دعوه للجميع .. اسعار البغبغاوات ..

[Kuwaite]

السلام عليكم ورحمه الله وبركاته ..

من حبي للمنتدى وحرصي للتقدم .. حبيت يكون هالموضوع متشارك مع الجميع .. علشان الكل يستفيد .. ونحن نستفيد ..

ارجو كل واحد يقولنا اسعار البغبغاوات اللي عنده ببلده مثل بالخليج : الكويت البحرين السعوديه الاماارات قطر عمان .. وكذلك الشرق الاوسط .. مصر لبنان سوريه وما الى ذلك ..

وانا ببدأ بأول شي واقول ..

سعر الكاسكو العادي الفرخ اللي يصعد على الايد يتراوح من 70 الى 100 دينار ..

سعر الجامبو العادي (غير محجل) يصعد على الايد ويتكلم كلمتين ثلاث 150 دينار الى 200 دينار

الجامبو المحجل الفرخ من 200 دينار الى 250 دينار ..

والجامبو الكبير فوق 250 اللي يتكلم كلام وايد ..

بالنسبه للكوكاتو يتراوح سعره من 300 الى 350 اللي يرقص ويلعب .. ويتكلم**

اما الامازون اليلوناب فسعره من 500 دينار الى 800 دينار (800 دينار يقرا قرآن وما الى ذلك)

تحيــاتي لكم وياريت تقولولنا اسعاركم للعلم هذا السعر العام اما المعرفه وما الى ذلك يتغير السعر ..

[وردة الالماس]

موضوع شيق


ولو سمحت استفسر عن النوع
:الاسم الشائع
Orange-winged Amazon
الاسم العلمي
Amazona amazonica



وايش اسمها بالعربي


علما بان عمرها تقريبا 3 سنوات وتتكلم تقريبا 10 كلمات وتصفر وترقص رقص بسيط


ممكن كم سعرها وكم العمر الافتراضي لها


وشكرا"
أختك..

[Kuwaite]

اختي بالنسبه للامازون .. خلج على يلوناب او دبليو يولو هيد ..

احسن اثنين .. اما الباقي مالي علم فيهم ..

[guitara]

موضوع جميل وفكره أروع

بالنسبه للاسعار

المكاو

الفرخ من 4 الى 6 الاف (1000 الى 1600دولار )

الكبير اذا غير والف من 7 الى 9 الاف ( 1800 الى 2400 دولار )

اما اذا والف ويتكلم من 10 الاف ويصل الى 20 الف ( 2600 الى 5300 دولار)

الافريقي

الفرخ فالاسواق الشعبيه يكون 600 الى 900 ريال (160 الى 240 دولار )

اما في المحلات وجدت ب 1200 (320 دولار)

اما الكبير على حسب اذا مو اليف 1000 الى 1400 هذا اللي حصلته ( 260 الى 370 دولار)

اما اذا اليف ويتكلم من 2400 وقد يصل الى 4000 (640 الى 1000 دولار )

بالنسبه للكوكاتو مالي خلفيه فيه واتمنى يفيدونا الاخوه الاعضاء ..



نسيت اقول انا من السعوديه والاسعار هذيحسب مدينه الخبر ..



لاكن ان شاءالله نازل يوم الخميس لسوق الطيور وسوق واقف اللي بالقطيف واراح ارد

بتقرير مصور عن السوق وعن الاسعار اللي هناك ..

[Kuwaite]

الله الله عليك يافنان ..

اسعار ممتازه لكن المكاو مبالغ فيه شوي .. احنا بالكويت المكاو يتراوح بين 500 الى 600 دينار ..

واذا اليف يوصل الى 650 .. وفي منهم بـ 500 دينار ..

اما بسألك .. الكاسكو الهولندي المحجل .. فرخ كم سعره .. ياريت تقولنا ..

وننطر ونشوف اسعار البحرين وقطر والاماارات وعمان .. :)

[guitara]

اليوم بعد دوام الجامعه مريت والله على محل

وحصلت عنده كاسكو محجل عمره سنه عارضه ب الف ريال (260 دولار )

واذكر هم بعد الاسبوع اللي طاف مريت يوم الاحد على محل ثاني

حصلت فرخ عمره 5 شهور ب 1200 ( 320 دولار)

هذي الاسعار تعتبر اعلى اذا ماقرنت بالموجوده فالاسواق الشعبيه

هناك ممكن تحصل الفرخ ب 750 (200 دولار) ويعلى شوي وينزل شوي

[Kuwaite]

والله رخيص عندكم ..

احنا الفرخ الهولندي الجامبو المحجل سعره 200 دينار اي مايقارب 2400 ريال ..

متأكد اخوي انه جامبو + هولندي محجل .. ؟؟

[هادي سعيد]

الموضوع روعة
علشان لو احد اراد ان يشتري يتفرج على الاسعار حسب كل منطقة
ولكم جزيل الشكر...............

[guitara]

متأكد اخوي انه جامبو + هولندي محجل .. ؟؟

اللي اليوم شفته بالف ريال كان محجل بس مو جامبو حجمه عادي

اما اللي الاسبوع اللي طاف والله ماميزته

بس هم بنفس المحل اللي زرته الاسبوع الماضي شفت لك

جامبو محجل وعمره سنه ونص وكان والف ويتكلم وحركته كثيره ومرره نشيط

كان عارضه صاحبه بالمحل بمبلغ 3 الاف ريال

بس راعي المحل قالي راعي الببغاء مبالغ بالسعر !!!

[اللايق]

ياليت يا شباب تقولون لنا وش اسعار الافريقي العايدي الي مو اليف ولا يتكلم ولا يصفر..الفرخ بكم..؟

[guitara]

اخوي بالعاده يتراوح من 600 الى 900

ويمكن يغلون فالمحلات ويوصل 1200

هذا للفروخ طبعا


وين باقي الاعضاء نبي تفاعلكم ...

[صالح السعودي]

السلام عليكم جميعا

انا اشتريت من ثلاث ايام افريقي فرخ تقريبا عمره خمسة اشهر 900 ريال سعودي

[tedll]

الفرخ الافريقي عيون رمادي مـن 800 الي 1000 حـجـم عـادي

والفرخ المحجل على حسب شكله و عمرهـ وسعره من 2100 الي 2600

والفروخ كــاثــرهـ في الرياض ونازله دفعه جديدهـ يوم الاربعاء و الخميس

[a7med911]

صحيح كلامك اخوي حتى بالكويت

توها نازله دفعه فروخ كثير يوم الخميس والجمعه اللي طافوو

[muhannad2]

يعني شي فراخ بالسوق بهالوقت

الى متى يستمر اصدار الفراخ

علما انه دخل مزاجي اشتري واحد لو مهما كلف الثمن

[guitara]

عدل كلامكم هم بعد انا ماخذ لي لفه على المحلات عندنا بالخبر

وقالولي تعال بعد 14 يوم بتجي فروخ كاسكو اعمارها بال 5 شهور

[yasert]

السوق الان مليئ بالفروخ المحجله والاسعار من 2000 الى 2500 ريال واحجام مميزة ماشاء الله
انا عن نفسي ما قدرت اقاوم واشتريت واحد على طول

[ابو كشة]

لو سمحتم انا ابي اشتري ببغاء ناطق اليف يكون السعر 800-1000 هل موجود او لا

[tedll]

مـوجـود أخــوي في السوق بس ( غـيـنـي ) و الوحش سعرهـ من 250 الي 300

[قطوطة العيناوية]

مشكور وربي يعافيك

[وردة الالماس]

شكرا على الرد


بس انا ماابغا اشتري انا عندي بس فضول مهو اكتر



ولو سمحت ليش هالنوع مهو جيد


او هو مهو معروف؟؟؟

أختك..

[Bruce]

good job

[yooyoo]

بسم الله الرحمن الرحيم

السلام عليكم ورحمة الله وبركاته

الف شكر لك اخوي على الموضوع الجميل

بالنسبه لي انا من مكه طبعا اسعار الحراج على اسعار المحلات كالاتي

ببغان افريقي فرخ بي 850 ريال الا 1000 ريال
ببغان افريقي العيون بيض بي 1200 ريال غير والف بس يتكلم كلمه كلمتين

ببغان والف العيون بيض يعني صغير شوي ويتكلم حوالي 5 الا 8 كلمات بي 2000 ريال

ببغان كبير غير والف 1000 العيون صفر

هذي كلها بالنسبه للافريقي


اما بالنسبه للمكاو صغير حجمه ولونه ابيض

بي 800 ريال انعرض

هذا حسب الي شفتها كلها طبعا مي مرتبه سامحوني وباقي اشياء ناسي اسعارها باذن الله الخميس رايح اشوف وارد احط الاسعار وبلاانواع

yooyoo

[guitara]

اما بالنسبه للمكاو صغير حجمه ولونه ابيض

بي 800 ريال انعرض

جد مكاو ب 800 !!!

شنو نوعه هالمكاو ؟؟؟

لو اني انا اللي محصله كان ما وفرته وحتى لو بدبل القيمه :D

[سوق الغزل]

السلام عليكم
الموضوع رائع وفكره ممتازه
اخوكم من العراق والاسعار عدنه نار نار وياريت الاسعار الي ذكرتوه موجوده عدنه
انه من خمست اسابيع شريت طيري الكاسكو وهوه مو والف شبه والف والعمر تقريبا سنه او اكثر
السعر الي حصلته بيه هوه
500000 الف دينار عراقي اي مايعادل 400 دولار امريكي
اما بلنسبه للطيور الي عمره اشهر فا لحد الان مالقيت بل السوق وياريت الي عنده معلومه عن تواجدهم بل العراق يعلمنه بيهو مكان بيكون صاحب فضل عليه وجميل مراح ننساه له

[شريطي]

ألفرخ المحجل الجامبو ب2400 الى 2500

المنمش تزيد اسعاره اذا هو جامبو واللون الحمار كثير في جسمه قد يصل لل3500

الفرخ الجمبو العادي يصل سعره 2000ريال والان لاتجد بهذا السعر

كلامي عن اسواق الرياض

الجامبو عين رماديه غامق يصل 750 جملة العين السوداء يصل فوق 800ريال اذا فيه كثير منه

تحياتي

[بوحمد10]

الله يحفظك على هذا الموضوع الجميل اخوك من الامارات عندنا الفرخ الكاسكو الجامبو 3500 درهم ولا ماينزل ولا درهم ويكلمك من طرف خشمه ويكون عمره من أربع شهور أو خمس يمكن يكون أقل من أربع شهور (وصاحب المحل ينتج في المزرعه بنفسه ) بنسبه للي يتكلم وأليف صعب اتحصله واذا حصلته الاسعار ماتكون وحده مختلفه كل واحد على حسب مزاجه يحط سعره . يس عندي كم سؤال ماعليكم أمر؟ هل أقدر أجيب من عندكم طيور ؟
وكيف الطريقه تكون سهله او صعبه ؟ عفوا يمكن يصير قبل بس أريد جواب عن الوضع الحالي .

وياليت احصل على واحد من هذا الموقع المميز يقدر يفيدني في هذا الموضوع.

وشكرا جزيلا واسف على الاطاله.

[Kuwaite]

^^^^^

اخوي احنا بالكويت مسموح لنا بدخول وخروج الطيور ولله الحمد .. هل هذا النظام عندكم بعد ؟؟ بالامارات ..

اسأل الجمارك وشوفهم مانعين الطيور ولا لا ..

على فكره لا تحاول عن طريق البر لانه السعوديه فيها انفلونزا الطيور اليوم قريت الخبر على العربيه


وبالنسبه للأسعار .. احنا ارخص منكم بحدود 1000 ريال اعتقد لانه الفرخ الجامبو المحجل تحصله بـ 200 دينار كويتي .. واذا سوبر جامبو 220 دينار ..

تحيــاتي لك

[المراة القط]

اسعار جدة فى المحلات سعر المكاو الفرخ 12 الف ريال
ولايوجد مكاو غير محل واحد فى جدة
سعر الرمادي الجامبو المحجل الهولندي الفررخ4500 اما طيور الرمادي السنة الف وخمسمة ريال والتمنه او الغينى الف ريال
سعر الامازون الفرخ 12 الف اما الكبار فوق سنتين 9 الف ريال
وادور ارخص من كذا ماوجدت حتى الان وكل اسبوع الف على محلات الطيور بجدة
ونفس الاسعار لاجديد

[shad0w]

فكره حلوه وانا بلكويت وبقولكم ابسعارها ابسوق الحمام او سوق اليمعه نفسش الشي

الافريقي بين ال70 لي ال100

الابيض اللي في ريشه صفره على راسه بين ال300 لي ال400

المكاو الذهبي و المكاو الاحمر نفس السعر 500 لي ال600 بس اهو محل واحد اللي يبيع هل طيور هناك ويبيعها اب 500

الامازون 800 لي ال850 دك

انا ابي اشتري امازون بس سعره حيل غالي

واخوي يدرس ابمصر قالي ان المكاو ممنوع عندهم بس سعره يبدا من 150 دينار لي ال1100 دينار

الامازون اليوم بقولي جم سعره عندهم

وفكره حلوه يعطيكم الف عافيه

[عاشق الببغاء 2]

مرحبا شباب بالنسبة بسوريا الفروخ 12الف الى 16 الف ليرة سورية العادى مو امحجل ولكن كان اى مايعادل كويتى 72 الى 96 دينار
ولو كان اليف ويحكى شى بسيط من 20 الف الى 25 الف اى مايعادل 150الى 200 كويتى
ولو بيتكلم بشكل جيد من 200 الى 300دينار اى 30الف الى45 الف وهذا فقط للأفريقى ولم اشاهد هولندى بسوريا ولكن اعتقد سعره اغلى من العادى والله اعلم

[shad0w]

الامازون ابمصر اب 200 دينار

[Kuwaite]

ممتاز .. الله يعطيكم العافيه ..

وننطر مزيد من الاسعار

[guitara]

انا شريت كاسكوي ب 1200 ريال مع القفص

عمره 8 شهور

[shad0w]

لقيت الامازون بمحل ثاني ابمصر اب 150 دينار وبحاله صحيه ممتازه

[شط البحر]

موضوع رائع تسلمووو حبايبي عليه

بالنسبة للاسعار في المدينة المنورة
الافريقي من الف الى سبعة الاف
والغيني من ثلاث مائة الى اربع مائة وخمسين
والدرة من مائة وخمسين الى مائتين وخمسين

وتحياتي للجميع

[الاشقح]

كيف الاسعار هاليومين اشوف فيه دفعه من المحجلات نازله بس كيف الاسواق بالرياض والدمام ياريت احد يعطينا خبر

[mst7eeel]

أنا ودي اعرف جم سعر البلو فرنت امزون blue front amazon

أ

[المستمتع]

شكرا لكم على هالموضوع وإن شاء الله
اوافيكم بأسعار سوق الرياض

[وليدالراشد]

السلام عليكم اخواني اما عن الطيور في البحرين
الكاسيكو المحجل الصغير 170 دينار 1700 ريال ولا اخفي عليكم كل محل يبيع ابسعر وفي محل ايبيع 120 دينار 1200 ريال وعن اليلو نب كان سعرة 1200 دينار 12000 ريال وسعر الدبل هد كان سعرة 1000 دينار 10000 ريال وعن بلو فرونتت كان سعرة 400 دينار 4000 ريال والككاتو 500 دينا 5000 ريال والمكاو 600 دينار 6000 ريال وعلي حسب اللون السعر وعن الأسعار جميعا لطيور الفروخ الصغار في السن يعني وعن طيور الكاسيكو التي ليسة بها حجول اسعارها يبتدي من 50 دينار 500 ريال واسمحو لي علي لقصور واذا حد خل اسعار الطيور قفبلي من البحرين اسمح لي لم اري الموضوع كامل ومشكورين

[HETLER]

شكرا على الموضوع الرائع

[تركي .ي.م]

احنا قطر مثل الشرقية
الافريقي كبير
1000 مش مدري مدرب 1500 2000 إذا مدرب ويتكلم 3000 4000

والكوتيل
مادري بس بقولكم قبل 3 اشهر مب مدرب 200 - 300 مدرب ما تلاقيhttp://www.2zoo.com/home/4vb/emoticons/3d/images/31.gif

وفروخ مافي لو تدور الدوحة كلها كل الأنواعhttp://www.2zoo.com/home/4vb/emoticons/3d/images/23.gif

[بن حبش]

السلام عليكم جميعا اخوي Kuwaite ممكن تراسلني عالايميل بخصوص الكاسكو اللي عارضه للبيع للاهميه؟
bin_7abash@yahoo.com
وشكرا

[تركي .ي.م]

امس رحت لمتجر للحيوانات ولقيت ببغاء كاسكوا مدرب ما يعض ويتكلم توقعوا بكم

5000 ريال يعني 500 دينار كويتي معنة هو عادي بس لو قلت له قف مي كس (give me kiss)يقرب منقارة ويحبك

[mst7eeel]

السلام عليكم

حصلت فرخ بلو فرنت امزون سعره 200 دينار كويتي

و محجل هل هذا السعر معقول

الطير يصعد على الإيد أليف

[A.AlYousifi]

السلام عليكم ..

والله انا اليوم رحت سوق الحمام بالكويت و الاسعار كانت شويه غاليه :)

افريقي العمر سنة تقريبا يتكلم 250 و في 300 و في بعد بـ 200 دينار

و في دبل يلو هيد بـ 500 دينار ..

و في كوكاتو البرتغالي شويه ما اعرف اسمه بـ 400 دينار ..

و في هولندي محجل بـ 200 فروخ ..

و الله يعطيكم العافيا ..

[العمدة]

الاخ العزيز kuwaite

مساء الخير اخي العزيز اود الاستفسار اذا كان بالامكان افادتي عنه توفر نوع الكوكاتو لديك ذو الريش الاحمر اعلى الرأس او افادتي اين اجد مثل هذا النوع وشكرا جزيلاً



krasmas@hotmail.com

[Kuwaite]

تسلم اخوي اليوسفي .. صحيح هذه الاسعار ..

اخوي العمدة .. الكوكاتو ذو الريش الاحمر هل تقصد كوكاتو روز ؟؟

هذه الصورة ؟؟

http://www.avesint.com/images/rose.jpg

[Kuwaite]

تسلم اخوي اليوسفي .. صحيح هذه الاسعار ..

اخوي العمدة .. الكوكاتو ذو الريش الاحمر هل تقصد كوكاتو روز ؟؟

هذه الصورة ؟؟

http://www.avesint.com/images/rose.jpg

[عاشق البغبغانات]

السلام عليكم



يخوان ممكن تفيدونا بأسعار الكوكاتو و الأمزوني و الكاسكو في مصر

[عاشق البغبغانات]

السلام عليكم



يخوان ممكن تفيدونا بأسعار الكوكاتو و الأمزوني و الكاسكو في مصر

[عاشق البغبغانات]

السلام عليكم



يخوان ممكن تفيدونا بأسعار الكوكاتو و الأمزوني و الكاسكو في مصر

[عاشق البغبغانات]

السلام عليكم



يخوان ممكن تفيدونا بأسعار الكوكاتو و الأمزوني و الكاسكو في مصر

وإذا في أزواج شغاله يكوون أفضل

ولكم جزيل الشكر

[Black Diamond]

السلام عليكم ورحمة الله وبركاته موضوع ممتاااااز صراحه
بس انا اللي متابعه حقيقه اسعار الدبل يلو هيد أمازون ... عشقى صراحه وحصلت واحد معروض بسوق الحمام أطرم ويعض بالكويت قيمته 900 دينار بس هذا سعر وايد مبالغ فيه

اذا احد من الأأخوان متوفر عنده دبل يلو هيد أمزون ياريت يراسلني على الخاص

[Black Diamond]

السلام عليكم ورحمة الله وبركاته موضوع ممتاااااز صراحه
بس انا اللي متابعه حقيقه اسعار الدبل يلو هيد أمازون ... عشقى صراحه وحصلت واحد معروض بسوق الحمام أطرم ويعض بالكويت قيمته 900 دينار بس هذا سعر وايد مبالغ فيه

اذا احد من الأأخوان متوفر عنده دبل يلو هيد أمزون ياريت يراسلني على الخاص