتي الوحيده بقسمكم الصور رعب رعب رعب

عاد شوفلنا حل يامشرفنا <<<<<<< عشتوا

شرايك تنزل قرار ممنوع وضع صور الثعابين لما تسببه من رعب للمواطنين والمقيميم الأعضاء

[LiMiTeD]

لوووووول مو قالووولج نائب بمجلس الامه ولا تصيدين بدليات :) عدلنا البدليه

انزين شلون عضك وليش عضك شكلك أنت استفزيت الثعبان وعضك

شسويت يوم عضك رحت للمستشفى وشنو سوولك
انزين عضتها تعور <<<<<< بالله هذا سؤال

مكانها شلون صاير طلعلك فتحتين مكان العضه من انيابها

بسم الله متخيله وضعك وميته من الخوف

انزين يوم عضتك عقب ماتعالجت ان شاء الله رديت لها وعطيتها ماي وأكل والا قصيت راسها

بسم الله بسم الله بس خلاص خفت ماني مكمله

كليتي الريال وترا العضه سهالات كل واحد يربي الثعابين يحصله جم عضه ولا تخافين ترا الصغار ما تعور عضتهم وعلى سالفة العضه اخر مره حصلتلي عضه قبل جم يوم على بطني شكو بطني لا تسأليني وبالنسبه للعلاج ترا عادي الموضوع تطهير المكان وخلاص هذا بالنسبه للي مو سامين

[كويتية]

ليمتد
الحيه عاضتك فبطنك ليش كنت تسبح بشط العرب :)

وبعدين شلون تعض مني والطريق والا مستفزها

انتوا ماحصلتوا من الثعابين الا العضات

ماذكرتوا شي زين بهوايتكم <<<<<<<<< الظاهر بنطرد من هالقسم :)

[LiMiTeD]

الزين بهواياتنا ان نعرف اشياء وايد بهالمخلوقات محد يعرفها غير الي مربيها والزين بعد ان نعرف قدرت ربنا بهالمخلوقات الي تقدر تصيد حيوانات اكبر منها بالحجم واقوى منها واهي ما عندها ايادي وبراسها الصغير الي يتمدد اضعاف اضعاف اضعاف حجمه :)

ماذكرتوا شي زين بهوايتكم <<<<<<<<< الظاهر بنطرد من هالقسم
انتي الداخله واحنا الي طالعين

[كويتية]

مشكور ليمتد هذا من طيب اصلك

[دكتور بيطري الزواحف]

والله لم أسوي له شيء، يمكن أمسكتة بقوة زائدة من منطقة الرقبة مما جعله يقلب نفسه ببطنه لأعلي وعندما تكون بطنه لأعلي يصير عصبياً جداً ويحاول أن يعدل وضعه بأي طريقة بالرغم من أنه هو المتسبب في قلب نفسه، فينقبض بشدة وعندها لف رأسه وعض صبعي السبابة في اليد اليسري، أسنانه مثل الإبر وخرجت بعض نقاط الدم الصغيرة فقط وكل شيء علي مل يرام.

[Lonely Hunter]

اذا ممكن تعلموننا شلون ابتدت معاكم هالهوايه ؟
بدت من شفت مره اخوي يايب حيه لونها اخضر حيل حلوه , كنت صغير وقتها
بس بعدين ابوي زفه و خلاه يبيعها

وشلون حبيتوا الثعابين ؟
حبيتها لانها حيوان غريب , و انا احب الغريب و اللي الناس ماعندها مثله
و اللي حببني فيها اكثر ان من يتم تجهيز مكانها , تربيتها بتكون مافي اسهل منها
وهل واجهت صعوبه في تربيتها ؟
اي, في تجهيز المكان و توفير بريعصيه

واذا حصل لك موقف غريب او مخيف او طريف مع ثعبانك ياليت تذكره لنا
للحين

وسؤالي الأخير شنو كانت ردة فعل أهلك يوم ربيت ثعبان وشلون اقتنعوا بهوايتك الغريبه والمخيفه ؟
للحين مايدرون اني اربي P:
اللهم بس اخوي يدري

عندي الحين بس حيه وحده grass snake

[الخيّال]

والله لم أسوي له شيء، يمكن أمسكتة بقوة زائدة من منطقة الرقبة مما جعله يقلب نفسه ببطنه لأعلي وعندما تكون بطنه لأعلي يصير عصبياً جداً ويحاول أن يعدل وضعه بأي طريقة بالرغم من أنه هو المتسبب في قلب نفسه، فينقبض بشدة وعندها لف رأسه وعض صبعي السبابة في اليد اليسري، أسنانه مثل الإبر وخرجت بعض نقاط الدم الصغيرة فقط وكل شيء علي مل يرام.

دكتور بيطري انا بصراحة اول شفت الرد اللي تمنيت فية ان ثعبانك يعضك ضحكت وعرفت انك بتتعرض للعض بس ما توقعت انها بالسرعة هذي . ولية انا عرفت لان سبحان اللة وما ادري وش السر ان الشخص لما يتمنى ان ثعبان يعضة او عقرب تلدغة يحصل معاة الموقف على طول وانا مثلك من فترة تمنيت انا ثعباني يعضني وحصلي الموقف على طول واعرف واحد تمنى ان عقرب يلدغة وبرضة انلدغ على طول

[كويتية]

دكتور بيطري

الظاهر لازم الواحد يكون حذر بتعامله مع الثعبان شكلها تتنرفز بسرعه

شكرا لك عالمشاركه ومبروك العضه :)

[كويتية]

لونلي هانتر

يعني اهلك للحين مايدرون ان عندهم بالبيت حيه

الله يعينهم على الصدمه اذا دروا

يسلمو عالمشاركه

[كويتية]

الخيال

شكرا لك عالمعلومه الغريبه والمفيده توني ادري ان في ناس يتمنون ان الثعبان او العقرب يقرصهم ويحصل معاهم هالشي

شكرا عالمشاركه

[مربي_تماسيح]

كويتيه كل شخص له هوايه بالنسبه لهوايات الباقيه انا عن نفسي اربي تماسيح من عمر 14 او ال 13 تقريبا والحين انا مدمن شي اسمه تمساح يمكن الاخ لمتد حيته تتغشمر اتلف على ارقبته انا شلون اتغشمر عيل او اشلون اتوالف مع هالحيوان يمكن الحيه لو عضت تقتل بسمها لاكم التمساح عضته انواع وكل عضه لها اسم مثلا عضت الموت يعض التمساح الفريسه ويضل يلف يلف يلف وعلى طاري الغشمره انا مره شريت تمساح من السوق بالصدفه مع اني اطلبهم من بره الكويت وشفت التمساح صغير ولته بأيدي يعني شقول العمر والخبره ضاعت بلحظه انا كنت ابي ابوس هالتمساح جدام اليهال الي بالسوق والله عضني على شفايفي وماحدني اله طقيته بالمفتاح على ارقبته لانه فك التمساح مثل القفل اذا عض مايفك اله عن طريق عنقه




ضاع شبابي وانا مع هالحيوان اشوف ناس عندها كناري طير حب احنه تماسيح اتقولين مولودين ابجريمه ههههههههههههههههههههههههههه \


وسوري على الطواله

[كويتية]

مربي تماسيح

التمساح كل عضه لها اسم ! على جذي التمساح كلا يعض

التمساح يوم عضك ماكرهته ؟ سبحان الله هوايتك غريبه

انزين على قولتك اذا في ناس عندهم كناري وطيور حب يمكن طيورهم تغرد وتونسهم التمساح شيسوي لايغرد ولا شي شلون تستانس معاه اذا كلا يعض

ويسلمو عالرد سالفتك حلوه

[رووكي]

انا اشتريت ثعبان ولا احد يدري من اهلي









والتربيه حلوه وغريبه وانا احب كل الحيونات


المووقف الصعب يوم العضه كانت اول عضه صارتلي



والموقف المضحك كنت انظف الحووض بعطين طااحت ودخلت تحت الغسااله وانا طررت من بعديد وطحت \



وامسكها على طرف اصاابعي

خخخخخخخخخخخخخخخخخخخ

وشكرا