المساعد الشخصي الرقمي

مشاهدة النسخة كاملة : شريت كاسكو بس؟

Amy
20-09-2007, 01:36 AM
السلام عليكم

اليوم رحت لمحل يبع ولقيت نوعين من الكاسكو واحد عمره سنه وشهرين وذيله أحمر وثاني رمادي غاااامج وذيه بعد غامج وصغير عمره تقريبا 6 شهور وحجمه صغير وشريته لان الكل يقول الافضل الصغير بالسن بس ماادري شرايكم ابدله مع اللي عمره سنه وشوي لان يقول راعي المحل هذا اسرع بالكلام والنوعين متوحشين بس اللي أكبر اهدي منه بشوي


شتنصحوني فيه اتم ع اللي عندي الصغير ولا ارد واخذ بوسنه وشوي
yasert
20-09-2007, 02:38 AM
اعتقد اللي اخذته هو التمنة
انا افضل الجامبو عليه وهو ذو اللون الفاتح والذيل الفاتح
بس من راي عمره كبير خليك مع التمنه
اللايق
20-09-2007, 01:19 PM
والله انا اعتقد..

انه ...
الافضل الي معك..

>>>>>>>>>>>>>>اعتقاد وليس خبره
AL-MOHANDES
20-09-2007, 01:37 PM
اول شي مبارك عليك الطير ..

لو انا مكانك ما اخذت التمنه ( الغامق ) اخذ الجامبو لأنه سبحان الله احسن شكل واكبر ومقدرته بالكلام احسن من التمنه . فما ادري عنك .. الخيار لكـ ..

وشكــــــرا ً ..

AL-MOHANDES
Mr. MeMo
20-09-2007, 08:40 PM
احببت ان اشارككم الراي اخوان الكرام


التدرج في اللون بين الافريقي لا يعني ان اي افريقي غامق اللون
يعتبر تمنه.


حيث كثير من الببغاوات الافريقيه تجدها غامقه اللون و ذلك يرجع
للموطن الاصلي و نوع التغذيه

اما عن لون الذيل فجميع الفروخ التي لم تطرح الريش خلال عامها الاول
يسودها شواب اسود في اطراف الذيل مثل الصوره التاليه

http://www.pusup.com/uploads/79e484aa71.jpg

اما عن اختيارك اخي الكريم فانصحك بالصغير مهما كان نوعه

و اتمنى لك التوفيق
هاوي الرمادي
20-09-2007, 09:57 PM
.,.,.,. amy .,.,.,.

اخوي الغالي ...

اولا :
مبروك عليك الطير يالغالي وان شاء الله تتوفق انت وياه يالغالي ...

ثانيا :
اخوي الغالي .,.,. mr . memo .,.,.

عطاك معلومه فعلا مفيده وانا شخصيا توني اعرفها الله يعطيه ربي الف عافية ...

ثالثا :
نصيحتي يالغالي ...
مو اي صغير تاخذه يالغالي اولا اذا كان صغير مره ومتوحش صح زين بس راح تكون مناعته خفيفه بس ليش ما تاخذ واحد مولوف احسن من انك تتعب وصغير في العمر يكون راحة لك وانا عني توني لي اسبوعين شريت ببغاء جامبو وعمره حوالي 8 شهور تقريبا بس الحمد لله مولوف زي الفل معاي بس شكل مشاء الله عليه روعة مره انا الصراحة عجبني يالغالي وتبي الصراحة انصحك انك تاخذ الجامبو او النوع الثاني اللي قلت عليه انه اخف وحشه من الصغير والجامبو يالغالي مشاء الله عنده طلاقه جميله في الكلام واصلا يكفي الشكل ...

وهذي نصيحتي يالغالي وعلى حسب خبرتي واسف على الاطاله وارجوا اني افدتك ولو بشئ من القليل اللي قلته لك ...

تقبل تحياتي ونصيحتي
.,.,.,. هاوي الرمادي .,.,.,.
TARIK01
21-09-2007, 12:13 AM
السلام عليكم و رحمة الله و بركاته
أخي الحبيب
أنصحك بأخذ الجامبو
لماذا ؟؟؟؟؟؟؟
لأنه كما قلت غير أليف شيئا ما لأنك ان أخذت الصغير وهو متوحش ستحتاج لوقت كي يألف مكانه الجديد و صاحبه الجديد و هذا يحتاج الى صبر كبير و مثابرة
أما بالنسبة للجامبو فهو أحسن شكلا و كلاما و حجما و لا يهمك العمر فهذه الطيور اذا وجدت المكان و التغذية المناسبة و الرعاية الجيدة تكون طيورا معمرة حسب قول الخبراء
و اللله أعلم و لك كامل النظر .....
Amy
21-09-2007, 12:28 AM
تسلمون على هالردود الطيبه


والحمدلله رحت وشريت جامبو وبدلته بالتمنه


والله يبااااارك فيكمـــ
الأفريقي
22-09-2007, 05:07 AM
يترب بعزك يالغاالي..
ابو اياد
24-09-2007, 01:35 PM
مبرررررررررررررررووووووووووووووووووووووك
AL-MOHANDES
24-09-2007, 02:24 PM
الله يباركلك بالجديد ان شاء الله ..
D.Abu_mansor
24-09-2007, 03:19 PM
مبروك عليك

وخله معك وربه على يدك
عديل الروح
24-09-2007, 03:52 PM
يتربه في عزك
تحياتي:عديل الروح
عالم الامارات
10-01-2008, 10:19 AM
ممكن اعرف شكل جامبو وشكل تنميه بالصورر؟؟
عاشقة الطيور
10-01-2008, 10:58 AM
السلام عليكم ورحمة الله وبركاته

الف مبروك اخوي على الكاسيكو اليديد ... والله يوفقك ان شاءالله

واختي عالم الامارات
هذي صورة للنوعين مع بعض الي على اليمين جامبو والي على اليسار تمنه

http://www.x88x.com/2008/XgN51776.jpg
عالم الامارات
10-01-2008, 11:28 AM
عاشقة الطيورر
تسلمين على الصوره
Bruce
10-01-2008, 01:52 PM
انصحك تاخذ الجامبو
U-2
10-01-2008, 06:11 PM
عاشقة الطيور ... الصورة مطلعت ممكن اعادة تحميلها من جديد .

لاني بصراحه ودي اعرف الفرق بينهم في الصوره .
عاشقة الطيور
11-01-2008, 09:25 AM
U-2 طلعت الصوره؟؟

http://www.arb-up.com/files/arb-up-2008-1/ff432484.jpg
U-2
11-01-2008, 06:07 PM
U-2 طلعت الصوره؟؟

http://www.arb-up.com/files/arb-up-2008-1/ff432484.jpg

أختي عاشقة الطيور شكراً على الجهد نعم هالحين الصورة واضحه

تحياتي