نزلت لكم صور فرخي

[دلع بحريني]

قوووووووووة


حبيت اليوم انزل لكم صور فرخي والحمدالله صحته تمام ونشيط

بس خايفه عليه من الشتا لانه ياي جريب على الابواب شنو تنصحوني اسوي له

واهوه على فكره يمشي خطوتين ويطيح وقلت مب حاطته داخل قفص بحطه في كرتون شرايكم ؟؟

هل اللي اسويه صح ولا غلط ؟؟

وشنو تنصحوني اوكله حق يدفيه في الشتا ؟؟؟

انا هالايام اعطيه حب شمسي وساعات اعطيه خلطه فروخ شريتها من البيطري


يعني جم مره ااكله باليوم حق صحته

ولاني اروح الجامعه اخلي الوالده تاكله بس مادري كل جم ساعه ؟؟؟


وبسال عن الماي ؟؟؟

مره سمعت من عضو بالمنتدى اسمه كويتي يقول راعي المحل قايل له ما يعطي الفرخ ماي الا قليل صح يعني الكلام ؟؟

ما اعطي ماي بس اكتفي بالخلطه ويا الحب الشمسي ؟؟


بلييييز لا طنشوني


واخليكم مع الصور

ما شاءالله تبااااااارك الرحمن


http://www5.0zz0.com/2007/11/19/11/30228872.jpg





http://www5.0zz0.com/2007/11/19/11/76881727.jpg

[Bruce]

ماشالله ببغاء جميل بس شكله دايخ شوي

انا انصحك تأكله سيريلاك بالفواكه

وطبعا لازم تشربيه ماي دائما لانه مهم له

[دلع بحريني]

تسلم لي اخوي بروس على المرور والتعليق


انا حاليا استخدم له خلطه مالت فروخ ببغاء خصوصا

اذا الله قدرني بنزل لكم الصوره مالت الخلطه

بس ما رديتو على اسئلتي ؟؟؟

[كروان]

ماشاء الله تبارك الله

يوجد بالمنتدى مواضيع تفيدك ارجو البحث عنها

[yasert]

ماشاء الله تبارك الله فرخ جميل
بالنسبة للماء انصحك ماتعطيه ماء الا وقت الاكل يعني لا تخليه قدامه على طول وخلي الماء من 3 الى 6 مرات بس
لانه يسببله اسهال

[Bruce]

واهوه على فكره يمشي خطوتين ويطيح وقلت مب حاطته داخل قفص بحطه في كرتون شرايكم ؟؟

حطه في اي مكان يناسبك بس اهم شي تدفيه وتنظف تحته

وشنو تنصحوني اوكله حق يدفيه في الشتا ؟؟؟

السيريلاك احسن من الخلطه وحق كل الفصول

ولاني اروح الجامعه اخلي الوالده تاكله بس مادري كل جم ساعه ؟؟؟

كل ماتشوف حوصلته فضت من الاكل اوقربت تفضا اكله. تقريبا كل 2 او 3 ساعات

مره سمعت من عضو بالمنتدى اسمه كويتي يقول راعي المحل قايل له ما يعطي الفرخ ماي الا قليل صح يعني الكلام ؟؟

لا غلط. لازم تشربيه بعد كل وجبه

وانشالله يعيش ويكبر ويصير ببغاء متكلم

[دلع بحريني]

مشكووووووووورين حق كل اللي مرو جاوبو على اسئلتي ... تسلمون لي ما قصرتو يزاكم الله الف خير


واخوي بروس لك شكر خاص لانك رديت على اسئلتي سوال سوال ^____^



وعقب شوي بنزل صورت الخلطه لكنكم دام قلتو لي السريلاك افضل من اليوم بروح اشتري سريلاك بالفواكه

[دلع بحريني]

هذي صوره الخلطه اللي اطعمها فرخي



http://www2.0zz0.com/2007/11/19/12/47128329.jpg




وبالنسبه حق الحوصله تره ما يبين من جسمه شي لانه ريشه مكتمل ؟؟؟؟

شاسوي يعني

[دلع بحريني]

شباب فرخي من الشوي نام لكنه نايم على الارض يعني منسدح ومدخل راسه داجل جسمه


هل هذا طبيعي لانه بيبي ولا شنو ؟؟؟


مادري اول مره اربي فرخ واخاف فيه شي >____<

[جوهرالجوهر]

ماشاءالله تبارك الله الطير جميل وصغير
ويحتاج عنايه خاصه الله يعينك ويباركلك
تصفح في توزو ستجد اجابة لاسئلتك.

[ارنوب الصغير]

ماشاء الله يجنن بس عندي سؤال من وين اشتريتيه وبكم لان اذا تقدري تجبيلي فرخ واديك السعر الي تطلبيه في اسرع وقت

[دلع بحريني]

تسلمون لي على ردودكم الطيبه ^____^


واخوي ارنوب الصغير >>>> نك نيمك تحــــــــــــــــــــفه


وليش غيرت صورت القطو المتلثم والله انه الصوره كانت فظيييييعه


على العموم ارنوب انا مابيع فروخ انا شريته من البحرين في سوق واقف

اذا لك خاطر تفضل عندنا البحرين

[Bruce]

والله اخوي اول مره اشوف الخلطه هذي ولا عندي فكره عنها


وبخصوص انه ماتبين حوصلته لانه عليها ريش


تشوفها منتفخه اذا بطنه مليان

اما اذا فاضيه تبين

وبخصوص نومه انشالله طبيعي بس انتبه تعرضه للبرد

[دلع بحريني]

تسلم لي برووووووووووووووووووس على ردك

اي الحمدالله نومته كانت طبيعيه بس انا خفت في البداااايه

لكن الحمدالله مافيه شي طبيعي ينام هلون لانه توه بسم الله عليه صغنوووون

ولا توصي حريص


تسلم لي

[شريطي]

يوكل الطير كل مايجوع

عادة من 3مرات الى خمس مرات يتم تأكيله


والخلطه حقتك رائعه لانها مخصصه للطيور صديقي يقوم بعمل هذي الطريقه يوكله كل مايحس ان الطير جايع يعطيه
وزميلي الاخير يقوم ويأكله بعد كل صلاة يقوم باعطائه الاكل

[AL-MOHANDES]

ماشاء الله ..

الفرخ روووعه الله يخليه لك ,

[Kuwaite]

اخوي اول شي الله يهنيك في الفرخ ودربالك عليه لانه الفروخ تحتاج اهميه كبير وعنايه جدا جدا حريصه ..

بالنسبه لسؤالك عن الماي لا تحرمه منه ولا تعطيه كثير .. الفرخ ياكل بدون لا يشبع ومرات يموت اذا صار عنده انتفاخ ..

مادري الاخ بروس قال لا بكثره .. اخوي شكلك ماسمعت بالانتفاخ ..

ولكن مانقول تحرمه من الماء ,, يعني بشكل معتدل ..

اما بالنسبه لهذه الخلطه فهي ممتازه جدا جدا وفيها جميع المواد المقويه للفرخ

وتقدر اخوي تخلطه مع السيريلاك .. والتنويع ممتاز

اخوي الحمص ممتاز وايضا البطاط المفيوح جدا ممتاز له ..

الله يهنيك بالطائر وما انصحك تحطه بكرتون لانه برازه تكرم راح يحوشه وهالطائر ماعنده استعداد ينظف نفسه + النظافه لازمه له .. يعني تحطه بالكرتون تحسب حسابك تنظفله اول بأول ..

تحيــاتي لــكـ

[دلع بحريني]

مشكوووورين على الردود اللي تثلج الصدر ^___^


واخوي كويتي مشكور على النصايح الحلوه وان شاءالله بمشي عليها

وعجبتني فكرة اني اخلط من الاثنين بسويها باجر

وعن الماي انا اعطيه بالابره عشان اشوف شكثر بضبط يشرب

مادري احسه واااايد يموت على الماي يشرب وايد ما شاءالله عليه بس انا ما اعطيه وايد اعطيه

تقريبا بس 4 مل لاني اعطيه بالابره بين وجبه والثانيه

وعن سالفه الكرتون جربتها وا دشت مزاجي وايد يوصخ فيها حطيته في القفص

مسكين تشير ريوله ساعات داخل لكنه انظف له من الكرتون عشان ما يتوصخ ريشه



وفي وحده في المنتدى والله ماني ذاكره اسمها قالت انه فرخها يحفر تحت القفص بريله

ههههههههه مالي اليوم اشوفه يسوي نفس الحركه سيده يات على بالي العضوه ...

مو ذاكره اسمها والله





جني وايد هذرت !!!




مشكورين اعضاء المنتدى ما تقصرون ويزاكم الله الف خير

[غزل]

الله يهنيك بالفرخ والله انه فرخ حلو ورائع

بس نصيحة من الحين عودية على اسمه يعني دايم رددي الاسم عليه بكل وقت عشان يحفظ اسمه

ونصيحة ثانية عليج بالمواضيع المثبته لانها راح تفيدك بشكل كبير

وتحياتي لج ولفرخج الكتكووووت

[دلع بحريني]

تسلمين لي اختي غزل على كلماتج اللطيفه من ذوقج والله


همممممممممم على طاري الاسم للحين مب عارفه شنو اسميه

اذا ممكن تساعدوني

ساعات اقول سلفر ساعات اقول تيكو ساعات عسووول

للحين مب عارفه شنو اسميه


وانا مستفيده من اضاء المنتدى وايد الله يخليهم ان شاءالله


والله يخلي لي طيري يااااربي ^___^






اي وعلى فكره اسمج وايد حلو ...

[خيال الروح]

الله يباركلك في الطير وحافظ عليه

[زيكووو]

اللهم صلي على سيدنا محمد

الهي يحميه

[غزل]

ساعات اقول سلفر ساعات اقول تيكو ساعات عسووول

اي وعلى فكره اسمج وايد حلو ...

والله مدري بس اسم سلفر حلووو عجبني :p

وطبعا انتي وبراحتج

ومشكووووره عزيزتي ان اسمي عجبج :o

[tedll]

مـاشاء الله تباركـ الله

بس كني اشوفه في الصورهـ

تعبان شوي و اتوقع فيه اسهال

الله يكرمكم ، و الله يعينكـ عليه

والله يبيله تعب و جاي البرد

و تقبلي مروري

[دلع بحريني]

قووووووووة

تسلمون لي على مروركم وتعليقاتكم


واختي غزل ان شاءالله اول ما ارسي على اسم بخبرج ^___^

واخوي tedll شلون عرفت انه طيري فيه اسهال ؟؟؟

مادري انا ما شوف فيه شي ياكل الحمدالله ونشيط

بس انا ملاحظه عليه انه صج شويه الخروج ماله يكون يامد ومعاه سوائل


مادري شاسوي يمكن لانه اعطيه ماي واهوه يحب يشرب ماي >____<


بوديه البيطري اليوم عيل ...


وتسلمون لي على الملاحظات الطيبه

[مجروح وين ما اروح]

هههههههههههههههههههههههههههههههههههههههأجل اكله سيريلاك

[Candy Man]

ماااا شاء الله :)
فرخ ولا أحلى
الاعضاء كفوو وفوووو

[دلع بحريني]

قووووة


شباب بغيت استفسر عن شغله

انا امس وديت فرخي البيطري عن الاسهال والحمدالله عطاني دوا واشوفه اليوم اوكي الحمدالله

بس اللي لاحظته انه الاسهال يصيده اذا اشربه ماي

وانا الحين صرت ما اعطيه ماي الا بس اخلطه له ويا اللاكل


تعتقدون اوكي يعني ما يضر الفرخ ؟؟؟ لو ما سقيته ماي الا قليل وايد بس 2 مل عقب كل وجبه ينفع ؟؟

[البطريقه]

ماشاء الله عيني عليه بارده فظيع http://www2.0zz0.com/2007/11/21/16/70774042.gif

[-= pink =-]

مــا شاء الله تبارك الله :)
يهبل .. الله يخليه لك


وبالنسبه للشتاء عشان لا يستبرد .. او يمرض
حط يم قفصه دفايه .. :rolleyes:
لان والله حرام توه صغير وبسرعه يمرض
فاهم شي انك تدفيه


اتمنى اني افدتك ^_^

[kh200063]

ماشاء الله تبارك الله عليه

بس نصيحة انتبه من الاسهال اكيد انت تعطيه ماي كثير الماي ضروري بس كمية بسيطة

وانشاء الله يكون تمام
وشكراً

[الفارس الخيال]

ما شالله طير حلو و حبوب انشالله تتهنين به

[دلع بحريني]

تسلمون على ردودكم اللي تطيب الخاطر ^___^


الحمدالله الحين وقف الاسهال

توني مكتشفه انه لازم اعطيه ماي كللللللللللللش قليــــــــــــــــــــــل واذا زودت حته لو حبتين

توقع الاسهال على الطوووووول


فنصيحه حق اللي يربون فروخ انه يقللون من كميه الماي يخلونها كلش صغنوووونه عشان صحته

والبيطري يوم امس رحت له قالي انه المفروض الفرخ دام انه صغير ما انوع له الاكل كل يوم اعطيه

شي غلـــــــط هذا الاسلوب >>>>>>>> انتبهو حق ذي النقطه شباب


لانه معده الفرخ صغيره وما تتحمل التنويع في الاكل .. قالي اقدر انوع له عقب ثلاث اسابيع

عشان معدته تتقبل التغير وما يسبب له الاسهال بسبب التغير في الاكل


يعني يكون التنويع في الاكل بالتدريج مو كله مره وحده


وعن السريلاك قالي انه واااايد حار على معدته الفرخ وما نصحني فيه


قالي افضل له اني اوصل على الخلطه مالت الفروخ اللي انا حاطه صورتها في الموضوع

قالي هذي احسن من السريلاك ولانها مخصصه حق الفروخ




وبس خلاص




ان شاءالله استفدتو من كلامي اللي نقلته لكم حرفيا من البيطري ^_^

سلااااااااااااااااااام

[Bruce]

شكرااااااااا على المعلومات

بس انا طول عمري ااكل فروخي سيريلاك

[دلع بحريني]

شباب عندي استفسار

انا اذا ااكل طيري بالابره الاحظ عليه هالايام يبطل منقاره كامل وييلس يصااارخ بقوه شنو معناتها الحركه ؟؟؟


مع اني ما اغصبه بالاكل ولا شي بس من نفسه يسوي هالحركه ذي !!!


شنو السبب ؟؟

هل هذا طبيعي ولا فيه شي ؟؟؟؟

[دلع بحريني]

ليش محد رد على سوالي ؟؟؟

[دراج قطري]

مشكور اخوي عالموضوووع لانة انا عندي فرخ بس اعاملة معاملة الطير العادي بس ماي وحب شمسي

[مربي الطيور]

ماشاء الله الله يخليه لك رووووووووووعه

[مربي الطيور]

الله يخليه لك وتشوفين عياله بعد

[دلع بحريني]

ههههههههه


ان شاءالله الله يسمع منك يا مربي الطيور


واخوي دراج قطري يمكن فرخك عادي مافيه اسهال ولا شي وكل شي تمام ياكل بروحه


عادي خله مثل ما اهوه لا تغير له شي

[عسوله جدة]

بجد الله يعينك اختي انتبي عليه لان

في هذا السن يباغلو تنتبهي عليه تمااااااااااااااااااام



ومبروك عليك الطير وانشاءالله يكبر ويتربه في عزززززززززززززززززززك

[D.Abu_mansor]

طبيعي جدا

بس اقترح عليك شراء ستادند

[w1574w]

الف مبروك وعسى الله يخليه لج ومااوصيج بالمنتدى موضوع متكامل عن الفرخ وديري بالج عليه من البرد وشكرا

[دلع بحريني]

مشكووووووووووووورين على الردود الطيبه

ولا توصون حريص

[FiFi]

ماشاء الله تبارك الله فرخ جميل يتربى في عزك ان شاء الله

[العيد]

انا لدي الخبرة الكافيه عن طيور الببغاء فمن لديه اي اأستفسار أو سؤال ما عليك سوى الأتصال على جوال رقم 0504938334 (أحمد) المملكه العربيه السعوديه(الأحساء)

[العيد]

انا لدي الخبرة الكافيه عن طيور الببغاء فمن لديه اي اأستفسار أو سؤال ما عليك سوى الأتصال على جوال رقم 0504938334 (أحمد) المملكه العربيه السعوديه(الأحساء)
تخصص في الطيور الناطقه/علاج/تدريب/تعليم

[دلع بحريني]

اخوي العـــيد


تقدر تفيدنا عن طريق معلوماتك اللي تحطها في المنتدى


ورقم تلفونك احس ماله داعي وجوده !!


انته يالس تسوي دعايه!!

ولا تبي تساعد الناس ؟؟؟