باركولي .. شريت كاسكو هولندي محيل 3 شهور ..

[a7med911]

السلام عليكم ورحمه الله وبركاته

قبل لا ابدي الكلام ارجو انكم تتقبلوني اهني بالمنتدى معاكـم .. وانا عضو جديد .. سبق وحطيت استفساري عن الكوكاتو الابيض لكن ما جازلي وقلت "خلك على مينونك لا يجيك الآين منه" مثل كويتي قديم:D

اخواني اليوم بدلت كاسكوي عمره 5 سنين مع كاسكو هولندي محيل سوبر جامبو .. طبعا كاسكوي القديم اصغر من هذا الفرخ :D لكن الحمدلله كنت مدربه 100% ويصعد على الايد ويتكلم بس مشكلته يخاف ..

المهم هذاك الكاسكو وراح .. الحين ياجماعه الخير انا عندي هذا الكاسكو عمره شهرين ونص او 3 شهور ..

طبعا للحين مايصفر .. لكنه يونّ وقت الاكل كأنه ياهل سبحان الله .. قالي الرجال انه لازم اعطيه اكل من نوع سيريلاك .. وحمص .. ولا اعطيه ماء الا القليل فقط شربتين او 3 فقط .. هل هذا طبيعي ؟؟ :confused:

ثاني شي كيف احافظ عليه بأن مايموت .. هالعمر يخوف والطير احتمال يموت اذا اسأت التصرف ..

بالنسبه للماء .. انا اشوفه حيل حيل عطشان لكن الرجال قالي اهو ياكل سيريلاك وهذا يعوضه عن الماء واذا عطيته ماء + سيريلاك راح يتعب لانه السريلاك يخليه يخرج سهال عزكم الله ومع الماء ماينفع .. هل هذا صحيح ؟

يقول لا تخلي الماء صوبه كلش يعني انسى الماء الا 3 مرات باليوم او مرتين فقط وكل مره منهم 3 شربات .. (جرعات دوا مو ماء)

واخر شي شلون ادربه واخليه 100% من رقص وكلام ولعب ..

الطير ماشالله عليه توديه يمين يروح يمين توديه يسار يروح يسار كأنه طفل يعني والترويض سهل لكن اريد ارشادات ..

وكأني اشوفه مايقدر يوقف عدل مثل الكاسكو القديم اللي عندي يعني مو نافخ صدره وبارز مثل اللي قبل

الرجال قالي لانه صغير وتوه ..

طولتها عليكم لكن اريد ارشادات لاني ماتعاملت مع كاسكو فرخ قبل هالمره ..

تحيــاتي لــكـم

[الجااارح]

أخي الكريم / a7med911

وعليكم السلام ورحمة الله وبركاته ،،،،

مبروك عليك الطير والله يسمعنا عنه الاخبار السارة والتي تسرك كمربي وتسرنا كهواة وان يجعله قدوم خير لك ...

لا أعلم أهنئك أم ... ؟

سأكتب لك بعض الكلام الذي انوي ايصال شيء هام كان من المفترض أن تقوم به سابقا وهو أن تطرح تلك الأسئلة قبل الشروع الى استبدال الطائر الذي كنت تملكه ...

إعلم أن الفروخ ما أروع أن تتخطى مرحلة الخطر وهي سليمة ولم يصيبها مكروه وما أسؤها حين تعلم انها اكثر قابلية للأمراض وأكثر صعوبة في العلاج ...

والآن نبدأ بالإجابة على الأسئلة :

طبعا للحين مايصفر .. لكنه يونّ وقت الاكل كأنه ياهل سبحان الله .. قالي الرجال انه لازم اعطيه اكل من نوع سيريلاك .. وحمص .. ولا اعطيه ماء الا القليل فقط شربتين او 3 فقط .. هل هذا طبيعي ؟؟ :confused:

نعم هذا الأمر طبيعي كون ان الطير الذي تملكه الآن لا زال فرخ وفي اولى حياته حيث يصعب عليه اكل البذور المنوعة والفواكهه الا اذا كانت مهروسة واذا اردت اعطائه الفواكه فانصحك بإزالت البذور عنها لأنها ضارة .....


ثاني شي كيف احافظ عليه بأن مايموت .. هالعمر يخوف والطير احتمال يموت اذا اسأت التصرف ..



نعم هذ العمر مخيف تماما ولا اقصد ان احطمك او ان اكرهك في طيرك ولكن اتكلم عن الواقع فالطيور التي بمثل هذا العمر تحتاج الى عناية فائقة والى جهد والوقوف جانبها دائما وعدم اهمالها او تركها ....

سأقدم لك بعض النصائح :

عليك بتنظيف القفص اول بأول حتى لاتتراكم الاوساخ وتكون ارض خصبة للجراثيم التي ان دخلت الى طائرك فاعلم ان الامر سيكون بالنسبة لك ولنا صعب والتخلص منها اصعب ...

عدم تحميمه بكثرة ...
اكتفي في كل اسبوعين فقط مرة واحدة ....
وبعد تحميمه حاول ان تضعه في مكان جاف لا يصله الهواء المباشر فتكون نسبة اصاابته بمرض لا سمح الله قريبة منه ...


واخر شي شلون ادربه واخليه 100% من رقص وكلام ولعب ..


راجع المواضيع المثبته وستجد الكثير من المعلومات تتحدث عن ما اردته وليس لدي المتسع الكافي من الوقت لكتابتها لك الآن في مجرد رد خشية ان تمل كذلك لكن انصحك بمراجة المواضيع المثبته ...

وأريد أن اخبرك بشيء آخر :

أن الببغاء الرمادي يتمييز بنطقه الكلام ولا يتميز باللعب والرقص ومعنى كلامي هذا ان لا ينافي ان الرمادي لا يرقص بل اقصد انه لا يجيد الرقص واللعب كالكوكاتو ....

طولتها عليكم لكن اريد ارشادات لاني ماتعاملت مع كاسكو فرخ قبل هالمره ..

المشكله ليست في طول الارشادات بل المشكله بأنك اشتريت ببغاء فرخ ولم تقرأ عنه جانبا ولم تبحث عن معلومات كافية قبل الشراء ....

عليك يا اخي الكريم بمراعة هذا الطائر وتأكد انك لو تخطيت مرحلة الصغر بشكل صحيح وسليم فإنك قد امتلك ببغاء عما قريب يراك خير صديق له في الحياة ولا يمكن الاستغناء عنه ...

وكذلك انصحك ثم انصحك بقراءة المواضيع المثبته لاهميتها ...



عموما :

بارك الله لك بالطير وبارك الله فيك واتمنى ان تكون اجابتي قد وصلت اليك بالشكل المطلوب ...


مع تمنياتي لك بالتوفيق ،،،،

[سوق الغزل]

انشاء الله تتعدى مرحله الخطير ويزول الخوف والمرض والقهر
ويتربه بي عزك ودومك
الاخ والاستاذ الجارح ماقصر بسرد المعلومات المطلوبه ومثل ما تفضل
عليك بل المواضيع المثبته فهي بفضل الله ثم بفضل الخبراء الي وفروها النه بعد خبره وعناء وتواصل ومثابره سر نجاح المربي الناحج

[بيشو]

السلام عليكم
اخوي اهم شئ تبعده عن البرد وتحاول تعطيه خلطة موجودة في السوق ورقمها 5وحاول تخمرها قبل يوم وبعدها قدمها له حى يصير ياكل وهذه خلطة المانية وان شاء الله يتربى بعزك لانني ربيت شئ عمره شهر ونصف والحمدلله عاش

[a7med911]

اخوي شنو هذي الخلطه اللي قلتلي عنها ؟؟ ممكن اسمها الكامل ..

ومشكورين وانا اعرف الكاسكو خطر لكن حبيته يكون صغير علشان انا ادربه غير اللي كان عندي بس يخاف ..

اما بالنسبه للتحميم لا تخافون انا ماراح احممه الا كل شهر مره فقط .. او مرتين بالكثييير ..

اما اللي ودي اقوله لكم ..

هل من الضار اعطاءه سيريلاك + ماء بكثره .. او بالاحرى حتى هو يشبع ويرتوى عطشه ..

او كم مره اعطيه ماء وسيريلاك (او حمص) باليوم .. والكميه ..

وانا شفت المواضيع المثبته لكن طريقة لعب الكاسكو او رقصه مو موجوده .. ياريت تدلوني عليها

ومشكورين ويعطيكم الف عافيه على هالكلام وانشالله يارب تتعدى هالمرحله الخطره ..

[storm x]

اذا شفت انه فيه اسهال من السيرلاك
عطه شاي اسود
وعطه نخي والذره روعه

ولا انصحك بان تسبحه لانه خطر بهذا العمر
لاتعطيه اكل بليل وايد وراعي بطنه ان لايكون متفوخ

ياريت تعطيع فيتامينات تراها جيده

ذا من واقع تجربه خضتها

[Bruce]

انا بدون صور ما ابارك لاحد

[D.Abu_mansor]

مبروووووووووك عليك الطير


ويتربى في عزك

وارجو انكم تضيفونه في بطاقة العائلة خخخخخخخخ

يا ليت تراجع المواضيع المثبته

[Kuwaite]

السلام عليكم .. انا a7med911 بس غيرت نكي :>

الله يبارك فيكم اخواني ..

ومشكورين على النصايح وشريتله فيتامين وصرت احطله اياه مع الماء ..

تسلمون وماقصرتو ..

[الأفريقي]

مبروووك بالغاالي ويتربى بعزك

[ابو كشة]

الله يعينك

[ابو كشة]

الله يصبرك

[غزل]

يا جماعه ليش تخرعون كويتي عشان شراء له فرخ

ان شاء الله بيعدي هالمرحله الحرجه وبيكبر الكاسكو وبيفرح فيه

لاتخاف من تربية الفرخ يمكن اهي تكون مسئولية اكثر من الطائر الكبير بس صدقني مع الاهتمام والرعاية بيكون كل شي تمام التمام

وصدقني بتحبه اكثر لانك انت اللي ربيته وطعمته وبتحس انه ولدك :o

ومبروك عليك الفرخ وان شاء الله تحط لنا صورة لين كبر وتفرحنا معاك :)