هل اقص جناحه ؟

[yasert]

الحقوني يا اخوان انا اشتريت رمادي فرخ محجل عمر 5 اشهر عيون سوداء كل شي فيه تمام ما شاء الله
بس في مشكلة وحده اني ما ابغى اخليه في القفص ومخليه على الاستاند بس يحب يطير ويكسر ويخرب ويوسخ وهذا الشي مضايق المدام اكيد طيب ايش الحل هل اقص جناحه
وبصراحه حرام يجلس في القفص

[كيفي قطري]

اخوي عادي تقص اجنحته

ومافي اي مشاكل الا اذا قصيتهم غلط

وانشالله الاعضاء يساعدونك

[شريطي]

قصه ريشه ورى ريشه على خفيف لأن منظهره يروح

[yasert]

قصدي هل ينفع قص الجناح وهو بهذا العمر
وشكرا لكم يا اخوان

[Kuwaite]

لا اخوي ماينفع ...

من خبرتي بالفروخ .. وعلى كلام اخونا الجارح .. لاينصح بقص ريش الفروخ ..

تحيــاتي لــكـ

[yasert]

طيب ايش الحل معاه يعني اخليع في القفص
على فكرة الطير يشبه الطير اللي في توقيعك بالظبط
ماشاء الله تبارك الله

[Kuwaite]

ماشالله الله يخليه لك اخوي ..

لكن في طرق كثيره ومنها انك تخليه بالقفص ..

او يجيك مع الاستاند سلسله تمسك رجل الطير .. مره او مرتين بيتعلم وماراح يطير ..

وبعد ذلك شيلها منه وراح يتعلم .. او خله بالقفص ..

هذا اللي عندي ويمكن المشرفين يفيدونك اكثر بهالخصوص ..

[yasert]

مشكور اخي
وفي انتظار مرور الخبراء

[abady]

القص بالطريقه السليمة بواسطة متخصص... ما فيه اي مشكلة انا جربت دي الطريقة وماكان فيها أي مشكلة على طيري وبالعكس لتدرب على طلوع اليد كمان.
تقبل تحياتي

[yasert]

مشكور اخي بس كم كان عمر طيرك
هل هو عيون سوداء

[الجااارح]

أخي الكريم / yasert

الحقوني يا اخوان انا اشتريت رمادي فرخ محجل عمر 5 اشهر عيون سوداء كل شي فيه تمام ما شاء الله
بس في مشكلة وحده اني ما ابغى اخليه في القفص ومخليه على الاستاند بس يحب يطير ويكسر ويخرب ويوسخ وهذا الشي مضايق منه طيب ايش الحل هل اقص جناحه
وبصراحه حرام يجلس في القفص

قد سبق وأن وضحت أن قص جناح الطير وخصوصا في الاعمار الاولى له لا ينصح بها وهي وجهة نظري طبعا ونظر كثير من الخبراء الذين اعرفهم شخصيا وكما تعلم أنه لم يزل في مراحل نموه الأولى وطريقة القص تعني أن لا تنبت له ريشه مرة أخرى حتى تنتف المقصوصة وقد يشعر بها الطير ويضطر الى نتفها ومن ثم يجعلها حل للتسلية اذا احس بالوحدة او الملل.....

إذا كان الطائر تراه مدمر للأثاث ومدمر للمنزل فيستحسن أن تربط أحد قدميه بسلسلة تباع في الأسواق كما وضح لك الأخ الكريم / Kuwaite الأمر فهو حل جيد ولا بأس به وستكون بمثابة درس له أن الطيران ممنوع داخل المنزل وسيعتاد بإذن الله البقاء على الاستاند إذا رأى انه مربوط بسلسلة وجميع محاولاته تبؤ بالفشل وأنصحك بشراء بعض الألعاب التي تسليه وتحببه بالبقاء على الاستاند مع مرااعات تجنب بعض الألعاب الخطرة كالتي تحتوي على كرات صغيره يسهل فكلها ومن ثم يبلعها الطائر ويختنق بها لا سمح الله....



لذلك أنت حر ولك أن تقرر إما الحبس وهو الذي لا أنصح به وإما استخدام الطريقة التي ذكرتها لك وهي في نظري الأفضل .....


مع تمنياتي لك بالتوفيق ،،،،

[yasert]

الف شكر لك اخي الجارح
اليوم ان شاء الله باروح اشتريله سلسله واربطه في الاستاند
اما بالنسبة للالعاب فقد اشتريت له مجموعة العاب ولكنه يخاف منها ويصيح بخوف اذا اقتربت منه

[الطاير]

لاتقص اجنحته الى ان يوصل عمره سنة على الاقل

لانه ممكن يمرض ويموت من قص الريش ,,,

وهذا كلام واحد خبره في الطيور .... شغال يبيع ويشتري فيها ...

انا الببغاء حقي 7 شهور وقالي نصيحة لاتقص اجنحته الحين خله يكبر شوي ....



وبالتوفيق يالغالي ..





الطاير

[ابو اياد]

اخي الكريم لا مشكله اذا قررت قص جنحانه وطريقة قص جنحان الفرخ اربع ريشات من كل جناح الريشات العلويات واذا اشتريت سلسله احسن