هامسترتي .... (( ماتت)) <<<و ابي استشيركم بشي ضروري..

[الهامستر صديقي]

وديت هامسترتي الدكتور البيطري عشانها مريضة كنت خايفة عليها الدكتور اجنبي و انا ما فهمت شي بس اخوي فهم و بعض الكلمات ما فهم .. راح الدكتور عطاها ثلاثة اوبر << ابرة .. هل الهامستر يستحمل 3 ابر ؟؟؟؟:confused:
و حط في عينها مرهم للعيون... هل الهامستر يوضع له مرهم عيون ؟؟؟؟
و قال لنا جيبوها بكرة و في اليوم الثاني قبل آذان المغرب ماتت ...
.
و زوجها المسكين قاعد لحاله ... هل لازم اشتري هامستر انثى عشان ما يحس بالوحدة ؟؟؟؟

و ابي اعرف هل الهامستر يستحمل 3 اوبر ؟؟؟ و هل يستحمل ايضا مرهم في عينه ؟؟؟

و هل الهامستر يشعر بالوحدة ؟؟؟؟؟

ابي الجواب بأسرع ما يمكن يمكن طريقة علاج الهامستر خطأ ؟؟؟؟:confused:


اتمنى لكم التوفيق ....:o

[الهامستر صديقي]

وييييينكم بسرعة ابي رد الله يخليكم

[sweety2007]

مرحبا اختي
لاحول الله
الله يرحمها ويعوضج بغيرها..

بالنسبة عن علاج الهامستر.. والله انا الصراحة مادري بس الطبيب اخبر ويعرف اللي يناسب مرضها

وبالنسبة لزوجها .. اذا كان روسي اشتري له انثى .. (( وتأكدي انها انثى مو ذكر)) لأن اذا ذكر اكيد بيتهاوشون ويمكن يذابحون

لأن الهامستر الروسي مايعيش لحاله

وشكراً

[sweety2007]

بس بغيت اسألج اختي انتي من وين؟؟؟ عشان اعرف اي طبيب بيطري وديتي له ..

[الهامستر صديقي]

انا في جدة و وديتها العيادة البيطرية الي عند ((فيفا ))
و شكرا على المساعدة :o...
اتمنى لك التوفيق ...

[رعوود]

اختي الله يعوض عليج ان شاء الله


بالنسبة لاسئلتك

3 ابر ومرهم مره وايد القطوة ممكن تموت لو عطيتيها 3 ابر فما بالج الهامستر الي مناعته اضعف من القطوة بوايد

لو الهامستر روسي او صيني يفضل تجيبين له فرد ثاني وممكن تخلينه لحاله بشرط تلعبين وياه يوميا وما تحسسينه بالوحدهلكن لو سوري مافي مشكلة بشرط تجالسينه يوميا بحيث ما يحس بالوحده

وبالتوفيق

[الهامستر صديقي]

شكرا (( رعوود )) على النصيحة
انا اقعد معاه دايما و اطلعه و امشيه في البيت طبعا قررت اني اشتري انثى له
عشان ما يحس بالوحدة ... بس بعد العيد فهل سيتحمل طوال هذه الفترة ؟؟؟؟

اتمنى لك التوفيق ...

[رعوود]

اي نعم مافي مشكلة بشرط تجلسين عنده وتلعبينه او توفرين له الالعاب