تسجيل الدخول

مشاهدة النسخة كاملة : مشكلتي مع طيري الجديد

guitara
16-11-2007, 12:59 PM
السلام عليكم

امس شريت لي كاسكو فرخ عمره 8 شهور عينه سوده واللي حولها رمادي فاتح

الموهم الطير مايجعر ولا شي بس مشكلته يحك نفسه واجد بشكل مقزز

وهو تام على هالحال من امس لليوم وساعات احسه ينتف ريشه خصوصا

الجناح والذيل !!!

انا قلت يمكن لانه مو نظيف ويحتاج يتسبح

بس المشكله مو راضي يطلع على يدي ويبعد لما اقرب منه !!!

وش الحل وياه؟؟؟

واذا سبحته بهالوقت هل ممكن يتعقد ويستوحش مني؟؟؟

وآسف جدا على الاطاله ...
سماوي الجبه
16-11-2007, 01:20 PM
عزيزي كيف الحال ،، نصيحتي لك انك ماتسبحه وخصوصا في هذا السن،، وثاني شي بنسبه للحك هذا عادي ينظف في جسمه ونصيحه اخرى حط له مكان في قفصه يكون في صحن في ماء كي يتسبح بنفسه اذا ارااد ومستقبلا اذا كبر واردت اتسبحه فحذر لان الطير مثل الطفل لاهنت،،
عاشقة الطيور
16-11-2007, 04:01 PM
وعليكم السلام ورحمة الله وبركاته

اخوي اصبر على الطير امس مشتريه عطه فتره يتأقلم على جو البيت ... واعتقد انه يمر في مرحلة قلش على مااعتقد .. وطبيعي يسقط ريش الذيل والجناح لانه بيتبدل وبعد تأقمله تقدر تبخ عليه الماي و تجنب تبخ الماي في وجه الطير .. او تقدر تتبع طريقه اخوي سماوي الجبه

وان شاءالله الخبراء ماراح يقصرون معاك
guitara
16-11-2007, 04:42 PM
الله يعافيكم

ومشكورين على المرور

بس انا هم ملاحظ انه لما يبي ينام احيانا يحط راسه ورا

بين جنحانه وينفش ريشه !!!

شنو معناها هاي النوومه؟؟؟
guitara
17-11-2007, 04:13 PM
وين باقيه الاعضاء!!!
كروان
17-11-2007, 04:59 PM
يمكن طيرك يبدل ريشه القديم ليخرج ريش جديد وهذا طبيعي

واذا نام وراسه وراء جناحه ونفش ريشه شي طبيعي لأن الاجواء بارده وهو كذا يدفئ نفسه