هامستري

[مس لين]

السلام عليكم ورحمة الله وبركاته......

انا بصراحه عندي شوية اسئله عن الهامستلر خصوص واني جديده على هذه الهوايه....

هامستري لونه بني فاتح وابيض وفيه شوي اسود على الجوانب تحت الاذن بشوي وشكله مره كيوت.. لما سألت البائع قال لي هولندي... بس لما قريت في المواضيع ما لقيت شي عن الهولندي.. صح فيه نوع هولندي.؟:rolleyes:

السؤال الثاني... الماء..
:(:(
ما اشوفه يشرب مويه .. وش الحل.؟؟ وهل من المفترض اني اغير المويه والاكل يوميا حتى لو ما شرب او اكل؟؟

بس مشكلة المويه مقلقتني شوي؟؟؟


ممكن حل ؟؟


:):)

[أزمرل إمبرطور الجمال]

بسم الالله الرحمن الرحيم
بعد الصلاة على اشرف الخلق سيدنا محمد وآله وصحبه أجمعين ... أما بعد..
والله وبصراحه الله يغوض عليج لاني بصراحه كبيرة يعني تبين الصدق ما أعرف شي عن الهامستر
لا تزعلين اتمصخر بس يعني اتغشمر بس الله يخليه لج يارب قولي آمين...
والسموحه منج

[عـ!شق !لصمت]

اتمنى من كل قلبي انه الاعضاء يساعدوك

و اهلا و سهلا بيك في المنتدى

و ان شاء الله تفيدي و تستفيدي

و انا اختصاصي طيور و اسماك

للاسف ما اعرف

[نونة]

هل الهامستر كبير شوي
والماء مو شرط انك تشوفينه يشرب ساعات الاكل فيه ماء فما يحتاج يشرب
وساعات يشرب بالليل
وذا في اي شي انا حاضرة

[sweety2007]

مرحبا اختي مس لين .. وحياج الله في منتدانا الرائع ..

بالنسبة لنوع هامسترك .. الأفضل انج تحطين صورة له عشان نعرف نميز نوعه..

وعن الماء..

الهامستر يشرب كميات جدا قليلة من الماء.. يعني نادرا ماتشوفينه يشرب.. وايضا في بعض الاطعمة تحتوي على الماء.. فيأخذ حاجته للماء من الأطعمة.. مثل الخضروات والفواكه

الماء الأفضل يوميا تغيرينه .. والأكل اذا كان خضروات وفواكه .. ايضا يفضل انج تغيرينه لأن اكيد الأكل راح يفسد.. اما اذا كان من الأطعمة الخاصة للهامستر اللي تباع في المحلات بأكياس (( الأطعمة الجافة )) فلا تغيرينه .. كل مايقل زيديه لهم ..

واتمنى لج تربية موفقة

[مس لين]

شكرا لكل اللي ردوا...

واليوم شفته وهو يشرب .. :)

بس كنه مريض اليوم..... احس جسمه مبلول... قلت يمكن المويه نقطت عليه..

بس اكتشفت ان فيه جرح على ظهره....

وش اسوي؟؟

[رعوود]

اختي كلام اختي سويتي2007 صحيح


وبالنسبة للنوع اعتقد انه سوري لانه دايما يسمونه بالهولندي لكن يفضل ضع صورة للتاكد


الماي لو هو برضاعة (مشربة) الي تكون بلاستيك يعني مو صحن

فاهم شي يكون فيها ماي انا اخليه اسبوعيا



بالنسبة للجرح

انتي جيبي ماي فاتر وذوبي فيه شوية ملح

وبقطعة قطن امسحي عليه

وان اء الله يتعافى لانه الماي المالح معقم طبيعي لو ما فاده

ما راح يضره

واهلا فيك اختي مس لين بالمنتدى وان شاء الله تستمتعين وتستفيدين

[مس لين]

شكرا رعوود على ردك السريع..
من جد استفد منكم....

الله لا يحرمني منكم

[مس لين]

ما ادري وش صاير له اليوم؟؟

ما يلعب في العجله كثير.. وبس يحك في جسمه.....:(:(

اخاف يصير فيه مرض معدي:eek::eek:

ادري اني ارعجتكم بمشاكلي...:(

[sweety2007]

لاتخافين عليه .. انشالله مافيه الا الخير..

واذا مثل ماقلتي كان مجروح.. خليه كم يوم يريح فيه لين ما الجرح يلتئم.. خليه على راحته ولاتراقبينه وايد..

والهامستر معروف انه اكثر الأوقات يحك جسمه. . يعني شي طبيعي.. حتى انا هامسترتي كانت مجروحة .. كانت تحك جسمها وايد..

المهم انتي خليه على راحته ولاتحاتين وانشالله مافيه الا الخير

والله يشافيه

[مس لين]

شكرا اختي على ردك

:) :)