تسجيل الدخول

مشاهدة النسخة كاملة : الحقوني يا اعضاء

مرجانة
15-10-2007, 04:36 PM
السلام عليكم

امس و انا قاعدة باليل اجفف حوض اسماكي اليديد بعد ما غسلته ، كنت فاتحة الدريشة **النافذة** و ما احس الا و صرصور من النوع الكبير يدخل من الدريشة و يحط وسط حوضي مباشرة، قعدت اصرخ و دون وعي مني ركضت على المطبخ و يبت مبيد صراصير و قعدت ارش على الصرصور و غاب عن بالي اني مليت حوضي بريحة المبيد الحشري..
شنو اسوي الحين ارجوووووكم افيدوني

المصيبة ان الحوض كان فيه ادوات توي مشتريتنها /فلتر خارجي + شبكة + علبة كاربون + كيسين حصى /

شنو المعمول الحين؟؟؟
عـ!شق !لصمت
15-10-2007, 05:29 PM
مسكينة والله يا مرجانة

هو صرصر يعني ما ينرادله كل هذا الصياح ههههههه

جميع البنات قلبهم رقييييق ههه و ما يقدرون يلزقون الصرصر بالقبقاب ههههه

عل كل اغسلي الحوض بالصابون و بعدها بالملح و حططي الحوض اسبوع بالشمس

و الادوات معاه و خبرينا عن النتيجة

او يمكن اقل من اسبوع المهم لين ما تروح الرائحة

و اغسليه مرة اخرى بالملح

و قلليللنا النتائج

اخوك العراقي عـ!شق !لصمت
عاشقة الحيوانات الأليفة
15-10-2007, 05:44 PM
خخخخخخخخخخخخ ,, الله يعينج خيتووو ,, طبقي كلااام اخونا عاشق وانشالله خير
Lonely Hunter
15-10-2007, 08:52 PM
سوقيه بنعال و تنحل المشكله

لازم مبيد XD

الله يعينج الحين

شوفي

اول شي اتسوينه ...الشغلات اللي متاكده انه حاشها المبيد و تشبعت منه (دش داخلها مثل الاسفنج ) هذا قطيه

لانه تشبع من الفليت اللي فيه مواد سامه و ضاره ماتروح "مثل الزرنيخ السام"

اما الشغلات الملسه اللي مايدش شي داخلها "مثل البلاستك"

غسليها بصابون اول شي حيييل ...بعدين غسليها بماي ماااااااااااااالح

و خليهم بالشمس جم يوم

بعدين غسليهم مره ثانيه و عبي الحوض ماي

اشتري دوا مال الكلور "sera اكواتان" هذا مكتوب عليه انه يشيل الكلور و المعادن الضاره

فيمكن يشيل باقي المواد السامه او يخفف تأثيرها على الاقل

و خلي الحوض شغال و ترسي بالفلتر فحم على شان يصفي الماي من الشغلات الموزينه

بعدين حطي جم سمجه رخيصه مثل القولد و شوفي شيصير فيهم

اذا عاشوا اسبوع بدون اي مشكله

تقدرين اتحطين السمك اليديد .. بس على دفعات قليله على شان تضمنين انه مافي شي بيموتهم

اهم شي

الشغلات اللي تقدرين اتقطينها قطيها

بتخسرين اكثر اذا شريتي السمك و مات لانك تحسفتي على جم شغله ماتبين اتقطينها
مرجانة
15-10-2007, 10:53 PM
عـ!شق !لصمت
.........................
صدقت و الله بس انا وايد اشمئز من الصرصور، شكله وايد بشع و مقزز، لا و رجوله مليانة شعر بعد ييييييع:(

الله يعني الحين ، كنت ما اقدر اصبر 3 ايام حتى احط اسماكي في الحوض..اتاريهم صايرن اسبوع :(
شكرا اخوي و انا بسوي الكلام يلي قلته.


عاشقة الحيوانات الأليفة
......................................
هاي حبيبتي عاشقة...انا بسوي مثل ما قال الاخ عاشق الصمت...اتمنى يصير خير
صراحة وايد خايفة و حاسة بالذنب من تسرعي...انا دايما شذي :(
مرجانة
15-10-2007, 11:11 PM
Lonely Hunter
----------------------------------------

سوقيه بنعال و تنحل المشكله لازم مبيد XD

تقدر تقول شطارة زايدة حبتين :confused:...بس انا خفت اطقه بنعال يطير على ويهي :eek:


اول شي اتسوينه ...الشغلات اللي متاكده انه حاشها المبيد و تشبعت منه (دش داخلها مثل الاسفنج ) هذا قطيه

لانه تشبع من الفليت اللي فيه مواد سامه و ضاره ماتروح "مثل الزرنيخ السام"

اي انا رميت علبة اسفنج حقول الفلتر ، لونهم ابيض و كلهم فراغات ، نوع وايد حلو بس حسافة تشبعوا بالدوا لين صارو مبللين :eek:


اما الشغلات الملسه اللي مايدش شي داخلها "مثل البلاستك"

غسليها بصابون اول شي حيييل ...بعدين غسليها بماي ماااااااااااااالح

و خليهم بالشمس جم يوم

بعدين غسليهم مره ثانيه و عبي الحوض ماي

مثل الفلتر؟ اوكي راح اغسله بس راح ارمي اسفنجته...بس شنو اسوي مع علبة الكربون؟
انا متأكدة اني رشيتها للان الصرصور كان حاط عليها :eek:.
الحوض بعد انا رشيته كله، و المشكلة ان واجهته عليها رقاقات من الخشب :confused:
عادي اغسله بصابون و بماي و ملح؟


اشتري دوا مال الكلور "sera اكواتان" هذا مكتوب عليه انه يشيل الكلور و المعادن الضاره

فيمكن يشيل باقي المواد السامه او يخفف تأثيرها على الاقل


ينفع احط الدوا الازرق؟ للانه هل الدوا مو متوفر في المحل يلي قاعدة اتعامل وياه


و خلي الحوض شغال و ترسي بالفلتر فحم على شان يصفي الماي من الشغلات الموزينه

اوكي ...بس كم يوم اخليه على هل النحو؟

بعدين حطي جم سمجه رخيصه مثل القولد و شوفي شيصير فيهم

اذا عاشوا اسبوع بدون اي مشكله

اسفة ما اقدر اسوي هل الخطوة..لسببين
الاول اني ما اقجر اضحي بأي سمكة او شي حي
ثانيا..اذا عاشت القولدن بتصير عندي مشاكل وياها مع السوردتيل:o

اهم شي

الشغلات اللي تقدرين اتقطينها قطيها

بتخسرين اكثر اذا شريتي السمك و مات لانك تحسفتي على جم شغله ماتبين اتقطينها

من هل الناحية تطمن اخوي...اي شي غير السمج بالطقاق، مالي دخل فيه المهم ما اكون سبب في موت شي حي :)
بس ما ادري اذا احتفظ بعلبة الكربون او ارميها؟؟؟
و ما انسى بعد حصى الحوض للاني رشيته بشكل مباشر


في الاخير احب وايد اشكرك اخي اونلي على شرحك المفصل، و تلبيتك لنداء الاستغاثة انت و الاخ عاشق الصمت
و انا ان شاء الله بطبق نصايحكم

و ما انسى اشكر اختي الفاضلة عاشقة الحيوانات على مساندتها لي ;)

تقبلوا فائق حبي
اختكـــــــــــــــــــم
مرجانــــــــــــــــــــة
zazo
16-10-2007, 05:40 AM
الله يعييينك مرجانه
بس انتي قلتي ما تقدري تضحي بشي حي .. طيب الصرصور كائن حي وانتي خلصتي عليه علبة فلييييت :)
مرجانة
16-10-2007, 05:45 PM
هاهاهاها..مسكتني يا ZaZo
بس اهو كائن ضار...و وايد وسخ
اما الاسماك فاهي نظيفة و حلوة و بعد شنو ذنبها نضحي بها

المهم انا غسلت الحوض الحين و تركته بالشمس لين جف
و بنتظر اسبوع مثل ما قال اخ عاشق الصمت و بعدين بسوي مثل ما قال لونلي

شكرا على المرور اللطيف اخ زازو
تيمو
16-10-2007, 06:11 PM
اختي مرجانه افعلي كما قال لكي الاعضاء
وايضا اغسلي الجرش والفلتر والادوات الموجوده في الحوض بالماء الساخن والملح
Lonely Hunter
16-10-2007, 06:12 PM
مثل الفلتر؟ اوكي راح اغسله بس راح ارمي اسفنجته...بس شنو اسوي مع علبة الكربون؟

كرتون شنو ؟؟ اذا كان قصدك العلبه مالت الفلتر , شتبين فيها ...روحي الحوش و حرقيها P:


الحوض بعد انا رشيته كله، و المشكلة ان واجهته عليها رقاقات من الخشب :confused:
عادي اغسله بصابون و بماي و ملح؟
مالت شنو هالرقاقات ؟
اذا كان قصدك نفس اللي يحطونها للهامستر , قطيها و لاتفكرين تستعملينها



ينفع احط الدوا الازرق؟ للانه هل الدوا مو متوفر في المحل يلي قاعدة اتعامل وياه
والله مادري عن دوا تتكلمين

بس يمكن لأ , مايسوي شي ...اهم شي اهم شي ...كثري من الفحم بالفلتر

و خلي الحوض شغال و ترسي بالفلتر فحم على شان يصفي الماي من الشغلات الموزينه

اوكي ...بس كم يوم اخليه على هل النحو؟

اذا حسيتي انه الماء صار نضيف و ماكو ريحه غريبه


بعدين حطي جم سمجه رخيصه مثل القولد و شوفي شيصير فيهم

اذا عاشوا اسبوع بدون اي مشكله

اسفة ما اقدر اسوي هل الخطوة..لسببين
الاول اني ما اقجر اضحي بأي سمكة او شي حي
ثانيا..اذا عاشت القولدن بتصير عندي مشاكل وياها مع السوردتيل:o

خلاص عيل ..ضحي بالسمك اللي عندك

و اذا عاش ماراح يسوي مشاكل مع نفسه P:



و ما انسى بعد حصى الحوض للاني رشيته بشكل مباشر
و الله انا افضل انك ترمينه
لانه اكثر شي تشبع من الفليت
و اذا ماوج تخسرين فلوس على تراب يديد روحي البحر و اخذي التراب اللي صاير قريب من الماء اللي يكون فيه مثل قواع صغيره مفتفته , هذا انا استعمله و شكله حلو بالحوض (مع الاضاءه يصير لونه ابيض) , غسليه عدل بماي حلو و حطيه
مرجانة
16-10-2007, 06:17 PM
واااااااااااااااااو
تسلمممممممممم اخوي و الله العظيم اني وايد مستانسة من مساعدتك لي ^^
الله يخليك لنا و لا يحرمنا من مساعداتك

كرتون شنو ؟؟ اذا كان قصدك العلبه مالت الفلتر , شتبين فيها ...روحي الحوش و حرقيها P:

اقووول..فنظرك شنو بسوي بالكراتين؟؟؟
انا اتكلم عن الكربون يعني الفحم الفحم مثل ما نقول.
ارمي الفحم و لا شنو اسوي؟
مرجانة
16-10-2007, 06:19 PM
اهلا نيمو
اي اكيد بسوي مثل ما قالوا الاعضاء حبايبي ^^
و اكيد بسوي نصيحتك انت بعد

بس بالنسبة للجرش .. صار عندي اقتراحين.انت تقول اغسله بماي حار و مالح و الاخ لونلي يقلي ارميه .. منو الاصح؟
Lonely Hunter
16-10-2007, 08:29 PM
اقووول..فنظرك شنو بسوي بالكراتين؟؟؟
انا اتكلم عن الكربون يعني الفحم الفحم مثل ما نقول.
ارمي الفحم و لا شنو اسوي؟

لووووول

قولي فحم من الاول ...شعرفنا احنا انكم اتسمون الفحم كرتون

همن قطيه .. مثل ماقتلج

الشغلات اللي تقدرين اتقطينها قطيها و لا تفكرين اتحطينها

لازم اتقللين قد ماتقدرين من الشغلات اللي بالحوض اللي تعرضت للفليت

السمك حساس و يموت بسرعه ..فشلون اذا كان في سم بالماء O_o


بس بالنسبة للجرش .. صار عندي اقتراحين.انت تقول اغسله بماي حار و مالح و الاخ لونلي يقلي ارميه .. منو الاصح؟

'طبعا انا :D

الجرش حجمه كبير و تعرض لاكبر هجوم منك انتي و مبيدج :p

فصعب انك تزيلينه

بس اذا متحسفه عليه

غسليه عدل بماء حار و ملح

و نقعيه 3 ايام

و بعدين خليه بالشمس اسبوعين..ليمه تختفي الريحه مره وحده

و يكون مفروش بالكامل .. يعني كل حبه من الجرش لازم تتعرض للشمس

بعدين نقعيه 3 ايام بماء حار مالح

و بعدين غسليه بماء حلو و حطيه بطشت و ترسي ماء و قطي داخل قولد

اذا عاشت فمافي مشكله باستعمال الجرش

ادري انه الشغله طواله

بس هذا نتيجة التسرع ;)
مرجانة
17-10-2007, 03:31 AM
اكيد هاذي نتائج تسرعي الدائم -__-
حيلك اخوي.شنو اسوي بكل وجع الراس هذا...الجرش و الكربون بالطقاق
عاد خلاص بيب غيرهم هم اصلا ثمنهم ما يتحسف عليه

عيل الحين بشتري اسفنج و فحم و جرش
بس شنو اسوي بالخشب يلي بواجهة الحوض؟؟؟

ادري اني زودتها اخوي لونلي...بش بتاخذ فيني اجر ^^
Lonely Hunter
17-10-2007, 01:40 PM
قصدك الديكور مال الحوض من بره خشب

لا هذا عادي

غسليه عدل و ماكو مشكله

اهوه بره الحوض مو داخل

و ماكو ازعاج ولا شي ....سئلي اكثر بعد اذا حبيتي ....على الاقل نحصلنا جم حسنه من وراج P:
مرجانة
17-10-2007, 05:44 PM
انا غسلت الحوض امس بالصابون و تركته بالشمس يوم كامل، و اليوم صبيت عليه مويا و صبيت عليه علبة ملح كاملة و قعدت افركه بيدي، لين تأثرت كفوفي T___T
بس مو مشكلة..المهم اني اكون نظفته زين؟

خبروني ارجوكم...انا فركته بالملح فرك و مستعدة اسويها مرة ثانية

كدة احسن و لا في طريقة افضل ؟
مرجانة
17-10-2007, 05:45 PM
الله يخليك اخوي لونلي ^^
مرجانة
17-10-2007, 08:12 PM
لقيت هل الطريقة بموضوع عن التلوث بالمبيدات و السموم :

-ج-يمكن خلط 3أكواب من بيكربونات الصوديوم او صودا الغسيل مع نصف كوب منظف (مبيض) في حوض بلاستيكي ثم قم بسكبه على الارض الملوثة، وقد تحتاج الى عدة غسلات لتطهير المكان.

تعتقدون هذا بيطهر حوضي؟؟؟

في انتظاركم اخواني
Lonely Hunter
17-10-2007, 09:21 PM
المشكله انك بتنظفين شي مضر بالسمك بشي مضر ايضا

بس على الاقل الصودا مضارها اخف من سم المبيد

انا اقولج

اذا مانفعت الطريقه اللي قلناها لج , جربي تنظفينه بالصودا بعدين نظفيه وراها بماء حار و ملح

---

صج مشكلج مشكله هالزهيوي P:
عـ!شق !لصمت
17-10-2007, 10:13 PM
ها مرجانة ش صار ب حوضك ؟؟؟؟؟؟

مسكينة دوخت راسك علمود صرصر

كان فضضيتيها من البداية ب نعال


هههه

و شني سالفت الكومنج سوون ؟؟؟
مرجانة
18-10-2007, 01:35 AM
هلا عاشق الصمت..
شفت شنو سوى فيني هل الصرصور T__T الحين زاد كرهي لمعشر الصراصير و ما بتساهل مع اي واحد مرة ثانية بحاربهم بجميع انواع الاسلحة من النعال لين اخطر انواع السموم --- البنت مخها ضرب *_*

سالفة كومنج سوون ... اهو قريبا بحط توقيع، انا طلبته و الشخص يلي كلبته منه وعدني انه بييبه لي عما قريب ^_*

هلا بطلتك اخوي لونلي

انا الطريقة يلي حطيتها لسة ما جربتها، و انا قلت اعرضها عليكم قبل.
مدري ليش فكرت اني اخفف فعالية المبيد بالصودا بعيدن بيهون علي اشيل الصودا للانها اقل ضرر من المبيد.

بس اذا شفت اذا انا سويت هل الطريقة بكون شني ازيد الطين بلة فأرجوك خبرني للاني صج تعبت
عـ!شق !لصمت
18-10-2007, 01:41 AM
اها والله سالفته هذا الشخص طولت ههههه

والله انا اليوم قعدت صممت 3 تواقيع هدايا للاعضاء

ترييند واحد ؟
مرجانة
18-10-2007, 02:34 AM
تسلم اخوي عاشق الصمت..بس انا عطيت كلمة لهذا الشخص، يوم بيعطيني توقيع بطلب منك..للاني انا وايد احب التعيير مثلك تماما
مرجانة
19-10-2007, 03:08 AM
يا ناااااااااااااس يا هوووووووووو

شنو اسوي...ريحة الزفت ما تبي تروح
Lonely Hunter
19-10-2007, 03:26 AM
السالفه يبيلها وقت على ماتروح الريحه

مالج الحين الا الصبر

او تشترين حوض يديد P:
مرجانة
19-10-2007, 03:30 AM
ش-ش-ش-ش-شنو؟
اشتري حوض يديد..احم احم في اختيارات؟

لا خلاص بسيطة بنتظر....^.^""