عرفنا على الحبوب تبعك [الأرشيف]

مشاهدة النسخة كاملة : عرفنا على الحبوب تبعك

3bqoor

15-09-2007, 02:06 PM

السلام عليكم ورحمة الله وبركاته

انا اليوم جايب لكم فكرة تعزز التواصل بينا حنا وقوارضنا
سواء كانت ارانب او هامستر او غيره من القوارض

...
الفكرة بسيطة جدا :
كل ما عليك هو ان تدخل الموضوع تعرف بحيوانك وتعطينا نبذة عنه
يعني مثلا ....
اسمه :
عمـره :
متى اشتريته :
ملاحظاتك حوله :
صورته اذا امكن
نصايح للي يبغى يشتري مثله
....................الخ

واذا بغيت زود على كيفك

ارجو التفاعل خلو حيواناتنا تتعرف على بعض :)

...................................

3bqoor

15-09-2007, 06:01 PM

السلام عليكم زين اصير اول واحد

انا عندي خمس من الهامستر

لهم قصة معي

اهلي كانو مو مقتنعين بهم
وقالو بعهم وبعد كذا تأقلموا معه
لذالك توي اهتم بهم واسميهم
انا سميت واحد بس
...
الاسم : تو تو.
النوع هامستر انثى .
العمر : 4 شهور تقريبا .
له معي تقريبا 3 اسابيع
واكشفت انه يتاقلم مع اكثر من واحد
لكن اذا كنت تمسكه كثير وهو ما طول معك
يبدأ ينفر منك
كان ودي لو اجيب صورته لكن الوصلة ضايعة
انشالله اجيب صورته مع اخوانه اذا سميتهم

يالله وين المشاركات نبغى تفاعل

..

3bqoor

15-09-2007, 07:54 PM

شكلكم زعلانين علي ليش مافيه ردود ؟؟؟

....

هاوية الكروان

15-09-2007, 08:03 PM

أنــا عندي هامستريــــن
اسمه : 1- تايقـر ,, 2 .. بعدي ماسميته
عمـره :والله انا اعطيه 2 او 3 شهور
متى اشتريته : قبل اسبوعين
ملاحظاتك حوله :تايقر"الذكر" نشييييييييييط جـدا والـ 2 حبوبه ولطيفه
صورته اذا امكن : ان شاءالله راح انزل صورهم عن قريب
نصايح للي يبغى يشتري مثله:
انه مايشتري غير الروســي ;)
لانه بعض الاحيان الواحد يمـل من هامستره ,فأذا السوري مليت منه راح يعفن عندك , اما الروسي لطييف وايد ,,يلعب ونشيط وكل شي
والهامستــر عموما حيوان لطيــف جـدا ومن ألطف الحيوانات بعد

شكــرا جزيلا ياخوووي عالموضوع
جزااك الله خيــر

memox

15-09-2007, 08:06 PM

ولا تزعل انا احطلك رد :p:p

انا عندي هامسترين bash-roma

اعمارهم تقريبا 4-5 شهور

اشتريتهم قبل شهر

صورة bash في توقيعي

واولادهم 5 عمرهم اسبوع

وشكرا

3bqoor

15-09-2007, 10:10 PM

مشكورة اختي هاوية الكروان عى المرور

مشكور على المرور اخي مي موكس

لاكن مااشوف فيه تفاعل مع الموضوع
لييييييييييه

عسولي

16-09-2007, 01:44 AM

مرحبا اخواني اخواتي فكره ررررروعه انتظروني قريبا انشاء الله صور لهمستراتي ولاول مررررررره
بس عدد الي عندي تقريبا اذا منقص شي 45 همستر

3bqoor

16-09-2007, 06:39 PM

ماشالله تبارك الله
اللهم زد وبارك
منين جبتلهم اسماء كل ذولي

مالك وخرو

27-10-2007, 04:12 PM

اولا اريد ان اريكم صورته
وهي :
file:///C:/Documents%20and%20Settings/Welcome/My%20Documents/My%20Pictures/CIMG0071.JPG
اسمه : مالك وخرو .. وكان لدي انثى اسمها وحرو لكنها ماتت

عمـره : انه صار عجوز والان عمره ربما سنه .. و2 شهران ..

متى اشتريته : قبل سنه .. ربما

ملاحظاتك حوله : انه جميل .. يحب ان ياكل كثيرا بذور دوار الشمس .. ودائما .

يريد ان اصطحبه معي الى غرفتي حتى انه ينام معي .. فوق المخده .. وانا على السرير خخخ

وعندما اصفر . له ياتي .. لي .. ويجلس على يده .. و يتمقط .. و بعد قليل .. اقول له بوس اوس

يعرف يعني ماذا يعني .. دلدقني في رجلي ..

مالك وخرو

27-10-2007, 04:13 PM

انظرو ان صورته في توقيعي ..

THE WOLFS MASTER

27-10-2007, 04:45 PM

:eek: السلام عليكم

مشكور اخوي فكرة حلوة ..:)

انا بقول لك معلوماتي ...;)

الحيوان : 5 همسترات

اسمائهم : والله للحين افكر .. سميت وحدة بس انثى اسمها وايتي

عمره : الله يرحمها ماتت اليوم

متى اشتريته ؟ : قبل اكثر من 4 اشهر

ملاحظات : كانت حلوة اذا افصلها عن الذكر ..لانه يشابق معها كثير ...كانت متينة شوي وحلوة ... تحب حب دوار الشمس كثييير " الله يرحمج " :(:o

صوره : مستحيل :eek::eek: لانها ماتت اليوم
وبس :D

أزمرل إمبرطور الجمال

15-11-2007, 08:08 PM

هذا الموضوع حلو

أزمرل إمبرطور الجمال

15-11-2007, 08:46 PM

يالله أنا فعلت موضوعك ورديته للعمل وبكتب اليوم عن أرانبي البلديه العادية يعني....
الحيوان:أرانب بلدية أو عادية
سنة الشراء:2007 شهر 1
العدد:4
ذكر واحد - و3 إناث [ الأم و البنت من الولدة الأولى و البنت من الولدة الثانية ]
ــــــــــــــــــــــــــــــــــــــــ
1- الأب
الأسم : أسود
العمر : شدراني
اللون : أسود و أطراف ريوله الأمامية أبيض
المغامرات : هذا الأرنب يعذبني يوم أطلعه يتحوط مايطيع يرد أقعد أربع وراه وخلي خواني يربعون وراه وما نقدر نرده البطارية....بس مشاء الله عليه نشيط و ما يخلي الأناث بحالهن لازم يتضارب مع الذكور الأخرى اللي من الفصائل الثانية على الحريم .....خخخ وأنا دايم أبطل الضرابه .... بس أحبه.
ـــــــــــــــــــــــــــــــــــــــــ
2- الأم
الأسم : ساندرا
العمر : أكيد بعدها شباب
اللون : أحمر ترابي و أبيض و شوية رصاصي
المغامرات : هذي الأم عندي وايد وياها سوالف بخبركم سالفة الولادة عندها هذي بعد ما شتريتها هي و الذكر حملت بعد شهرين من اليوم اللي شتريتهم فيه وكان شهر واحد من سنة 2007 وولدة أخر شهر ثلاثة تقريبا و سوت ثلاث أرانب صغيره ولونهم أسود و بعد الولادة كلت واحد وبقت إثنين واحد فرته بر البطارية و الثاني تم داخل يوم رحت أشوفهن كان أحصلها والده و في البطاريه واحد بس بعدين ستغربت قلت غريبة واحد بس فقعدت أقلب الحشيش و رفعت شعرها اللي مسويتنه وكان أدور و ادور وأحصل واحد مأكول باقي منه عضام وشوية جلد يابس....وكانت معاي أختي الصغيره علاية و تشوف في الأرض الأرنب الصغيروني وكان تخبرني وبعدين مسكت الأم وشربته الحليب هو و أخوه و بعد ماكبرن وكملن شهرين طلعن إنثيتين ولاكن عندنا الصيف حر وماتت الصغيره اللي كانت بره البطارية و الثانية موجوده لين أنحين و أسمها وردة بتتعرفون عليها تحت..
وايد تكلمت عن الحمله الأولى و الولدة الثانية ولدتها قبل ما سافر بسبوعين و أنحين أنا مكمل من يوم ولدت شهرين المره هذي سوت أربعه مشاء الله سوت 3 سود و1 أحمر ويوم كملن إسبوعين وقبل ما سافر بيومين شرد الأحمر و إثنين سود من البطارية ومادري وين روحو وما حصلتهم وبقت بنت وحده لونها أسود وسمتها أمي لولو...
ــــــــــــــــــــــــ
3- الأخت الكبرى[ الولدة الأولى]
الأسم : وردة
العمر : تقريبا 9 شهور
اللون : أسود
المغامرات : هذي الأرنبه المحببه عند العايلة نحن نعتبرها وحده منا لان يوم ماتت أختها قمت دايم أطلعا وأشلها و أحوطها معاي و صارت دايم تدخل عندنا الصالة وتجلس في الصالة كأنها قط أليف و تيلس فوق الكنب وتروح نقضي حاجتها بره و ترجع لاني كنت تاركنهن في الزراعة لفتره طويله وفهي يوم نحطي غدا تروح تنقز في السلطة وبوي كان ينازعني يقول شل هذا الغش من هني و أمي تضحك وصرنا من نحطي غدا تيلس عدالي سبحان الله ونعطيها خس وخيار وتيلس تاكل والكل يحبها أما أنحين محطنها في البطارية وما أعرف لو خواني يطلعوها .... مشتاقلها وايد.
ـــــــــــــــــــــــ
4- الأخت الصغرى[آخر العنقود]
الأسم : لولو
العمر : شهرين تقريبا
اللون : أسود
المغامرات : والله ما أعرف عنها شي لأن بعد ولادتها بسبوعين أنا سافرت و ألين أنحين ماأعرف عن مغامراتها شي.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
وفي الختام قولو مشاء الله ودعو أرد على العيد أبي أشوفهن وأشوف باقي الأرانب وحيواناتي الباقيه
باي
يالله دوركم

Cute MeDo

15-11-2007, 09:26 PM

موضوع في قمة الروعة

بس انا قريب بشتري هامسترز

واقولكم كل شي عنوو

...
...
انتضروني عما قريب

أزمرل إمبرطور الجمال

16-11-2007, 03:56 AM

خلاص نترياك

أزمرل إمبرطور الجمال

17-11-2007, 12:11 AM

شو محد يبي يشارك

مشاكس

17-11-2007, 01:12 AM

ماعندي إلا طيور:(

أزمرل إمبرطور الجمال

18-11-2007, 04:20 AM

ماعندي إلا طيور:(

مفي مشكلة عرفينا عليهم .......ليش لا حتى يصيرو أصدقاء القوارض

أزمرل إمبرطور الجمال

18-11-2007, 09:47 PM

شو محد يبي يشارك............حرام والله.. الموضوع حلو

ملوووكي

19-11-2007, 02:54 PM

السلام عليكم

موضوع جميل حبيت اشارك فيه واعرفكم على حيواناتي

انا عندي زوج من الوبر

ديدي وهمتارو

عمرهم شهرين تقريبا

لعوبين ومرحين جدا ويحبوني كثير

اعجبني الوبر بسرعة تكيفه مع البيئة اللي حولينه

ومعرفته لصاحبه

وهذي صور لهم اتمنى تعجبكم

http://www.moq3.com/img/up112007/p3O08784.jpg

وهذي ديدي تتدردش مع واحد من ربعها في شات القوارض خخخخخخخخ

http://www.moq3.com/img/up112007/A3v08939.jpg

Big_Cats_Lover

19-11-2007, 04:57 PM

انا ناوي اشتري جوز هامسترز يوم الاربعاء او الخميس مش متاكد:confused: واول ما اصورهم ها حط الصور والمعلومات انشاء الله وقولوا يارب

أزمرل إمبرطور الجمال

19-11-2007, 11:01 PM

يارب الله يوفك يا اخي

أزمرل إمبرطور الجمال

19-11-2007, 11:03 PM