مشكله قطتي جننتني

[AnGaL]

السلام عليكم

قطتي خايفه

وتبخ لاول مره

يوم جبت عندها قطط جديده

طول الوقت تبخ وخايفه وحتى انها صارت تبخ علينا

بعكس قبل يوم كانت لحالها مره حبوبه وتجنن

والاكل ما صارت تاكل .....؟؟؟

ابي اعرف السبب بأسرع وقت والحل وشو

عشان تتأقلم مع القطط الثانيه

[anas957]

اعتقد انو ما صار وقت تزاوجها
او لانها اول مره فتخاف لا تعتمد على كلامي وانتظر كلام المختصيين
وان شاء الله راح تلاقيها تتأقلم معاهم وتنجب الكيتينز

[AnGaL]

هي توها على الزواج 7 شهور

بس

الى الحين تبخ سويت معها كم طريقه ومضيقه صدري

وزودتها بالمخش صارت تمخش اي احد يقرب منها

وانا خايفه على القطه الحامل الي عندها اخاف تأذيها

امممممممممممم

هل اعزلها ولا اخليها ..؟

[AnGaL]

ويييييينكم يا اهل الخبره .......؟؟؟؟

[أم كيتي]

يااااعمري الله يهووون عليييييييك بجد أحس


مأساة بس ووالله مااعندي خبرررة بس


اهتمي فيهااا اكثر منهم وحسسيهاا انها هي الاسااااس


لانهااا غيراااااااااانه مليوون بالميه ...


والله يهوون عليك ويآلف بينهم ياقلبي..


وطمنيناا عنك .. وعنهم ..

[AnGaL]

تسلمين خيتو فديتك والله على هالتفاعل

امين ان شاء الله ربي يألف بينهم

انا اليوم تركتها طول الوقت وهي على المكتبه

يوم طلعتها منهم صارت زي العسل معنا

بعكس يوم كانو القطط معها

[أم كيتي]

حلوووو


تماااام الله يساااعدك يالغاااليه ...


طمنيناا عنك وعنهم اول بأول...


وشفتي وااضح انها غيراااانه بس اهتمي فيهااا..

[AnGaL]

بس لها الحين 5 ايام على هالحاله

والى الحين ما انسجمت معهم

مدري ليه بهذلتني

والذكر ذا المهستر ذلي عندي يلاحقها وهي تخاف منه وتبخ عليه

اصلن تخاف منهم كلهم

بس هذا يلاحقها ما يخليها بحالها

[Lonely Hunter]

المسئله تاخذ وقت

يمكن اسبوع او اكثر

و اما عن الاكل

افصلها عنهم و عطها اكل تحبه حيل

بس كم عمر القطط الجديده و كم واحد ؟

[نرجس]

مشااء الله والله يخليهم لك ياااارب

ومدام هياااا خلاص لمن تكووون لحااااله مرتااحه خليه
كذاااا وحاوولي لا تخليهم كلهم مع بعض

ويااارب تنسجم بسرعه مو تعبك اكثر:D



اختك
نرجس

[AnGaL]

2 بعمرها ست شهور

واحد ذكر وحده انثى

وذكر كبير وانثى كبيره

[عــاشــ البـت¤بــول ــــق]

اخوي عادي كل القطاوة لازم تقعد تبخ الى ما يتعرفون
المسئلة تاخذ وقت
تقبل مروري

[AnGaL]

شكلي بخليها منفصله عنهم

وهي تحب تتمشى بالبيت كله بكيفها

وهم لا حابستهم مع بعض عشان يبعدون عنها


وانا الحين فاصلتها عنهم

وتاكل الاكل الي تحبه وتنام جنبي يعني انواع الدلع هو المكان الي تحب تنام فيه

والعب العب معها دايم

بس ابيها تنسجم معهم ما انسجمت

[AnGaL]

تسلم اخوي ما تقصر

بس احسها بزيااااااااده

اخوي قام يقول اذا ما انسجمت اببيعها او اعدطيها احد

وانا متعلقه فيها كثير

[Lonely Hunter]

4 قطط !!

من عذر اهيا خايفه منهم

كانك الحين غزيت مملكتها و دخلت عليها 4

القط حيوان يدافع عن منطقته و مايدخل احد الا بماوفقته

مثل ماقلت سابقا المسئله تاخذ وقت و يمكن شهر , فلا تستغرب

خل عندك احتمال انه بطول السالفه على شان لا تعور قلبك كل ماتشوفها خايفه منهم

انت بس حاول انك تعزلهم عن بعض و اطلعهم مع بعض لساعات قليله بمراقبتك على شان لاتصير هوشه بينهم قط و يلاعبه على شان لاتصير غيره بينهم

و تخلي للقطط الجديده اكلها و حمامها الخاص غير عن قطك القديم

كمثال :

انا عندي قطه و كبيره و شريت قط ذكر صغير بس صار معاها مثل ماصارلك

القطه القديمه كله خايفه من الجديد و الجديد مايدري شالسالفه و عنده عادي اهوه مايخاف منها

يالله بعد اسبوع و نص رضت عنه القطه القديمه

فلاتحاتي و المسئله تاخذ وقت

[AnGaL]

ههههههههههههههههههههههههه

يعني السالفه مطوله اجل

انا عزلتها على كلامك

لها كم يوم ما شافتهم


ومدري عنها هي بتنسجم معهم او لا

اذا تعبتني ما انسجمت مالي الا ابيع ياهي ياهم