مشكلة العض

[سرياس]

اشكر للاخوان على الاستفاده الجيده في اعطاء المعلومات المفيده ولكن عندي سؤال لدي كاسكو من النوع المحجل ( تفريخ مزارع ) وعمره صغير عينه رماديه فاتحه - يخرج على اليد ولكن توجد عنده مشكلة العض ولا يرضى المسح على راسه في بعض الاحيان ، ومرات اعاقبه بانني ادخله الى القفص ومرات اقول له لا ، هل لديكم طريقه للتخلص من هذه العاده

[العالي]

بسم الله الرحمن الرحيم

انصحك يا اخوي بالصبر على طائرك فهو على ما اعتقد صغير السن

يحتاج الى الارتياح منك والاطمئنان منك..

فاذا حاول العض قل له لا تفعل ذالك وبعد ايام سترى الطائر لا يعضك قليل العض

وان شاء الله بعد مرور ايام ستراه يترك العض تدريجياً ..

ملاحظة هامه ..

الرجاء ترك الطائر يرتاح فتره طويله لكي يكون مرتاح ويستقبل منك اي امر ..

تحيات
العالي / ابو حسن

[كاسكو البحرين]

سرياس اهلا وسهلا فيك

اول شي انت شريت طير على حسب كلامك (تفريخ مزارع)
يعني اكيد سعر هالطير اكثر من سعر الطير العادي كما متعارف عليه
والمفروض كان تاخذ الطير بدون جعير وبدون عض 100% وهذا مميزات
تفريخ المزارع ومع مراعاة نظافة الطير من الريش وصحتة الجيدة


عموماً نجي الى طيرك العنيد :rolleyes: الطير الحمد لله عنده ميزة
الصعود على اليد وهذا شي تمام ، اللي تسوي الحين هو انك تكثر
من صعود الطير على اليد + توكيل الطير من اليد ، هذا السن الطير
يكون عنيد اشوي بس نفس الوقت يستقبل التدريبات بشكل جيد


طريقة المسح لازم يكون مدرج عشان ما تفاجأ الطير او تخوفه
حاول عدم رفع اليد فوق الطير ، بمعنى آخر خل يدك دايماً تكون
مستواها اقل من الطير يعني تبدأ المسح من الأرجل ثم تتدرج
الى الفخذ والى الصدر وبهذه الطريقة انت تخفف خوف الطير من
يدك ، وفي نقطه مهمه جداً واذا مشيت عليها صح راح تتخلص من
العض في وقت سريع ، وقت اللي يعضك الطير لازم تتحمل العض والاهم
من هذا انك ماتبين للطير مدى الألم بالعض ، العض مجرد اسلوب يستخدمه
الطير للدفاع عن نفسه وبممارسة اللعب معاه وعدم الإهتمام للعض راح يفهم
ويستوعب الطير ان العض لايفيد إطلاقاً وهذه مرحلة من مراحل الترويض وهي مهمه
وان شاء الله مع الأيام ستلاحظ تجاوب الطير معاك بشكل ممتاز والله يوفقك

[سرياس]

اشكر الاخوان على الرد وسوف اجرب تلك الطرق

[spirit360]

سؤال هل تدريب الطير غير المحجل صعب لأني توني شاري واحد صراحه مايطيقني بعيشت الله حتى انه مايكل الا اذا طلعت تخيلو

[بوصدام]

سؤال هل تدريب الطير غير المحجل صعب لأني توني شاري واحد صراحه مايطيقني بعيشت الله حتى انه مايكل الا اذا طلعت تخيلو

لا بالعكس ولاكن يبغيله مزاج وبال صافي يعني يبغيلك تجلس معاه كثير حتى يتعود عليك ومع الوقت تعلمه الي تبغيه وكل خطوة راح تحصلها بالمواضيع المثبتة ومع كل خطوة من خطى التدريب اربط معها الصبر والتوكل على الله (تفلح) وجزاك الله خير
والسلام عليكم ورحمة الله وبركاته