انا في امس الحاجه لنصيحتكم ... [الأرشيف]

عاشقة الطيور

28-09-2007, 08:42 AM

السلام عليكم ورحمة الله وبركاته

انا حطيت موضوع بخصوص سيكو لان تنفسه ماكان طبيعي وماردو علي غير عضوين

وبعدها الاسبوع الي طاف يوم السبت وديته للبيطري وعطاني دوه وابره واستعمل الدوه لمدة 5 ايام وكان اخر يوم هذي الاربعاء والصراحه حالة سيكو ماتحسنت يمكن شووووي لكن اليوم تنفسه ينسمع وماكل غير الفول السوداني وحاولت ااكله خيار وجزر بس ماكل واخليته يعضض بالثوم وشرب ماي فيه ثوم

بشنو تنصحوني اسوي له اليوم عشان يتحسن ولو شوي .. وبأذن الله باجر بوديه للبيطري

Ba7rainiA

28-09-2007, 02:57 PM

وعليكم السلام ورحمة الله وبركاته

مسكين لحين ماطاب :( ؟

الله يشفيه !!!

ان شاء الله المشرفين والاعضاء اللي عندهم خبره يفيدونج ..

عاشقة الطيور

28-09-2007, 03:11 PM

لا للحين:( .. يــارب الله يسمع منج

ان شاءالله

يعطيج العافيه اختي :)

عاشقة الطيور

28-09-2007, 04:51 PM

ابوي قبل شوي اتصل في البيطري وقاله عن حالة سيكو ... والبيطري قال لابوي مافي دوه غير الي عطيتك واذا طقيته ابره بيموت ... وقال لابوي باجر يبوه

ودعو ان الله يشافيه
يلا يااعضاء وخبراء في شنو تنصحوني

عاشقة الطيور

29-09-2007, 07:39 AM

وينكم يأهل الخبره

Ba7rainiA

01-10-2007, 03:05 AM

اختي عاشقة الطيور ..

كنت باسأل عن سيكو !!

ان شاء الله صار احسن ؟؟

وديتيه البيطري ؟
وشنو سووله ؟؟

الله يشافــيه :(

عاشقة الطيور

01-10-2007, 03:12 AM

من طيب اصلج اختي انج تسألين عنه:)

و الله اهو الحين الحمدلله ياكل .. وماشاءالله عليه كل يوم صريخ واصوات يديده .. ويلعب
بس تنفسه واااايد سريع واحيانا اسمعه واهو ياكل و الله يعزج اذا يرشق يزيد تنفسه وبعدين يخف شوي شوي

هالسبت ابوي كان مشغول الصبح والظهر رقدت ولا وديناه ان شاءالله السبت اليايه بنوديه

الله يسمع منج

كاسكو البحرين

01-10-2007, 03:41 AM

اختي عاشقة الطيور الطير يعاني من ضيق في التنفس
والحل اكيد عند البيطري ولو كان المرض اسهل لشارك
الاعضاء والمشرفين ومايصير احد يفتي في شي يودي
الطير في خطورة لمجرد الرد على الموضوع :) عموماً
الله يسهل عليكم وخبرونا بالتطورات

عاشقة الطيور

01-10-2007, 03:53 AM

مشكور اخوي وماقصرت ... ويسهل على الجميع يارب

ان شاءالله

yooyoo

01-10-2007, 04:00 AM

الله يعينك اختي بس كيف حالته الحين اختي خبرينا

....
ومثل ما قال اخوي كاسكو البحرين ما يبيله الا البيطري

بالتوفيق

عاشقة الطيور

01-10-2007, 01:42 PM

ويعين الجميع ان شاءالله

ان شاءالله هالسبت بوديه

Ba7rainiA

01-10-2007, 03:00 PM

الحمدلله ..
اهم شي بدا ياكل !!

والله يشفيه ..

إي صح ..

أي بيطري بتودينه ؟؟

لان اجوف الكاسكو مالي لحين تعبان !!

وعيونه لحين ماطابت عدل :(

انا قلت باوديه حق دكتوره ثريا صفر < اعتقد اسمها جذي ..
رايحه لها من قبل انا ..

عاشقة الطيور

02-10-2007, 03:19 AM

الحمدلله

انا اوديه لبيطري خاص اسمه حسام واهو مصري

في وين ذي؟؟(دكتوره ثريا صفر )

Ba7rainiA

03-10-2007, 12:10 AM

الله يسلمج العياده في البديع ..
تكون على يدج اليمين

كلش في البدايه هي ..
يعني اول ماتدشين البديع :)

بس لازم تاخذين موعد قبل ماتروحين لها !!

واظن المواعيد كلها الصبح !!

وهذي رقم العياده ..
17590908

تاخذ 5 دينار شامل الفحص والادويه ..
< هذا اللي صار يوم وديت طيري لها :)

ودكتور حسام في وين عيادته ؟؟

ماسي

03-10-2007, 12:23 AM

إن شاء الله يتشافى طيرك

ماسي

03-10-2007, 12:27 AM

السلام عليكم
من الممكن ان يكون الببغاء بحاجه إلى فيتامين A وفيتامين A موجود في الخس - الكرنب
-الجزر - صفار البيض - الدرة
منقوووووووووووووووووووووول

عاشقة الطيور

03-10-2007, 03:42 AM

Ba7rainiA
مشكوره اختي وماقصرتي و الله .. انا اليوم مب رايحه المدرسه لان صفنه متفقين ماايون اليوم:D

وان شاءالله اليوم بودي سيكو للبيطري واذا مانفع الادوه الي بيعطينه الدكتور حسام بروح للبيطريه الي تروحين لها

و الله وين عيادته بعد في البديع لكن بالضبط ماادري بس بقول لابوي وين وان شاءالله اذا رجعت بقولج وين:)

ماسي
وعليكم السلام ورحمة الله وبركاته
اممم جايز انه يحتاج لفتيتامين A ... مشكور وماقصرت اخوي

الله يسمع منك ياربhttp://smileys.lail-alsahara.com/smileys-1/61.gif

مشكووووووورين وماقصرتو والله

Ba7rainiA

03-10-2007, 03:54 PM

ان شاء الله ينفع الدوا وتشوفين سيكو باحسن حاله :)

وانه بانتظار ردج بخصوص العياده ..

او إذا تقدرين تعطيني رقم تلفونهم ..
حتى اتصل واخليهم يدلوني وين بالضبط :)

عاشقة الطيور

04-10-2007, 04:10 AM

امس رحنه له الصبح وقالنه الهندي الي يشتغل معاه انه سافر من 3 ايام راح العمره

وقال لنه في واحد غيره ايي في الليل على 8 او 8اونص

اي ان شاءالله بقول لابوي

medo88medo

04-10-2007, 08:22 AM

اولا ندعوا الله في هذا الشهر الكريم ان يشفيه

ثانيا لابد من الطبيب فهو صاحب الاختصاص والقادر
على تحديد ماعند الطير ومدى خطورته او سرعة شفائيه

لا نملك الا الدعاء له ولن نقصر في ذلك

tedll

04-10-2007, 11:06 PM

أختـي اول شي لازم تروحي فيه البيطر و يصرف له مضاد
انا عندي مضاد صرفه لي طبيب بس المشكله مو مكتوب
اسم المضاد مكتوب عليه مستورد خصيصا( لمستودع الخليج )
يعني صيدليات الخليج في المملكة .
واستخدمته خمس ايام من اول 3 ايام ولله الحمد تحسن الطير.
وتقبلي تحياتي

عاشقة الطيور

06-10-2007, 05:47 PM

medo88medo
مشكوووور وماقصرت اخوي

tedll
مشكوووور اخوي وماقصرت

وحبيت اخبركم ان سيكو ولله الحمد تحسن ورد على حركاته الشيطونيه:D الله يخليه ان شاءالله
وهذا كله بفضل الله ثم دعواتكم مشكورين وماقصرتو اخواني وخواتي فيكم الخير و الله

وطبعا هذا مب معناه اني مابوديه للبيطري .. ومشكورين وماقصرتو مره ثانيه

medo88medo

06-10-2007, 10:23 PM

الله يعينك اختي ويساعد طيرك ويقوم بالسلامه فعلا اشعر وكان الطير طيري لكن ما باليد حيله فمن الناحيه الصحيه وحالات المرض لاينصح سوى بالطبيب ولك منا الدعاء في العشر الاواخر والله يعلم اني دعيت في صلاتي ان ربي يشفيه وتشوفيه في احسن حال وباذن الله كلها يومين وتشوفي طيرك بكل صحه وعافيه ونتحمدلك بسلامته باذن من لاينام