احوال سوق حمام الرياض في العيد واخبار الطيور

[يعقوب افريقي]

السلام عليكم

انقلب سوق الحمام في الرياض من سوق للطيور والحيوانات الي سوق الالعاب النارية جميع انواع الصواريخ والمتفجرات شي خيالي مما تتصورة العين من الكميات الموجودة هناك والناس الموجود ين هناك للشراء المئات المئات منهم حتى ان الشارع العام الي عليه السوق يتقفل اتوقع أن الالعاب النارية الموجودة يقدر الواحد يحرر فيها العراق الله يكفينا شرها بس ولا تشب في ها الطيور .


على العموم وانا اتمشى في السوق رحت ادور على فروخ الامزون الي في السوق ما حصلت الى عند واحد سعودي وحاده بعشرة الاف ريال وينا فيه ياعم والله واجد عشرة الاف ريال .

ورحت ابحث حصلت فروخ ببغاء غريب امزوني والله ما عرفت نوعه وراعي المحل ما يعرفه نوعه يقول امزوني وبس بس ما صدقته لأن سعره رخيص 750 ريال وعنده اربع فروخ لونه اخضر وعلى جبهته لون اصفر على برتقالي ومنقاره اسود المهم تركته ورحت محل ثاني ولقيت عنده نفس نوعيت الفروخ الي شفتها عمرها يمكن شهر او شهرين صغيره مرة ونفس الون بس كميه كثيره تقريبا 30 فرخ وحد علي الواحد ب 400 ريال وسئلة عن نوعها قال انها ببغاء باهاما والله مدري عنه صادق كاذب ما أدري المهم الشي الي لفتة نظري

اني لقيت فروخ افريقي جامبو عند محل الي واجهته حوض سمك كبير ما ادري وشسمه

وحاولت معه يبيعني رفض حاولة رفض يقول انها مش لي مبيوعه والله مجموعه كبيرة في شبك واحد حول 50 فرخ توها صغيره حتى رفض يعلمني وين بتروح او من باعها عليه علشان اقدر اشتري منه


وشكرا لكم
بس ابروحله مرة ثانية وابحاول معه

[الطاير]

وعليكم السلام ورحمة الله ....


شكراً يعقوب على الموضوع ....

هذا موسم الالعاب النارية او (( المفرقعات ))

واما عن الطيور ...

السوق الفترة هذي ملياان فروخ ببغاوات ..... واسعارها مناسبة ....
في كل مكان تروح له بتلقى ....




شكراً خيو على الاخبار ...
وكان ناقصه شوويه بس اسماء الانواع المنتشره و الاخرى النادرة




وسلامتك يالغالي :)




الطاير

[dede]

مشكور يا اخوي يعقوب على التقرير

شكلك من جد تحب الببغانات ... لانك في العيد عيدت عليهم ... و مارحت الملاهي :D

[محمد الرياض]

ورحت ابحث حصلت فروخ ببغاء غريب امزوني والله ما عرفت نوعه وراعي المحل ما يعرفه نوعه يقول امزوني وبس بس ما صدقته لأن سعره رخيص 750 ريال وعنده اربع فروخ لونه اخضر وعلى جبهته لون اصفر على برتقالي ومنقاره اسود المهم تركته ورحت محل ثاني ولقيت عنده نفس نوعيت الفروخ الي شفتها عمرها يمكن شهر او شهرين صغيره مرة ونفس الون بس كميه كثيره تقريبا 30 فرخ وحد علي الواحد ب 400 ريال وسئلة عن نوعها قال انها ببغاء باهاما والله مدري عنه صادق كاذب ما أدري المهم الشي الي لفتة نظري

إذا ممكن تحدد أي نوع منهم ، عن طريق هذا الموضوع :

ببغاوات الأمازون (http://www.2zoo.com/vb/showthread.php?t=33630)

أكون لك من الشاكرين ..

[عديل الروح]

يسلمو
تحياتي:عديل الروح

[صرقوع المصرقع]

أخوي مشكور عالوصف الكافي والوافي ..

وللأسف ماكنت بالرياض انا وفاتتني السوق ايام العيد ودي اشوف جديدهم

بس بسألك .. فيه فروخ الدره المطوقه .. ولو فيه بأي عمر تقريبا .. وكم اسعارهم .. وفروخ الكاسيكو كم عليهاا ؟

ومااتقصر يالـ غ ـآلي ..

.. وتحياتي ..

× صرقوع ×

[راعي محل]

هذي لالي شفتها الخضر كلها فروخ سنغاليه

[abady]

الله يهديهم.... وعيدكم سعيد

[LiLi]

بصراحة ... لأول مرة يصير عندي فضول :p

خاطري أعرف ليش ما يبغى يبيع فروخ الرمادي

50 فرخ في شبك !!!

وين راح يودوهم !!!!!!!

مشكور أخ يعقوب أفريقي و ربي يعطيك العافية

[مشاكس]

هلا والله اخوي

اي والله انك صادق
انا رحت السوق قبل العيد بيومين الشارع زحمــــــه
وكل السوق مقلوب العاب ناريه الله لا تبلانا
بس ماشريت شي كنت جاي اخذ لوازم على السريع
ومشيت

ومشكووووور يالغالي على القصة اقصد الخبر
وماقصرت






تحياتي
مشاكس

[محمد الرياض]

هذي لالي شفتها الخضر كلها فروخ سنغاليه

ما أتوقع ،، الرجال يقول بـ 400 و السنغالي ما يتعدى 200

[LiLi]

إلى الأخوة و الأخوات

صحيح السنغالي سعره ما يتعدى 200

و ليش هو رخيص ؟؟؟

ما عليه على الفضول .... بس لأني و لا مرة شفت

في السوق سنغالي

و بما أن سعره 200 المفروض يكون متوافر في الأسواق

أرجو الإجابة و لكم جزيل الشكر

[ببغاء سعودي]

والله أنا ما رحت سوق الحمام في العيد
-
لكن رحت مرة قبل العيد وكنت أشوف المحلات
-
وسمعت أصوات للألعاب النارية وعلى طول قلت أكيد فيه حريقة
-
رحت لمكان بائعي الألعاب النارية واتصلت على الدفاع المدني
-
كم دقيقة وجا الدفاع المدني قعد شوي وطفوا النار
-
لكن ما بقا ولا قطعة منها وطفوا الكهرب والمحلات
-
وصارت الساحة سوداء من الألعاب النارية
-
وعندي مقاطع فيديو باحريق
-
أطلبوه إذا بغيتم
-
وشكر خاااااااص للأخ يعقوب على الموضوع

[محمد الرياض]

إلى الأخوة و الأخوات

صحيح السنغالي سعره ما يتعدى 200

و ليش هو رخيص ؟؟؟

ما عليه على الفضول .... بس لأني و لا مرة شفت

في السوق سنغالي

و بما أن سعره 200 المفروض يكون متوافر في الأسواق

أرجو الإجابة و لكم جزيل الشكر

من وجهة نظري أن عدم توفره في السوق يعود لعدة أسباب :

عدم وضوح كلامه ، شكله ، تصرفاته فهو جبان من الدرجة الأولى كطيور الحب ، ليس له سمعة جيدة عندنا ..

و هو صاير في النص بين الأنواع ، فاللي يبي يشتري سنغالي يقول أشتري تمنه أفضل من ناحية الكلام

أو أشتري درة أجمل و أرخص ..

و قلة وجود ناس متخصصة في تفريخه ، فالموجود في السوق وحشية ، و معروف أن السنغالي الوحشي عضاض من الطراز الأول و لا يؤمن جانبه ( هذا اللي مسبب له سمعة سيئة )

باختصار اللي قد ربى طيور حب يقيسها على السنغالي ( باستثناء أصوات طيور الحب المزعجة ) ..

و دمتم ..

[اللايق]

الف مليون شكر..

لكن لو تحط اسعار الببغوات الافريقيه وصورلها..

وتكون قد قدمت لي معروف..


وكل عام وانت بخير

[محمد الرياض]

اليوم تأكدت من فروخ الباهاما :D ..

صارت ببغاوات جاردين JARDINE'S PARROT ..

ههه .. و المشكلة كبر الكذبة من هالبنغالة .. ههه

أحد يبيعه بـ 400 و أحد بـ 600 و يقولون هذا فرخ أمازون !! بعدين صير كبير سيم سيم هادا

و يأشر لي واحد منهم على بلو فرونتد !!! ..

المهم الببغاوات هذي لاهي فروخ و لا هم يحزنون إلا رجلها و القبر :p ..

لا أحد ينخدع فيها و هي من العائلة اللي ينتمي لها السنغالي ..

و أصواتها حادة و مزعجة ، هذا ما لاحظته عليها ..

بعض الصور من النت لها :

http://www.parrot-and-conure-world.com/images/jardines-profile.jpg

http://www.wingscc.com/aps/images/ginger-tran5.gif

http://www.dkimages.com/discover/previews/980/50411009.JPG

طاب يومكم ..

[يعقوب افريقي]

يعطيك العافية محمد الرياض هذا الببغان الي تكلمت عنه والله البنغاله نصابين حتى السعوديين واحد مشهور هناك في السوق ومعروف مابي اذكر اسمه سائله انا يقول نوع من انواع الأمزون بس مابي اظلمه يمكن ما يعرفه

[D.Abu_mansor]

مشكوور اخوي
والله اتمنى القى فروخ وياليت احد يفيدني

[شريطي]

اليوم وصلت جمله لسوق الرياض عباره عن طيور اعمارها فوق السنه معظمها ويوجد اقل

لاكن اخذوها البنغاليه والهنود

[بندر2007]

أنا قبل يومين رحت لسوق الحمام وأخذت أفريقي عمره سنة ونصف تقريبا وقيمته 950 ريال ولقيت أفريقي يتكلم بس غالي بـ 4000 ريال بس ماسمعت كلامه ..

[شريطي]

خلال هذا الاسبوع ستصل فروخ عيون سوداء الاسعار اكيد فوق 900 ريال والمصدر احد محلات الجمله لمن يريد ان يحجز يرسل لي رقم جواله لكي اتصل عليه اذا وصلت

[مساعد]

اناياشباب شريت من سوق الرياض فرخ افريقي جامبو نص توليفه ب(950)وديته للبيطري وقالي انه سليم مافيه شي بس يوم رحت البيت ماصاريطلع على يدي الا بعد معاناه ولازم احجره بزاويه عاد لقيت واحد وانشالله انه رجال ثقه نصحني بطير في السوق وعلمته عن طيري قالي انا اولفه لك بخلال يومين بس شرطت عليه انه مايطقه ولا يجوعه وانه يطلع من يد ليد يعني مايولف على الرجال وبس وقالي مالك الاطير تالخذه بدون قفص وعلى يدك
المحل الي شريت الطير منه الى عنده8.7.9 شهورواسعارها900.وتكون يطلع على اليدولايعض

[محمد الرياض]

المحل الي شريت الطير منه الى عنده8.7.9 شهورواسعارها900.وتكون يطلع على اليدولايعض

راسلني على الخاص باسم المحل ..

و ياليت هذي أسعار حقيقية ، مو مثل بعضهم يتاجر بالكذب هداه الله و هو معنا هنا ..

[سعودي غير]

لالالالا سوق العزيزيه مفتوح

[سعودي غير]

شكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا