وفاااااة

[Bruce]

السلام عليكم

كيف حالكم يا هواة الببغاوات

انا لاحظت انه كل يوم لا يقل عن موضوع مكتوب فيه عن حالة وفاة لببغاء

وهذا شي محزن ومهدر للنقود:D

ولا حظت انه معظم الانواع الي تموت تكون للببغاء الرمادي (الكاسكو)

فقررت اني عمري ما اشتري كاسكو مع اني ماعمري شريت

بس انشالله لجيت اشتري ببغاء بستبعد الكاسكوو

يعني بفكر بالامزون والمكاو فقط

وفكر فيها انت لو خذت كاسكو ب 2000 ريال ومات بعدها بتاخذلك واحد ثاني ب 2000 ريال


يعني صارو 4000 الاف وماتظمن بعد الجديد بعيش ولا بموت وحتى لو عاش بتظل متخوف عليه لكبر لانه مناعته ظعيفه وكثير المرض !! لو انك من اول ظغطت على نفسك وطلعت ال 4000 ريال وشريت امزوني احسنلك

واسف يا هواة الكاسكو حتى انا احبه بس هذي الحقيقه



انتو ايش رايكم؟؟:)

[كيفي قطري]

كل شي بيد الله

ماتقدر تقول انه الامزوون يعيش اكثر يمكن من نفس اليوم يمووت

[SleepyMiracle]

تدري ليش يا بروس دخلت موضوعك مع انه ماعندي خبرة في الطيور :cool:

لأن عنوان موضوعك خرعنــــــــــــــــــــــي :eek:

[Bruce]

كل شي بيد الله

ماتقدر تقول انه الامزوون يعيش اكثر يمكن من نفس اليوم يمووت

اخوي معروف انه كل شي بمشيئة الله

بس انا اتكلم من ناحية علميه

ومن الناحية العلمية معروف انه الببغاء الرمادي ضعيف المناعه بعكس الامزون وغيره من انواع الببغائات

[Bruce]

تدري ليش يا بروس دخلت موضوعك مع انه ماعندي خبرة في الطيور :cool:

لأن عنوان موضوعك خرعنــــــــــــــــــــــي :eek:

سلامتك من الخرعه انشالله:D

[غزل]

تصدق اخوي عنده واحد وهاملة بمعني الكلمة بس عايش

كل شي بايد رب العالمين يمكن تاخذ واحد بـ 10 دنانير ويعيش أكثر من واحد سعره 200 دينار

بس صج العنوان يخرع

[كروان]

الكاسكو اللي عنده خبره يربي هذا النوع

واللي ماعنده لا يربي هذا راي شخصي لأنه طير حساس جدااا

لكن الامازون والمكاو ما اشوف فيهم مشكله .

[LiLi]

الأعمار بيد الله تعالى

[ابو اياد]

اخي الكريم الموضوع ليس موضوع بكم اشتريته
اولا الاعمار بيد الله
ثانيا موضوع موت الببغاء مرتبط بعديد الامور منها الاهمال بغض النظر ان كان رمادي او امزوني وانا اعرف عائله عندهم كاسكو منذ 37 سنه وقبل ما يعرفوا كم كان عمره
انا اعشق الرمادي ....لا قبله ولا بعده
مع التحيه

[امير الطيور]

اظن الي ربى اويربي الكاسيكو ماظن يفكر يقارنه ببغاء اخر ( حسب نظري )

وانا اتفق معاك بأن الكاسيكو قليل المناعة ولاكن على قولة المثل المصري

الحلو ما يكملش

[جوهرالجوهر]

الاعمار بيد الله ياخي
والكاسكو اذا لقي عنايه واهتمام
من صاحبه. هو راح يحافظ هو على
نفسه.
الكاسكو الافضل(وجهة نظر)وبالتوفيق

[Bruce]

مشكورين حبايبي على المرور انا عارف انكم بتاكلوني بقشوري

[Kuwaite]

^^^^
اسمحلي اخوي اقولك وجهت نظرك خاطئه

اخوي .. بعطيك سبب عن الوفاه .. دش اي موضوع عن حالة وفاه وشوف كم عمر الكاسكو اللي مات

اخوي اللي يموتون يكونون فروخ .. وهذا شي طبيعي .. الفرخ يبيله عنايه ممتازه له ..

واي هواء بارد يحوشه يموته بسرعه يعني معرض للموت بسرعه شديده .. وتخيل الشتا قرب ؟؟

اما اسأل عن اللي اعمارهم سنتين الى 5 سنين .. ونفس الكلام على أي طائر ..

وايضا بالنسبه للأمازون او الكوكاتو او المكاو فهم جميعا يكونون اعمارهم كبيره عند الشراء وانت تستلمهم جاهز منهم اللي يلعب ومنهم اللي يتكلم ..

وهذا المنطق العلمي ..

اما المنطق الاصلي : فهو بيد الله عز وجل

ومو شرط تشتري طائر بسعر 2000 ريال ( اي مايعادل 170 دينار) ..

اشترلك واحد بـ 1000 ريال وخلاص :D

تحيــاتي لــكـ

[Bruce]

^^^^
اسمحلي اخوي اقولك وجهت نظرك خاطئه

اخوي .. بعطيك سبب عن الوفاه .. دش اي موضوع عن حالة وفاه وشوف كم عمر الكاسكو اللي مات

اخوي اللي يموتون يكونون فروخ .. وهذا شي طبيعي .. الفرخ يبيله عنايه ممتازه له ..

واي هواء بارد يحوشه يموته بسرعه يعني معرض للموت بسرعه شديده .. وتخيل الشتا قرب ؟؟

اما اسأل عن اللي اعمارهم سنتين الى 5 سنين .. ونفس الكلام على أي طائر ..

وايضا بالنسبه للأمازون او الكوكاتو او المكاو فهم جميعا يكونون اعمارهم كبيره عند الشراء وانت تستلمهم جاهز منهم اللي يلعب ومنهم اللي يتكلم ..

وهذا المنطق العلمي ..

اما المنطق الاصلي : فهو بيد الله عز وجل

ومو شرط تشتري طائر بسعر 2000 ريال ( اي مايعادل 170 دينار) ..

اشترلك واحد بـ 1000 ريال وخلاص :D

تحيــاتي لــكـ

مشكور على مرورك الكريم وتعليقك

الي اسعدني:)

[أبو فاطمه]

السلام عليكم ,,

اخوي بروس انا مع الاخ كويتي بالرأي

وفعلا اكثر الكاسكوات اللي تموت تلقي اعمارها مابين شهرين الى سته شهور

وسبب موتها الرئيسى قلة خبرة المربين بالعناية بها كما ان مناعتها صغيرة وتعتمد

عليك بالتغذية على السيرلاك

كما ان فروخ الكاسكو مليانه السوق الحين فتلقي بعض التجار يبيع لك

الفرخ اللي حاس انه تعبان عشان ما يخسر وتلقاه يستغل عدم خبرتك

ويقول لك ان السبب منك وانك اهملت الطير بينما الطير تلقاه موات من الاول

واما بالنسبه للامازون والمكاو فنادر تلقي فروخهم بالسوق واسعارهم خياليه

عشان جذي مربينهم شويه مقارنه بمربين الكاسكو

وتقبل تحياتي وتحيات محبي الكاسكو

اخوك / ابوفاطمه .

[شريطي]

اعرف طير عند والد صاحبي عايش عندهم اكثر من 27سنه قولوا ماشاء الله

اسباب وفاة الكاسكو

اولاً الاهمال

ثانياً قلة خبرة الشخص بأن يضعه جنب المكيف ويشغل عليه المكيف
اذا جاه مرض لايحس فيه الشخص القليل الخبره

اذا جاء يشتري يقوم ويشتري كاسكو عيون سوداء او يشتري فروخ عمرها ثمانية اشهر تقريباً لاكن فروخ صيد لم تجلس في محلات الطيور اكثر من يومين وهي التى فيها مواد الغراء على ريشها وهو احد الاسباب
الكاسكو افضل طير موجود

[Bruce]

مشكورين على مروركم

وكلامكم فيه من الصحه

[Bruce]

قصدي كلامكم صحيح:D

[مجروح وين ما اروح]

انا افكر كنت أشتري كاسكو بس خافة والله بس أن شألله ما يموت الموت في يد لله

[Bruce]

انشالله

بس لازم تعرف طرق العنايه مضبوط

على شان يعيش معك

[Candy Man]

والله حكي بروس مزبوط 100%

[Bruce]

والله حكي بروس مزبوط 100%

يسلمووووووو حبيبي

اول واحد يوافقني بالرأي:)

[سوق الغزل]

ماعتقد ان الكاسكو مناعته اقل من الطيور الاخرى حسب راي الخاص
ولو في موضوع يخص المناعه لكان احسن حته يقدر المربي التميز بين الطيور الي اقل مناعه واكثرها
وارجع واقول مافي شي يثبت ان ان الكاسكو اقل مناعه من الماكو والامزوني

[Bruce]

شكرا على مرورك الكريم

[الفارس الخيال]

يا خوي هذا شي مقدر و أنت ما تقدر تقول إنه يمكن ما يموت و لا كذي بس بي اليوم إلي بيموت فيه و السمووووحه

[نور القطة]

انت عندك الحق بصح عنوان الموضوع مخيف وانا لما اسمع كلمة وفاة ابكي

[Candy Man]

ولا يهمك حبيبي ... :D
وبلنسبة انو الشي مئدر ... هيدا شي اكيد مئدر وكزا
بس الاخ عتمد على احصائيات ... او ناس كتيريييييييييين بلمنتدى عرضو مشكلتن
وأغلب المشاكل بتكون مع الرمادي ...

[البرجوان]

أنا بصر1حه بديت أخاف من الكاسكو اللي عندي صحيح أنه قليل مناعه وش يثبت يا كاتب الموووضوووع،،،،؟:confused:

[Bruce]

ولا يهمك حبيبي ... :D
وبلنسبة انو الشي مئدر ... هيدا شي اكيد مئدر وكزا
بس الاخ عتمد على احصائيات ... او ناس كتيريييييييييين بلمنتدى عرضو مشكلتن
وأغلب المشاكل بتكون مع الرمادي ...

صح السانك يا جدع:D

[Bruce]

أنا بصر1حه بديت أخاف من الكاسكو اللي عندي صحيح أنه قليل مناعه وش يثبت يا كاتب الموووضوووع،،،،؟:confused:

والله انا ماعندي دليل بس المعروف الي كلن يحكي عنه انه مناعة الكاسكو ضعيفه ومعرض للامراض بسرعه ولدرجة انه يموت من الزكام حتى

ويسلمو على المرور

[Bruce]

وشكرااااااااااا على مروركم جميعاااااااااا